تجربتي مع فيتامين سد نفسي عن الأكل

السلام عليكم ورحمة الله وبركاته


بدخل بالموضوع على طول

انا اعاني من تساقط بشعري وفراغات بالهامه بالذات
انا ادري ان العيب من تغذيتي كل اكلي نشويات رز خبز اندومي معكرونه
يعني الفواكه والخضار نادر جداً اكلها وانا ما استسيغ من الفواكه الا الموز والمنجا والخضار احب البطاطس لا وبعد مقليه هههه


رحت لطبيبه عامه واشتكيت لها الحال ونصحتني بفيتامين هير دال و عقدت العزم ابداء فيه لكن قريباتي يقولون يكثر شعر الجسم
وانا مو ناقصه

دخلت النت وبحثت عن فيتامين كويس للشعر طلع لي كذا واحد ومن ضمنها فيتامين ماتيرنا

اخذت لي كذا اسم وبالاخير حصلت بس ماتيرنا بالصيدليه

اشتريته وابتديت فيه من بعد رابع يوم برمضان اذا ما كنت غلطانه

ويومياً كنت اخذه بعد الافطار

لما جا العيد الكل يقول لي شعرك زان شعرك يلمع شعرك طال
بس ماكان هذا المطلوب انا ابيه يتكثف😁

بصراحه صار فيه لمعه وبسرعه طال وانا استشوره اشوف شعرات صغار جديد طالعين
حبيباتي البراعم ❤️

بس للأمانه كان يزيت شعري بسررررررعه

المهم
استمريت عليه قرابة الشهرين وماكنت اشتهي الاكل

فهمتو ؟؟
ماكنت اشتهي الأكل
دخلت قوقل بشوف اذا منه الكل يقول انه يفتح الشهيه

بعدها قلت يمكن اني تعبانه

تركته لي مده طويله ورجعت له شهر ٦ هجري ورجعت لي الحاله الاوله

اوكي صح الكل يقول لي ناحفه
بس انا اخاف يجيني شي بعدين

وبنت اختي تدرس بالجامعه ولما شافت شعري طال ع الفيتامين اشترت زيه

والغريب جاها نفس اللي جاني
انسدت نفسها عن الاكل

تخيلو تقول ارجع من الجامعه اشم ريحة الغدا اشمها ريحه مو كويسه وراقى لغرفتي اشرب عصير وانام

يا بنات انا حابه استفسر مين اللي جربته ومرت باللي مرينا فيه؟