تجربتي مع كسل الغدة ونزول وزني

الحمدلله على الصحة والعافية.
صبايا انا كنت اعمل دايت دايما وينزل وزني بس اخر مرة عملت دايت وزني ماعاد نزل وصرت دايما كسولة ومرهقة وخفقان بالقلب وتساقط بشعر الحاجب غير الوزن يلي صار يزيد. المهم رحت وعملت تحاليل وكان ضمن كورس التحليل تحليل الغدة. دكتور المختبر تفاجئ بالنتيجة وسأل اني باخد علاج ولا لا. وفحصت بمختبر تاني وطلع معي كسل شديد بالغدة.
بلشت بالعلاج اخد عيار ٥٠ مع ٣ نقاط من محلول اليود على كأس ماء بعد وجبة الغدا وصرت كل ٣ اشهر أفحص.
برمضان دخلت على صفحة محمد الغندور واتبعت الحمية منزلها لمرضى الغدة وبالفعل طول شهر رمضان وانا ملتزمة بس للاسف مانزلت الا ٣ كيلو مع انه هاد النظام بينزل لحد ١٠ كيلو والسبب الغدة اكيد.
شفت الدكتور كريم علي بيحكي عن مسببات كسل الغدة الهم الحزن الخوف القلق وما شابه...... وكيف برجع بنشط الغدة.
ابتعدت عن الخبز الابيض والاسمر بأول فترة والرز الابيض بأنواعه حلويات مقليات والعب رياضة كارديو هييت شد ونحت يعني الرياضة بأنواعها حتى المشي لحاله ممتاز.
والحمدلله من اسبوعين حللت الغدة عند حدها الطبيعي.
والوزن من ٧٢ إلى ٦١ونص الحمدلله لحد الآن مسيطرة عالوضع.
احيانا بشتهي اكل حلو مابحرم حالي بس بفترااااات متباعدة جدا.
حاليا باخد خبز اسمر وباخد رز بسمتي بس مسلوق بدون زيوت او زبدة او سمن
حبيت انقل تجربتي حتى يستفيدوا باقي الصبايا لان الغدة مرض العصر والحمدلله على كل حال.
لاتنسوني من دعائكم اخواتي