تجربتي مع مستشفى المملكه

السلام عليكم ورحمه الله وبركاته
مساء الخير حبيت افيدكن بتجربتى التى بفضل من الله عدت على خير
ياطويلات العمر انا اراجع المستشفى بستمرار يعنى ملفي عندهم على طول
صراحه مااتوقعت ابد انى انحط بذا الموقف مع المستشفى لان انا وعيالي نراجع فيه من سنين وكنت مرتاحه معاه
الزبده انى جانى الم ورحت بطمن على وضع الحمل وكلمت دكتورتي وطلعت مناوبه وعلى طول رحت للطواري وقبلت دكتوره وكشفت قالت طلق والرحم فاتح احتمال ولاده مبكره
وكلمتن دكتورتي وقالت مافيه سرير ولا حضانه للبيبي لازم تروحين مستشفى ثاني واحتست انا وزوجي وراح يبي يكلم المدير المناوب ولا ماعندك احد
وقال اطلع وده اي مستشفى ورفض زوجي قالهم هى من مرجعات المستشفى انتم امنو لها سرير
وطبعا الدكتوره والمناويه الله يجزاهم خير هم الي جالسين يدورون لي سرير وست مستشفيات رفضت دله الحبيب الحمادي ومدينه الملك فهد
انا جالسه بعربيتى والطلوق تلوفن لوووف المهم دكتورتي ماقصرت جلست تتصل ادور لي مستشفى يقبلن وزوجي محتاس معها المهم المناوبه الله يجزاها خير كلمت دكتور قالي ايه انا استقبلها وعلى طولت الدكتوره جت لازوجي وقالت بسرعه لاتاخر اكثر من كذا مو من صالحها طلب زوجي منهم النقل بالا سعاف ورفضوووووو
قسم اني بوقتها اقول وين الانسانيه
وطلعت مع زوجي بسيارته ورحت واستقبلونى والحمدالله ولدت
واطفال بالحضانه الله يحفظهم ويطلعهم لي بالسلامه