أخواتي..حبيت اقولكم تجربتي مع كريمات البشرة من الماركات العالمية
لان احس القليل الي يتكلم عنها وهي اتصور بالنسبة لي تجربة مهمه
اتمنى الكل يستفيد منها طبعا بالصور
اولا ..انا كنت اقول كنت:( اتمتع ببشرة رائعة ماشاء الله
الى ان سويت تنظيف بشرة للاسف...من بعدها بشرتي انعدمت من الحبوب والزوان (الرؤوس السوداء)
طبعا انا رحت ذيك الايام الى اشهر مكان كان عندنا يسوي تنظيف بشرة
وسوت لي وحده ماتذكر جنسيتها بالضبط بصراحة كانت سيئة كانت تضغط في وجهي كانه مو وجه كانه جدار من القوة وانا بس اصيح وساكته كنت صغيرة ذيك الايام
بعدها يمكن باقل من اسبوع بدأت تطلع في وجهي حبوب بشكل يروع
حبه ورى حبة
وحبوب الزوان انواع واشكال
اقسم بالله حتى حول الشفايف صارت تطلع فيها:(
استمر الحال تقريبا سنتين وانا كل شهر عند دكتور ودكتورة شكل ماخليت دكتور في ديرما الا رحت له
الي يقول عادي حبوب شباب وهذي فترة عادي والي يقول استخدمي كريم رتين اي
والي يعطيني ادوية اشكال والوان
جلست على هذا الحال فترة طويلة خفت الحبوب ولكن مازال الوجه باهت وتعبان وحبوب الزوان حديث ولا حرج
الى ان حضرت محاضرة عن البشرة مع خبيرة تجميل
قالت ان العناية اليومية وكريمات الليل هي اهم شئ للبشرة هي الي تخفي الحبوب مع الوقت
وقالت عن ماركة la prairie
انها رائعة...مفعولة مرره سريع للبشرة المتعبه والمنهكة
بعد المحاضرة طلعت على طول اشتري الكريم الليل من عندهم
الحقيقة كان السعر غالي
ولكن قلت ولو لازم استخدمه يمكن اشوف نتيجه مرضية
المهم شريت هذا النوع كريم الليل
استخدمته يمكن بدون مبالغة 3 ايام بعدها صارت الزوان كذا بس المسها تطلع تحسن وجهي بنسبة كبيرة
فرحت صراحة كثير واستخدمته 20 يوم لانه يالله تكفي
المهم قلت ابغيره لانه سعره غالي
رحت لمركز باريس قالري النسائي الي في العليا
وياليتني مارحت:(
لقتني هناك وحده من المختصات في ماركات شسيدو
وقلت لها اني ابي اغير ماركة la prairie
قالت ان ماركة شيسدو روعة
قلت طيب اشتريها قالت لي اذا شريت الكريم حق الليل والنهار لك عرض اسوي لك تنظيف بشرة
قلت لا مستحيل انا تعبت من هالشئ
قالت لا انا ابسد لك مسام البشرة وخلي بشرتك زي القمر طبعا غسلت مخي بما ان التنظيف مجانا:(
سويتها ويالتني ماسويته رجعت نفس المعانات ولكن بشكل اقوى واشد
صارت الحبوب تطلع بقوة والله العظيم لدرجة ماتوقعته من تنظيف البشرة
حسبته من شيسدو والله العظيم اني رميته خلال اسبوع خفت منه من شئ شفته طلع في بشرتي حبه ورى حبه كبار واحس بحرارة قوية تطلع في وجهي
المهم استمريت يمكن سنه وانا انتظر بس الحبوب توقف قلت مهيب موقفه الا لما تلعب في بشرتي
رحت خلال هالسنة لهدى بيطار قلت يمكن القاء عندها العلاج
اكدت لي ان كريم شسيدو ماله دخل في الحبوب وانه ماركة كويسة مررره
المهم رحت مره ثانية اجدد العهد بكريمات الماركات
شريت هالمرة كريم الليل من ماركة كينبو kanebo
استخدمته تقريبا مدة 3 شهور لان العلبة تكفي تقريبا شهر ونصف اخدت علبتين
لقيت تحسن بسيط ولكن كان افضل من اول ومن كريمات هدى بيطار
وبعدها شفت وحده تمدح كريم الليل من ماركة Yves Saint Laurent
اخذت كريم الليل
بصدق شفت معه تحسن ولكن للاسف ماستمريت عليه احطه يوم واتركه اسبوع
ولكن لو انتظمت ممكن الاقي تحسن اكبر
وطبعا خرب لان هذي الكريمات عمرها مرره قصير اقل من 3 شهور وتخرب بسرعة
ولان استخدم كريم جديد من ماركة clarins
هو طبعا اقلهم سعرا وفاعلية لا انصح فيه ابدا
الافضل طبعا كان الاول
ولكن هو مكلف
طبعا خلال هذي التجربة الطويلة من العلاجات الخلطات الطبيعة كان لها نصيب وللاسف كلها تجارب فاشلة
والخلاصه الي ودي غيري يستفيد منها
لا والف لا ...للتنظيف البشرة
هذي كذبة كبيرة البشرة فقط تحتاج عناية
المفروض الكل يوقف خلطات وكل وحده تختار كريم خاص بالليل وصابون تنظيف مناسب للبشرة وحسب مزانيتها
وبعدها ان شاء الله كل مشاكل البشرة تلاقونها تختفي بتدريج
واتمنى الي تستفيد من تجربتي لا تنساني من دعوة حلوة:)
موضوع رائع