تجربتي مع مجموعة شجرة الشاي من بودي شوب ( للتخلص من الحبوب والرؤوس السوداء وللصفاء)

العناية بالبشرة

بسم الله الرحمن الرحيم

السلام عليكم ورحمة الله وبركاتة

كيفكم صبايا ان شاء الله بخير

المهم

حبيت اني افيدكم بتجربتي مجموعة شجرة الشاي من بودي شوب

الحمد لله رب العالمين الحبوب اختفت نهائياً لان كان فيني حبوب

والرؤوس السوداء ماشاء الله تبارك الرحمن اختفت بنسبة 99% من اطراف خدودي

مع اني مو ملتزمة بها ذاك الزود حتى الاثار شالتها لي كان عندي

اثار بجبهتي لان كنت دايم العب في وجهي

وتطلع اثار بنيه بس كانت تطول على ماتروح الحين الحمد لله راحت مني

ووجههي صار صافي ولله الحمد ماشاء الله يابنات والله على

مااستخدمت من غسولات مافادتني مثل هذا

كانت بشرتي معدومه كلها رؤوس سوداء كنت اتفشل حتى مع

المكياج تبان بارزة من الخد وكل من شافني سأل وش هذا>>:09:

واذا نظفت رجعت لي عشرين بدال الوحده

حتى كنت اروح اسوي تنظيف بشرة صح تروح بس تجلس

اسبوعين وتبدأ تتوالد:freak6:

طفشششششششت مره :mad:

فلوسي خلصت في المشاغل ياريت ادواتهم نظيفه تجيب منشفه

سوداء والآله حقت تنظيف الرؤوس السوداء

تحطها في وجه اي احد ثم ترجع تحطها لنا لا وبعد 100 ريال على

التنظيف ماادري على وشو:dry:



المهم



بحثت في النت عن كيفية التنظيف في البيت

والحمد لله عرفت

وراح افيدكم وماابي الا الدعوات واللي ماتناسبها لاتدعي علي رجاء الله العالم بنيتي

انا رحت وكانت بنت اللي في بودي شوب وقالت اش نوع بشرتك

ثم درمحت راسي ماادري وش نوعها:freak6: قلت ماادري

وقالت اكشفي وجهك اشوف نوع بشرتك

وشافتها قالت لي ان بشرتي دهنية وعطتني هالمجموعه الله يجزاها الجنه

والمجوعه ماشريتها كلها اللي اشتريته بصورة لكم

والله مااروج للمحل والله يشهد علي من فوق سابع سما >> اخلصي

بس حبيت افيد زي مااستفيد

شوفوا اولا بصور لكم مجموعتي

هذي هي







اول واحد من جهة اليمين

الرغوة المنظفة

انا استعملها بعد المكياج واذا وجهي مزيت اغسل بها مره ناعمة ع الوجة ولاتنشفه

سعرها 35 ريال

ـــــــــــــــــــــــــــــــــــــ

اللي بعدها لوسيون مرطب

يرطب البشرة اذا غسلتيها وحسيتيها نشفت امسحي فيه

وكمان قالت ينفع يكون اساس بس ماقد جربت احط عليه مكياج

سعرة 39 ريال

ــــــــــــــــــــــــــــــــ


اللي بعده غسول مقشر للرؤوس السوداء

هذا مقشر فيه زي الحبيبات

بصراحه احط من هذا اذا سويت لنفسي بخار وبعدين بعلمكم الطريقة

سعرة 35 ريال

ـــــــــــــــــــــــــــ

اللي بعدةغسول للوجة

بصراحه اناوب بينه وبين الرغوه

بس هذا قوامه ثقيل شوي

انا احس لو اكتفيت بالرغوة او به كان احسن لان ماانتبهت الا لمن رجعت البيت للأمانه

سعرة اكلوه عيال اختي هههه الله يحفظهم

ـــــــــــــــــــــــــ

اللي بعده توينر

زي الاسكنول بس يابنات روووعة روعه روعه

حتى احس بحراره بعده في بشرتي

واستعمله بقطنه بعد المكياج او اذا حسيت بشرة وجهي توسخت شوي

يطلع بلاوي في القطن خخخ

سعرة مأكول كمان :dry:

ـــــــــــــــــ

الاخير الدائري هذا قناع للوجه

اذا حسيت بشرتك مجهده سويه

عموما انا اسويه كمان بعد البخار عشان يقفل المسام

سعره 39 ريال

ــــــــــــــــــــ


نجي للمهم

اولا اشتري آلة ازالة الرؤوس السوداء من عندهم رووووعة

سعرها 15 ريال

وهذي صورتها




انا ماعندي آلة البخار

فصرت اول شي اغسل وجهي بالغسول او الرغوة واغطي شعري

بكيس عشان مايعدمه البخار

بعدين اغلي ماء على النار الين مايغلى مررره


واصبه بقدر واحط عليه اوراق نعناع واذا مافي اخليه لوحده

وبعدين اجيب منشفه واحطها ع راسي وانزل بوجهي على القدر

واغطي جوانبه عشان البخار مايطلع

واجلس 10 دقايق واقوم

امسك الآله حقت الرؤوس السوداء واشيل بها يوووووووه بلاوي:09:زرقاء تطلع لك

وبعدين اغسل وجهي بالمقشر افرك فيه شووووي عشان الجلد الميت

وبعدين اغسل وجهي

واحط القناع الي ينشف

بعدين اغسله وآخذ ثلجه او ماء ورد مثلج وامرره ع بشرتي

بعدين احط من المرطب

يمكن لي شهرين من اشتريت هالمجموعه ويمكن سويت بخار 4 مرات بس

والحمد لله النتائج مرررضية بالنسبه لي ولمعاناتي مع المشاغل سابقا

على الاقل اضمن شغل نظيف ومناشف نظيفه وكريمات مناسبة

وللأمانه

انا انوع بين استعمالاتي يعني يوم امسح بتونير

ويوم اغسل بالرغوه

ويوم بالغسول

والقناع مرات استعمله بدون بخار

ومرات احط مرطب مرات لا

الحمد لله وماشاء الله بشرتي صافيه واهم شي الروؤس السوداء لقيت لها حل

اتمنى اني افدتكم يابنات

واتمنى انكم تدعون لي ولوالديٍ

ادعولي اني انجح بإمتياز وان الله يحفظ لي والديني من كل شر

ووييسر لي اللي ببالي ان كان فيه خير ويبعده عني ان كان فيه شر

ويسترني فوق الارض وتحت الارض ويوم العرض

......:hhheart:......

ملاحظه اللي ماعندها رد بليززز ترفع الموضوع عشان يستفيد غيرها
وحب لاخيك المسلم ماتحب لنفسك

اللهم صل على محمد
72
216K

يلزم عليك تسجيل الدخول أولًا لكتابة تعليق.

تسجيل دخول

جوجو 2000
جوجو 2000
ان شاااااء الله جاري التجربه يعطيك العافيه

وينجحك ويحفظ لك والدينك ويسترك في الدنيا والاخره
ع ـهود
ع ـهود
جزاك الله خير
عقد_الياسمين
عقد_الياسمين
السلام عليكم ورحمة الله وبركاته

مشكوره اختي وجزاك الله كل خير

وتستاهلي التقييم ...المواضيع مثل هذا تكون مفيده للبنات ان شاء الله
موعدللوفاء
موعدللوفاء
الله يسعدك ويوفقك في كل امور حياتك والله استفدت مرررررره
سموالاميرة66
سموالاميرة66
فديتكم صبايا الله يحفظكم جميعا ويحقق امانيكم ويجزاكم الجنه

ومروركم اكيد اسعدني

ونسيت اقولكم نوعي بين استخداماتك يوميا لاتهملين نفسك يعني يوم اغسلي بغسول يوم بالمقشر يوم بالرغوه مره بالتونير وهيك

ولاتخلون المكياج ع بشرتكم وحافظوا على نظافتها من الغبار والزيوت هذا اهم شي

وربي يحقق مرادكم جميعا