تجربتي مع لصقات منع الحمل’’’

السلام عليكم ورحمة الله وبركاته
كيفكم يااحلى امهات

بصراحه استفدت كثير من هذا المنتدى الرائع جزاكم الله خير
وحابه اعرض لكم تجربتي مع لصقات منع الحمل وان شاء الله تستفيدو منها

اول شي انا عندي ولدين ربي يصلحهم ويحفظهم
بعد ولدي الاول استخدمت حبوب ميكروجينون 30
كانت ماشيه معايا بس كنت اغلب الوقت طفشانه ومتنرفزه :mad:
ولان الدكتورة قالت لي هيا اللي مناسبه لوزنك ووزني كان 42 وتقريبا اخف شي

وبعد ولدي الثاني كملت عليها بس بعد فترة قالو انهم منعوها وفعلا طلعت موقفه

ورحت لدكتورة ووصفت لي ياسمين صح كانت خفيفه بس احس قلبي دقاته سريعه وكنت على طول مرهقه
ورحت ثاني لدكتورة ومدحت لي اللصقات بس كنت خايفه منها مع انو امي يمكن لها سنتين تستخدمها ومرتاحه لها
وكملت مع ياسمين وبعدين برضو توقفت!!!

انا قبل مااستخدمها قريت كثير عنها في النت وتعبت من كثرة الكلام ،
وروحت لدكتورة ممتازة وسألتها عنها ومررررة مدحتها وقالتلي مالها تأثير لا على المعده ولا تأثير نفسي
مع اني قريت في الروشته اللي عند امي انو تأثيرها نفس تأثير الحبوب بس الدكتورة قالتلي كلام فاضي لاتصدقيه
فأضطريت اني استعمل اللصقات؛؛؛؛
والحمدلله مرتاحه عليها مرة لا غثيان وقرف ولا نرفزة ولا شي يارب لك الحمد:icon28:

اسمها ايفرا لصقات منع الحمل
سعرها 49 ريال
فيها 3 لصقات
تحطي اول لصقه في خامس يوم من الدورة وانتو بكرامه
مثلا اذا كان خامس يوم هوا يوم الاحد تختاري وقت مناسب لكي مثلا الساعه 4 العصر وتحطيها
ولازم تحفظي الوقت او سجليه في جوالك عشان ماتنسي
الاسبوع اللي بعدو في يوم الاحد الساعه 4 العصر تنزلي اللصقه الاولى وعلى طول تحطي الثانيه
والاسبوع اللي بعدوبرضو تكرري نفس الخطوة
واخر شي يعني بعد مايخلص الاسبوع الثالث تنزلي اللصقه الاخيرة في نفس الوقت اللي هو 4العصر
وبس انتهينا
وافضل اماكن حطيتها فيها ومريحتني في الظهر تحت خط السنتيانه على اليمين او على اليسار
وفي كل مرة تغيري مكانها
مثلا اول اسبوع حطيتيها في الجهه اليمين , ثاني اسبوع غيري مكانها خليها في اليسار , واخر اسبوع رجعيها نفس مكان اللصقه الاولى

واهم شي انك كل ماتحطيها تقولي "بسم الله الذي لايضر مع اسمه شيء في الارض ولا في السماء وهو السميع العليم"

واختي دحين تستخدمها وبنت عمي ومبسوطين منها الحمد لله

ان شاء الله اكون افدتكم زي ماافدتوني يابنات احلى عالم

دعواتكم لي اجيب بنوته كاملة الخلق والخلقه واني أحج هذي السنه وتتيسر لي لأني نفسي في نونو بس مأجله الموضوع لين احج ان شاء الله