السلام عليكم ورحمه الله وبركاته ..
ما قررت آكتب لكم تجربتي إلا لان الاغلب فيكم ودهم يشترون غسالات آتوماتيك بس محتارين بالماركه ...
يعني نفسي بالضبط لمن كنت آبحث عن تجارب ومواضيع مستقله للاسف مالقيت إللي يشفي غليلي ويطمني . ماكنت آلاقي إلا بس ردود فقط ...
لذلك قررت آكتب لكم تجربتي مع غساله دايو 12 ك تجفيف 100% ....
وآفيدكم حبايبي زي ما استفدت منكم آشياء كثيييييييير ....
آولآ هذه صوره مزيوووونتي ....
ثانيآ ..كديكور ومنظر مره عجبتني ...
فيه منها آحمر مإ آعجبني ... وكمان ابيض والفضي هذه آحلى شئ عجبتني ...
هذه مو مهم المهم الاداء ...
...
حطي الملابس آولا والصابون والملطف والمبيض في الدرج الخاص ..
...
توكلي ع الله وسمي بالله ..
نظام الازرار واضح وغير معقد ..إظغطي على زر التشغيل وراح تشتغل وإختاري من الدائره الكبيره النطام إللي تبغين وإذا إخترتيه راح يختار تلقائي درجة الغسيل والتشطيف والدوران والتجفيف إنت تختارين وقت إللي يناسبك ... وإذا خلصتي إضغطي على ابدء ...
فيه كذا نظام لها وراح آتكلم عن إللي إستخدمتها ..
الغسيل السريع 30 د ..
آستخدمته لكل الملابس وكمان للمفارش النفرين والدعاسات وانتم بكرامه ..
مره حلوو إذا إخترتيه راح يختار درجة الغسيل ولتشطيف والدوران تلقائي وبكيفك لو بتغيرينه ..
وآستخدم معاه التجفيف على حسب كثر الملابس آختار وقته كم آبغى ..
آختار التجفيف الدولاب للبجايم وملابس الاستخدام الشبه يومي وملابس الاطفال كلها ...
آما بالساعات للباقي
نظام الابيض ..
استخدمته للملابس البيضاء وكمان الثياب الرجاليه ...
وتلقائي بيختار لي درجه الغسيل والتشطيف والدوران ..
آما التجفيف فاختاره للملابس البيضاء طبعآ اختار الدولاب ..ما عدا الثياب الرجاليه ما استخدم التجفيف آبدآ بس غسيل وشطف ودوران راح تطلع لي زي الغساله العاديه رطبه لان يصعب كويها مره وكمان تخرب ياقتها ...
ونظام البقع القويه ..
آستخدمه لمناشف المطبخ إللي إتساخها مره كثير ..
آما نظام الاحذيه الرياضيه ..
إستخدمت جزم بناتي السبورات مره متسخه وتنظيفها صعب وربي طلعتها لي شبه جديده ..
راح يطلع لي درجة الغسيل والتشطيف والدوران تلقائي واختار بس التجفيف ..
الانظمه الباقيه للامانه ما استخدمتها ..
تجربتي لها ..
رائعه بكل معنى الكلمه وكلمة رووعه قليله عليها ..
النظافه حلوووه ..وتطلعها لي نظيفه جدآ ..
إتساخنا إحنا للملابس زووجي ملابسه لمن آغسلها شبه نظيفه لان إستخدامه لها رسمي ..
ملابسي كذلك شبه نظيفه...
آما بناتي حدث ولا حرج بالذات الشووربه والعصيرات صعب تطلع بسهوله بس مع الغساله هذه تطلع نظيييفه ..
الصابون إللي آستخدمه آريال الاخضر والمبيض فانيش والملطف كمفوورت ..
إضافاتي..
شريتها من إكسترا آيام العروض ب 3250 وسعرها الاساسي آتوقع ب 3800
:39:ك
هذه تجربتي لها ..
كل إللي آبغاه منكم تدعون لي آنا وزوجي وبناتي بالهدايه والصلاح