تجربتي ... (مع مجموعة تنتظر تقييمكم وتجاربكم)

انا مابقى شي ماجربته بس بالنسبه لمجموعتك
دابر املا اكثر من رائئئئئئئئئئئئئئئئئئئع بس المشكله الريحه اللي ماترووووح

زيت الجرجير انا زيك لي 3شهور عليه حلو ويطلع شعر جديد وينعم بس نتائجه بطيئه بس مستمره عليه ماراااح اخليه

كل ماسك للشعر او للوجه فيه زباااااادي حلو وعن تجربه واسئلي البنات

تونك فازلين بنات من ربنا شعورهن نعومه وطول ويقلن مانعرف الاهالزيت ولاراح نغيره


اتمنى اكون افدتك

شكرا لك .. الله يجزاك خير .. انا ما اقصد الزيت اللي استخدم الجرجير الطازج

شعري دهني وفيني قشره دهنيه ((و حساسيه بعد)) والتغذيه رايحه فيها.. يعني اذا مررررره بطله اشرب عصير برتقال مره بالشهر

المهم :
1- زيت الخروع يكثر لكن بطيئ شوي .. ينحط مره بالاسبوع او اقل لانه قوي و كثرته تخرب الشعر
2-زيت الزيتون يهجد ويرطب و يقوي الشعره لكنه ما يكثر الشعر حسب تجربتي
3- زيت جوز الهند يجنن للشعر ويقويه بشكل ملحووووظ و يرطبه ويمنع التساقط
4- زيت دابر املا حلو للكثافه و تقوية و تغميق الشعر لكنه ما يسوي شي للترطيب ((شعري ناعم فما اعرف عن التنعيم))
5-السمن مرطب جيد جدا جدا ولكن لحاله ما عجبني مدري ليه
6-الثوم .. حبيبي في الاكل احبه و في الشعر احبه.. ينبت الشعر بشكل ملحوووووووظ ويطهر فروة الرأس و انا توني باديه معه والنتائج مرضيه
7- زيت الجرجير.. اول مره استعمله بحياتي.. ما لي نيه اتركه لانه رااااائع رطب شعري بشكل ممتاز و يكثر الشعر مع المداومه لكن يقولون البنات بطيء
8- الليمون .. صديق الشعر الدهني.. يخفف الدهون و يقوي الشعر
9- الخل .. حلو ويقطع دابر القشره.. يفضل استعمال ملعقه مخففه في لتر ماء كشطفه اخيره اسبوعيا
10-الحناء.. اليمنيه الصافيه النظيفه .. كنز لا يفنى .. تبين كثافه.. لدونه .. طراوه.. لون رائع.. طول.. صحه.. يجنن
11- السدر.. برضو كنز لا يفنى.. يكثر الشعر بشكل غير طبيعي وينظفه لكن عيبه يجفف بزياده فا لازم مراعاة هالشي لكنه يجنن
12-البيض رااااااااائع ومغذي بشكل عجيب للشعر ويكثر
13-الزبادي.. على قد ما اكره طعمه.. الا انه للبشره والشعر شي عجيب ((حتى اكل 3 علب زبادي يوميا راح يفرق معك بشكل خرافي))
14-القرفه و الزنجبيل والكركديه والمسمار.. كلها منبتات ومحفزات لفروة الرأس وانا اعتبرها بديل البخاخات المنبهه لفروة الرأس لكن طبعا شرط المساج معها..
15- مشط المساج .. اساسي ليليا قبل النوم يمشط الشعر بالمشط العادي ثم مشط المساج اللي اسنانه خشبيه عريضه.. تمشطينه على الاربع اتجاهات..
16- المايونيز .. مره خلطته مع زبده لبنت خالتي المراهقه واللي شعرها يعااني من جفاف قوي .. استفادت لكن ما اعتبره حل فوري., يحتاج مداومه
17- الفيتامينات اللي افادتني لبشرتي وشعري بشكل عام: سفن سيز ((6 حبات يوميا بس انا كنت اخذ 3 حبات)) و الزنك .. رائع جدا جدا جدا واللي قايل لي عنه طبيب جلديه.. انه حل لكل مشاكل الجلد والشعر.. و ايضا الفوليك اسيد.. اختي شعرها صار يهبل وقت الحمل من الفوليك اسيد.. و اخيرا الكالسيوم المدعم بفيتامين دي ((كالترات)) .. للصحه العامه
18- شرب الماء.. لترين يوميا.. من الصباح ابتدي بكاسين عالريق او قارورة ماء 500 ملل وبعدها كل شوي اشربي كاس.. او كل ساعه ونص اشربي كاس.. الفوائد لا تعد ولا تحصى
19- سيروم كيراستاس .. يجنن يجنن يجنن يجنن و اتعب من كلمة يجنن .. خصوصا اللي شعرها يتشابك راح يحل لها المشكله ويلمع الشعر ويحفظه
20- النوم بدري ولمده كافيه ((8ساعات)) .. سبحان الله الجسم كله يستصح لما انام قبل 11 بالليل .. وانام كويس.. قبل الوظيفه .. صح كنت اسهر بس نومي كثييييييييييير.. يعني غير نوم الليل اللي هو 8 ساعات كنت اقيل الظهر نص ساعه .. وكانت صحتي وبشرتي وشعري افضل بكثير .. الحين بسبب السهر لحد 4 الفجر واصحى 7 عشان الدوام.. طلعت لي حبوب.. ابتدا يطلع لي غمقان حول عيني و ارهاق دائم و شعري يطيح اكثر من المعدل الطبيعي
21- اكل البروتينات بشكل مستمر.. البروتين = اللحوم و البيض.. مو الاجبان ولا الالبان
22- البيتاكاروتين.. كنز الطبيعه .. عشان تحصلين عليه بشكل طبيعي كلي شمام كثير.. انا كنت اتغدى شمامه صغيره كامله.. وبس .. لكن صحتي كانت تمام << ايام ما كنت احب الفواكه الله يحببني فيها
23- فيتامين مكمل لون الحبه احمر غامق وكبيره و العلبه بيضاء والكرتونه برتقالي وبني.. كان سحري هالفيتامين .. خلال اسبوع بشرتك تورد وتشرق بس الان ما عدت الاقيه :( مري ليه انقطع مع انه احسن فيتامين جربته بحياتي كلها

تسلمي

رفع