تجربتي مع فرد الشعر بالتفصيل /اكتفى من الردود

السلام عليكم
كيف حالكم ان شالله بخير
الموضوع بالتفصيل فاكيد بيكون طويل
بدخل على طول
بقولكم تجاربي عن الفرد من وانا صغيرة الى يومي هذا
وعلى فكرة ترا شعري عادي مايل للنعومه لاكن يتدرج علي بالذات من قدام



اولا وانا صغيرة كان شعري نوعيته متوسط عالخشن والجاف
وامي تحط شي بسييييط من الفرد بشعري اللي هو اسمه يبوتفل اند بيوتفل ( البنت السمرة )
ومااتذكر النتايج مرة لاكن يتعدل ويلمعه لي
يوم جيت بالمتوسط انقطعت عن الفرد وكان شعري لاسفل ظهري لاكن
شكل موحلو جاااف وهو نعومته متوسطه
وبديت اشوف البنات شعورهم والقصات اللي طيرت قلبي :32:
زنييييت عااهلي ابي اقص شعري خلااااص مليت من طويل وجاف ولا اعرف استشور عدل
فقصيته ولله الحمد تخلصت من الجفاف من التقصف
لاكن بوقت الحر يحرجني شعري على طول يتدرج من قدام
اشوف خواتي يفردون بفرد اسمه( فردالاعشاب )زي البنت السمرة لاكن لونه اخضر والنتايج وااااو تبهرني
فقلت ليش ماافرد
وامي حمستني
فردته والحمدلله عجبتني النتايج
وصار كل ست او تسع شهور اسوي فرد

وربي انه غذا شعري ماشاءلله حتى لو اطول ما افرد اجلس سنه ونص شعري احسه لامع وحيوي
من عقب الفرد ولله الحمد

فاللي تبي تفردة بهالفرد لاتتردد ابد

وانا قريييت كثيير بقوقل ويذمون من هالفرد اللي تقول صار كانه مكنسه واللي يتفتت
صح يمكن يكون لاكن الغلط على اهي مو عالفرد
اهي عارفه كيمياوي صح
(الفرد ابد ابد ما يصلح تستعمليه وشعرك مصبووغ اقل شي يكون بينه وبين الصبغه تسع شهور
اما اذا هاي لايت فتوقعي انك بتشوفيه يتفتت قدامك

وبعد الفرد ضرروووووري تزيتي شعراتك عشان ما يكون يابس الزيت يخليه لبيب
واستمري بالزيت كل يوم لمدة ثلاث ايام
والافضل كمان تقصي اطراف شعرك حتى يبدوا اكثر بطبيعته
وعشان ماتنصدمي وتدعين علي
خلي قدامك ان ملمس شعرك بتتغير يعني بيكون مش لبييب زي اول الطبيعي
لاكن مع مرور الايام بتشوفي زي الطبيعي

وطريقتي اخلي احد من خواتي او امي يسون الفرد لي.
افضل من الكوفيرات يخلونه مررره ساطع بالراس فماقدر اسروي بف
اما اذا الشعر خشن فالافضل تسويه لك خبيرة عشان تمسه لك

اولا استشور شعري واضع فازلين على الاذنين والجبهة ومن خلف الرقبه
عشان مايحرقها لي والف على رقبتي سماط سفرة عشان مايوسخني
بعدين اجزء شعري واسويه من تحت الى مقدمه الراس الغرة
وكل خصله امشطها بشكل خفيف مرتين بعدين اللي بعدها وهكذا
وان خلصت الف السماط على شعري بالسرريع
واجهز ملابسي وكل لوازمي الى عالاقل يجلس بشعري عشر دقايق ولا يتعدى ربع سااعه واقل شي خمس دقايق

واخذ معي الشامبو لونه برتقالي طالع معه خااااص له وريحته حلوة وزي البلسم
وان طلعت من الحمام احط بشعري مادة ملمعه من الكرتون نفسه يطلع معه بقصدير
واخليه مفلول شعري وانبهك تحطي بنسة او ربطة عشعرك
كذا ببقى اثرها عالشعرك
واتركه بعد ساعه ازيت شعري بزيت عافيه واتركه لين ماافضى واتروش بالشامبو عااادي واربطة
مجرد ماينشف بتشوفي كيف صاار شعرك حريييير.
وبس هذا تجربتي اتمنى انها تفيدكم زي مافادتني


وخلصت الموضوع ولله الحمد
واتمنى اللي تسويه ويعجبها انها تدعيلي بالتوفيق
وتيسير اموووري وتهديني وتهدي زووجي
واللي مايعجبها مو ذنبي فلا تدعي علي

وسبحانك اللهم بحمدك اشهد ان لا اله الا انت استغفرك واتوب اليك

سبحان الله والحمدلله والله اكبر
ولا حول ولا قوة الا بالله