تجربتي مع فطام طفلي

بسم الله الرحمن الرحيم

ماشالله

قبل افطم ولدي كنت شايله هم وصرت بس ادعي ربي انه يسهلها من عنده

وكل وحده تعطيني نصيحه

لكني دمجت الطرق مع بعض وطلعت بالتالي :)

حاولي ماتفطمين طفلك الا اذا صار اكبر من سنه وتسع شهور يصير كبير ويعرف ياكل ويلعب وينبسط

اول شي لازم يكون الطفل رايق مايكون مريض او يسنن او عايش وضع جديد مو متكيف عليه

الشي الثاني لازم تكونين انتي رايقه لفطام طفلك ومستعده نفسيا

اول شي تحاولين بقدر الامكان توفرين جو مناسب للفطام يعني انا اخترت وقت اكون قريبه فيه من اهلي وحول ولدي اطفال يلعبون معاه ويوسعون صدره

لما يجي يطلب صدري احاول انه وضع رجولي مايساعده انه ياخذ وضعية الرضاعه الشي الثاني احاول الهيه وانسيه والشي الثالث اوفر حليب بالكاس او بالمصاص يكون يرغبه وكل ماجا يطلب صدري عطيته منه

حاولت اول يومين من الفطام اني اطلع فيه حدايق وملاهي عشان يبعد عني ويلهى طول اليوم باللعب

بيجيك لحظه في النهار بيصمم الا يرضع حطيت على صدري مره فلما ذاقها قال كخ وجلست اضحك معاه

وكل ماطلبه في النهار حطيت عليه مره لحد ماصار يطلبه ابدا في النهار وهالمرحله اخذت لها ثلاث ايام بس بدون بكاء يقطع القلب لاني وفرت له جو حلو وطول الوقت الحليب والمويه بيدي وكل ماطلب صدري شربته

نجي لليل وهو اللي متعب جدا لكن سبحان الله لاني عودته ماياخذه بالنهار لاحظت انه كل يوم طلبه للرضاعه يخف

لحد ماحسيته انه ماعاد يدوره ابدا وهالمرحله اخذتلها اسبوع طبعا لابد من البكاء والهز شوي

يعني شغلك كله بالنهار حاولي تفطميه وتنسيه وبالليل راح يتركه تلقائي بعد كم يوم

لانه انقطع عنه بشكل متدرج مو مره وحده وبالتالي ماكان فيه مشاكل

اكبر غلط اللي تقطعه مره وحده لاني احس انه فيه هرمونات معينه بجسم الطفل تفرز مع الرضاعه ومن الخطاء اننا نحرمه منها مره وحده لازم بالتدريج

سبحان الله شخصية ولدي تغيرت بعد الفطام واصبح طفل جديد ما شالله

حسيت بتاثير الرضاعه على نفسية الطفل