تجربتي مع كيرفز جيم وتجربتكم مع جولد جيم

السلام عليكم حبيباتي الدبدوبات الامورات
يا حبيباتي انا قررت من كم شهر اشترك بجيم عشان اخلص من السمنة
طبعا بجدة وللاسف النوادي اللي تفتح فترات طويلة وتكوني حرة باوقاتك فيها قليلة جدا
اللي سمعت عنهم جولد جيم وكيرفز جيم
رحت على جولد جيم اللي جمب السعودي الالماني لانو اكبر واحد. كبير وفي كل شي ماشاء الله بس زحححححححححمة ومن كتر الزحمة مو نضيف مع انو في كل شي وسعرو يعتبر عادي بس صرفت النظر عنو
بعدين رحت على كيرفز اللي جمب ستارزافنيو ماشاء الله نظيف ومرتب ومنظم بس طبعا مافي الا كم جهاز ونظامو اقل شي تيجي 3 مرات بالاسبوع نص ساعة والمدربات حبوبات والناس كلهم مرتبين. انا الصراحة انشرح صدري واستخرت وقلت هادا هو المكان المناسب لانو فترتو قصيرة وتعرفوا انا لسا بالجامعة وتعب فما عندي وقت. طبعا سعرو نفس سعر الجولدجيم تقريبا بس بعتبر غالي لانو مافي الا كم جهاز ومع هذا توكلت على الله واشتركت.
تقريبا هذا تاسع شهر لي بالجيم. عشان اقول اللي لي واللي علي شكل جسمي تغير بشكل ملحوظ وانشد وسرت ممشوقة ومكسمة بس طبعا انا دبة فهذا ما يكفي. ما بدات اشوف نتائج بالقياس الا بثالث شهر ومو هذي النتائج المرضية. وتوقف النزول بالشهر الخامس. والى الان اجمالي النزول 3 كيلو ومن خصري 10 سم.
تجربتي مو سيئة كتير بس مو مرضية وانا مو حابة اقطع الرياضة يعني لو مافي مكان احسن حجدد كمان سنة بس لو لقيت مكان احسن اكيد ححول عليه.
لو سمحتو اللي جربو اماكن اخرى بجدة وخصوصا جولد جيم يفيدوني. وكمان اللي جربو كيرفز يقولولي تجربتهم عشان اشوف اذا انا عندي خلل ولا لا.
شكرا :kiss: