الله يعطيك العافيه أختي

اخت كرزة
ان شاء الله مافي ضرر من قهوة الشعير لو ضفتي عليها هيل
بس بالنسبة للطعم انا جربت في مرة حطيت عليها هيل وما عجبني طعمها نهائيا

فواكة استوائية...البنات يسئلوا عن فصيلة الدم لانه طلع من فترة حكاية انه على حسب فصيلة دمك في اشياء تناسبك واشياء تضرك
بس بالنسبة ليه انا قرات ان تحديد الاكل بفصيلة الدم غير مثبت علميا...اهم شي الاعتدال في كل شي

اختي تبوك الورد3
تبغي نصيحة مني لوجه الله أسال عنها يوم القيامة؟؟؟انصحك تتركي وصفة الشاي الاخضر بالزنجبيل والكمون وتعيشي على قهوة الشعير بالزنجبيل

لاني قرات ان الكمون كثرته تضر الكلى..وكمان يعمل امساك
الشاي الاخضر كثرته تعمل ارق في الليل

اما الشعير قرات عنه ومالقيت تهائيا اي ضرر من استخدامه اليومي
الزنجبيل كمان مامنه ضرر من استخدامه اليومي بس الكميه الكبيرة(اكثر من ملعقة صغيرة زنجبيل بودرة)تعمل ارق يعني لاتزيدي عن هذي الكمية يوميا

وعن نفسي سبحان الله لما حاولت اني اشرب شاي اخضر في نفس اليوم اللي اشرب فيه قهوة الشعير حصللي امساك شديد وتعبت مرة..

ام رواف 511
انا استخدم المراجل بس في علبة ب12 وعلبة تانية ب15ريال ...سالت صاحب المحل ايش الفرق بينهم مهو عارف
فتوكلت على الله وصاشتريت ام 15 ريال وعجبتني وحبيت اغامر واغير النوع


غصن الليلك
قهوة الشعير مرة مفيدة للمرضع(بقولك كده لاني قرات عنها) الشعير والزنجبيل كلهم مواد مدره وكمان مهدئة ..يعني ان شاء الله تلاقي طفلك مبسوط وموده رايق على القهوه دي....