تجربتي مع كيس حمل فاضي بالاسبوع 6 .. وبعد 3 اسابيع كانت المفاجأة الحمد لله يارب

السلام عليكم ورحمة الله وبركاته

أنا حابة احكي لكم عن تجربتي بخصوص كيس حمل فاضي

طبعا اول ماسويت السونار قالت لي الدكتورة انو كيس فاضي وراجعينا بعد اسبوعين

وكنت وقتها بالاسبوع السادس واتخيلووو نفسيتي وقتها والله مااتمناها لأحد

وأنا لمن رحت بالاسبوع 6 كان ينزل معي افرازات بنية مثل افرازات اخر يوم بالدورة


يعني مو دم أحمر لالا بني غامق وفاتح .. وقالولي اجهاض منذر ومعرف ايش ..


واستمريت ع النوم ع الظهر والراحة التامة وكنت اخذ بس حمض الفوليك لنو الدفاستون

مارضيو يعطوني هو قالو لما نشوف الجنين .. وكان يجيني ألم قووووي بأسفل البطن ودحين خف

والوحم كان مستمر معي من دوخة و استفراغ ولوعة وووو ..

صحيح كنت ولازلت متوكلة على ربي وومتقبلة النتيجة كيف ماتكون بس كنت ع جمررر تعدي هالاسبوعين

وصبرت 3 اسابيع مو بس اسبوعين وأنا أرقي نفسي واحط يدي ع بطني واقرا ماتيسر من القرآن

وسمعت الرقية الشرعية عن طريق النت لين نمت ولا حسيت بنفسي وكنت استغفر بدون حساب

وادعي ربي يكتب لي اللي فيه الخير ..

ورحت اليوم وانا بالاسبوع 9 و3 ايام زيما طلع عندهم بالسونار وكنت ع اعصابي

الا شوي سمعني الدكتور النبض وانا مفهية اقولو وش هذا يقولي مسمعتيش حضرتك دا نبض الجنين

أنا عاد دوروني ماتلاقوني من الفرحة والصدمة والتناحة هههههههههههه

قلت لو معليش الجنين فيه ؟ قال أه كل شيء طبيعي والجنين أهو

وخليتو يوريني هو بالشاشة ياااااحييييييييياااااااااااااااتي ربي يحفظه ويفرحني بشوفته يارب

الا وتجي الممرضة وتقولو ي دكتور هي جات قبل 3 اسابيع وكان عندها كيس بدون جنين

واستوعب وقتها فرحتي وتناااحتي ههههههههههه وقالي الحمد لله كل شيء طبيعي

ورجع سمعني النبض تااااني .. ونصحني طبعا بالرااااحة وتجنب الجماع خصوصا بالاشهر 3 الاولى
وأول ماقمت قمت اصيح ههههههههه وانفجعت الممرضة قلت لها بس من الفرحة وتقولي بكرية قلت اي ودعتلي الله يجزاها خييير .. وحتى لما طلعت عند زوجي كنت لسى باقي اشهق .. قسما كنت ابكي زي البزرة ..

الحمد لله يااااااااااااارب الحمد لله على كل حاااااااااااااااال

اي وصح ودحين الحمد لله وقف البني من اسبوعين ومادوني دفاستون ولا شيء ...

وأنصحكم بالسفرجل أنا كنت أخذ منو والحمد لله أخذتو زي اليوم وبكرة ماشفت البني

هو يجي مثل التفاح ومعروف باسم السفرجل .. وقريت عليه انو مثبت وحاجة زي كدا

وكمان يحسن الخلقة


...


موضوعي هذا لكل واحدة تمر بنفس حالتي حبيت افيدها باللي عندي لني حاسة فيها ..

والعذر ع ترتيب الكلام لني أكتب ولا أرجع أقرا

ومااتمنى غير دعواتكم معي بتيسير أمر حملي وانو ربي يفرحني بشوفته على خير يارب