السلام عليكم ورحمة الله وبركاته
بنات بحكيلكم تجربتي مع مركز طاقات .. يوم الثلاثاء الي فات كلموني المركز وقالولي تعالي يوم السبت واي استسفسار اتصلي على الرقم الي كلمناك منه وسكرت.. وارجع اتصل اتصل محد يجاوب وادخل موقعهم والاقي رقم موحد لهم واتصل محد يرد :unhappy: والاقي وصف مركزهم في موقعهم حاطين كروكي ماتفهمين منه ولاشيييي .. مخرج 28 بصراحه اول مره في حياتي ادري ان فيه مخرج بالرياض بهالأسم :confused: المهم وادور في النت والاقي واحد كاتب وصفه انه قبل الهرم الي في مخرج 28 :biggrin2: جا يوم السبت ويدي على قلبي واروح من الساعه 7ونص بعييييييييييييييييييد عني مره مره صراحه بغيت اصلي الظهر جمعا وقصر :biggrin2: واروح ويوم وصلت لمخرج 28 والاقي يساري الهرم فرع كبيــــــر مره مره اكبر من حق العليا وعيني عليه يوم طلعنا من الكبري حق المخرج الا هذا طاقات كاتبينه بلوحه كبيره ونلفه له يسار الامعرض سيارات :unhappy: ومركز طاقات مدخل رجال واناظر الا على الطرف سيب في الزاويه مكتوب عليه مدخل النساء سيب طـــــــــــــــــويل مره ودخلت والاقي وحده خلتني اوقع واكتب اسمي وطلعت فوق اثاريني جايه بدري مره قبل الموظفات حتى :unhappy:واجلس انتظر مكانهم نظيف مره ومرتب جلست لين الساعه 9 قالو بنبدأ تسعه وبدو يجون بنات وجلسنا شوي جت 9 وربع والانسات ماعندهم نيه يناظرونا قمت قلت لوسمحتي انا انتظر من 7 ونص والغلط غلطكم محد قالي تعالي 9 الي كلمتني ماقالت لي شيء المهم قالت تفضلو دخلتنا قاعه وشغلت بروجكتر وقامت تشرح صراحه انسانه رائعه جدا اسمها مريم وقامت تتكلم وعرضت وظايف على البروجتكر استغرب من الي تقول مغسلة موتى ومدري ايش والله عرضت فرص وظيفيه رائعه مثلا وظيفه لوحده بالثانوي يكون معها دورة حاسب في جمعيه خيريه راتب 4000 ريال.. وظيفه لوحده معها بكالوريس حاسب الي راتب 8000 ريال؟؟مع تأمين .. وظيفه لوحده معها متوسط مراسله في مستشفى راتب 3000 الالاف ريال مع تامين صحي لها ولعيالها ومواصلات؟؟
المهم بعد ماخلصت كلام عطتنا ابلكيشن نعبيه اسمك وعنوانك وشهاداتك ودوراتك ورغباتك وكذا.. المهم انه من بين الخيارات هل ترغبين بالعمل في قطاع خاص؟ انا حطيت لا .. قالت خلاص وجمعت الاوراق وقامت وزعتها على مستشارات توظيفيات يمسكونك ويتكلمون معك برغباتك ويطرحون عليك اقتراحات ووظايف عندهم متوفره انا قالولي دامك لاترغبين بالعمل في القطاع الخاص خلاص انتهيتي.. عاد من كلامها تقول ان الوحده تكون على تواصل مع مستشاره توظيفيه خاصه فيها عن طريق الجوال تقترح عليها اشياء وتعلمها واذا زادت دوراتها المتقدمه تضيفه في ملفها والباحثه عن العمل بعد تدور وتستشير المستشاره...
النقطه الي حابه اوضحها المكان مره رائع ومهيأ والموظفات متعاونات وجهودهم رائعه جدا بس المكان :unhappy: تعيس جدا مكانه ولا من داخل مررررررره مرتب ونظيف ومهيأ وفي لهم فرع جنب جامعة الاميرسلطان بس رجال
اي سؤال انا حاضره :)
فوتوشيني @fotoshyny
محررة برونزية
هذا الموضوع مغلق.
فاهمة عليك
لكن طاقات ما عندهم وظائف حكومية
يعني لو قلتِ ما ترغبين بوظائف بقطاع خاص بيكون مالك وظيفة عندهم صح ؟
لكن طاقات ما عندهم وظائف حكومية
يعني لو قلتِ ما ترغبين بوظائف بقطاع خاص بيكون مالك وظيفة عندهم صح ؟
الصفحة الأخيرة
بس غريبة فيه سؤال هل ترغبين بالعمل في قطاع خاص
لأن وظائفهم اصلا في القطاع الخاص وما عندهم وظائف حكومية
وش المقصود ؟