تجربتي مع كل شي نفعني ومانفعني ((دعواتكم))

اهلين بنات بما اني استفدت من المنتدى كثييير فحبيت افيدكم<<لاني والله حاسه بالمعاناة سنين مو ايام

اول بقولكم قصتي مع بشرتي وبعدين اقولكم النتيجه
لازم تقرون القصه اول
بداية الموضوع كنت احف وجهي واذا حفيته الله لا يوريكم حبوب على كل وجههي شي مقرف ومتعب
ومابقى دكتور مارحت له ولا شي استخدمته ريتينA مافاد -صابونة كبريت مافاد-ديتول مافاد
كريمات ثانيه مااتذكر وش اسمها وصفها لي كذا دكتور مافادت<<من سنوات
حتى المره مافادتني مع انها فادت بنات خالاتي ((سببت لي حساسيه الله لايوريكم))
وبعدين رحت لدكتوره وصفت لي حبوب رواكتين ياسلام اول ماستخدمتها طلعت بشرتي شي خطير بس انا كنت مااهتم بالترطيب وقتها بس بيبي اويل اذا سبحت فسبب لي سترش مارك وشعري انا بالاساس دهني حتى ماكان يضبط عليه الكيرلي فاستانست عليه وماكنت اعتني فيه يعني حتى البلسم ماحط مستانسه انه ينفش <<خبله اكلتها بعدين..صبغت شعري مرتيين الله لا يوريك وش صار بشعري ((صار كانه ليفه)) عقب قصيته واهتميت فيه شوي ((حمام زيت بانويل-فاشكول بالثوم))<<خطير
وعشان كنت مو حريصه على الواقي طلع بقع صغير على خدي مثل النمش
وبعدين بطلت الحبوب بعدها بسنه تقريبا او كثر بدت ترجع لي الحبوب وكل مالها تزيد فوقفت حف قلت مالي الا الليزر عشان اخلص من الحف وحبوبه((مع العلم انه الشعر اللي بوجهي وبر مو شعر ))
داومت على الليزر عند مستشفى تجاري 100% قالت لي انتي بس يبيلك من خمس الى ست جلسات ولحد ثالث جلسه ومن بعدها وانا احس انه الشعر كثر وثقل هاذا غير الحبوب اللي ماخلصت منها واللي تشوه ولما قلت لها ليش زاد قالت عادي انتي يبيلك 8او 9 جلسات وبعد رابع جلسه رحت استشرت دكتور بالبحرين حق ليزر الله يجزاه خير
طلع لي مجلة بحوث علميه امريكيه وقال لي شوفي الصور واقري اللي مكتوب يالله يا بنات بغيت انهبل محطوط صور لوحده قبل الليزر و صوره بعد سابع جلسه((( طلع لها لحيه))) ووحده صورتها قبل وبعد الجلسه 11 (((برقبتها شعر يخووووف))) قالي لا تخافين هاذول نفع معاهم العلاج بس بعد سنوات من االجلسات..
المهم استخرت ووقفت جلسات الليزر بس عاد الله لايوريكم يوم طلع الشعر اثقل من اول واكثر وباااين وزياده عليها حبوب والبقع اللي فيني زادت وكبر حجمها
وماكنت ابي اشقر اولا مابيه يكثره اكثر مماهو عليه وحتى لو شقرت بيصير كانه لي لحيه شقرا وعع بيبان
ولا اقدر احف وجهي لانه فيها حبوب مليانه لو بشيله بتلتهب علي ((بنات ادري بتقولون يرهل الوجه بس الحلاوه والشمع احسن من الخيط ..الخيط يقص الشعره ويثقلها اما الحلوه والشمع يشيل الشعره من جذورها ويخففها))
فقلت لازم اعالج الحبوب اول قبل الحف .........
ولاني من النوع الكسول حطيت اغراضي كلها بكيس عشان اخذها معاي بالصاله بالغرفه اي مكان
لاني لو حطيته عالتسريحه بتبقا عالتسريحه
وخليت لي نظام اول مااصحا وبعد مارجع من برا((ضروري)) وقبل النوم ((اهم شي))
اغسل وجهي بصابونة بابايا واخليها شوي وبعدين اشطف وجهي بالماي وبعدين اغسل بغسول نيتروجيانا للبشره الدهنيه واللي فيها حبوب
وبعد مانشف وجهي اخذ كيستي اطلع الاسكيونول واحطه بقطنه وامسح وجهي ورقبتي وابعده عن حوالين العين و بعد ماينشف
امسح وجهي بموية ورد بقطنه واحرص انه يكون حوالين العين ومكان البقع لحد ماينشف
وبعدين اخذ محلول الدلاسين ((قد وصفته لي دكتوره ومانفع لحاله)) وامسح على مكان الحبوب ومكان اللي موجود فيه شعر
وبعدين اطلع علبة الزيت وهي ملعقتين زيت جنين القمح مع ملعقتين لوز مر و6 كبسولات زيت فيتامين E من عند gnc
احط الزيت مسحه تحت عيوني مكان الهالات ومكان البقع وحوالين الفم عشان ماتطلع تجاعيد من كثر الجفاف وعلى رقبتي وبس
وحاولت قد مااقدر ماالمس وجهي ولا حبوبي لانه اكتشفت انه اذا حطيتي يدك على وجهك تزيد الحبوب حتى لو كنتي توك غاسله يدك لانه الجراثيم تنتشر بشكل سريع
وكيس المخده اغيره كل 3 او 4 ايام
واذا جا يوم وحطيت مكياج امسح المكياج بمزيل المكياج جونسون الابيض 3 في 1 ماناسبني الا هو
وبعدين اغسل وجهي بصابونة البابايا وبعدين ارجع امسح وجهي ثاني مره بمزيل المكياج عشان اتاكد مابقى اثر للمكياج ((يا بنات انتبهوا من اثار المكياج مو زييين تنامي من غير ماتاكدتي انك شلتي كل المكياج)) وبعدين اغسله بغسول نيتروجينا-اسكينول-محلول الدلاسين ((على كل الوجه مو على الحبوب بس))-الزيت .
وخفت كثير الحبوب وصفت بشرتي والهالات خفت واجد والبقع فتحت بس مو كثير بس يبيلها مداومه
ولما شفت انه وجهي صفا من الحبوب قبل الحف بيومين زدت على برنامجي قبل النوم احط على وجهي كريم فاسي كورت
وقبل الحف بليله خلطت ملعقة زبادي+ملعة نشا+غطا موية ورد وحطيته في البلاستيك حق مكعبات الثلج وحطيته بالفريزر
ويجي يوم اللي بتحفين فيه حفي وجهك بس انتبهي تعرقين لازم المكان يصير بارد وبعد ماتخلصين جيبي المكعب اللي حطتيه بالفريزر وامسحيه على وجهك وخليه كانه قناع لحد مايجف وبعدين غسلي وجهك بغسول نيتروجينا ونشفي وجهك زيين وبعدين حطي كريم فاسي كورت وبس
انتبهي لا تلمسين وجهك ولما تحفين وقفي الاسكيونل لمدة يومين بس خلال هاليومين استخدمي فاسي كورت مره وفلاميزين مره ((يعني الصبح لما تصحين غسلي وجهك بغسول نيتروجينا وبعده حطي فاسي كورت وباليل غسلي وجهك وحطي فلاميزين وبعد لما ترجعين من برا))
وبعدين ارجعي لنفس نظامك ((الكيس))
والله يا بنات الحمدالله مااقول ماطلعت لي ولا حبه بس فررررق واضح خف كثيييير
والكل يقولي بشرتك متحسنه ومفتحه كثير *الحمدالله*
المهم والله ابي افيدكم لاني استفدت كثير وقلت اكتب لكم تجربتي واحد يستفيد منها
واي سؤال انا حاضره
دعواتكم اتخرج هالسنه وينولني اللي في بالي