تجــــــربتي مع مستشفى بروكير الرعايه وقصة ولادتي

السلام عليكم ورحمة الله وبركاته




كيف احواااالكم كرووووشاااات


يالله كل ماتذكر اني كنت زيكم بكرشه اضحك


الله يخلي لكم اللي ببطونكم يااارب وتقووموون بالسلااامه يااارب



انا من زمان كان ودي انزل لكم سالفة ولادتي لكن متكيسله اني اكتب



عموما رجعت لكم الان بعد انشغال مع بنتي ونفاسي وعفستي واختباراتي


انا ولدت بمستشفى الرعايه بروكير اللي بالخبر
في تاريخ 6/1/1431 كان يوم الاربعاااء



يوم الثلاثاااء قمت من الصباااح واانا احس الم باسفل الظهرر وكان الالم يعووور بس تحملته
وماكان يجيني الم ببطني كان كلللله اسفل الظهررر وانا قبلها كانت طاقه كبدي وطفشاانه ابي اولد خلاااص
عموما قبلها باسبوع كان عندي موعد ورحت كشفت وقاست لي الرحم وطلع مسكر تماما ولا واحد مفتوح
ورجعت محبطه وجلست طول الاسبووع وانا اكل من الاناناس والتمرررر وكان مفعووول الاناناس من جد قوووي
المهم ان يوم الثلاثاء اللي كان ضهري يالمني بنفس اليوم عندي موعد بالمستشفى
وجلست كل مانسدححح جاني الم بالضهر اسفل الظهر
وانا من النوع الخووااافه ودلللع زايد كل شي اخاف منه حتى الابررره
جاني زوجي الضهر قالي شفييج قلتله تعباااانه وظهري يالمني مرره ماني قادره انام من امس
قالي عموما اليووم موعدك وبنشووف
يوم جاء العصر قلتله خل نطلع نتمشى واشتري اغراض الزينه للنفاسي لما يجي الموعد 7ونص

قالي اوك يالله قومي :27:

قمت لبست وطلعت ورحت الزامل اللي بالكوورنيش وشريت اغرااااض وكل شي وجلست ادوور بالكورنيش قالي تبين اكل ماكلتي شي من الصبح قلتله لا خلني اخلص موعدي ونطلع ناكل قالي بشتريلج ساندويش اي شي اكلي بس المهم اني اكلت وخلصت يوم جاء وقت الموعد توجهنا على المستشفى
ودخلت عند الدكتووره شافت الضغط والتحاليل وكل شي قالت لي تبين اقيس قلتلها لااا تكفين لا توك قايسه الاسبوع اللي راح ومافتح شيي

قالت لي اجل لازم اسوي لك سونار اخيررر تفصيلي قلتلها اوووك

الدكتوووره كانت اردنيه انا كنت ابي دكتووره رنا لاني سمعت فيها بس كانت زحممه عندهاا وقمت اراجع عند ذي وقلت لاجات الولاده طلبت رنا
المهم سوت لي سوناار تفصيلي وكانت تقولي البيبي متوجهه راسه لتحت وكل شي تماااام وجلست يمكن 15 دقيقه وهي تقيس حجم الراس والمشيمه والبطن وكل شي وانا تعبت

اخر شي قالت لي خلاص بعطيك موعد بعد ثلاث اياااام توني بقووم من السرير قالت لي خلني افحصص اخير من تحت اقيس قلتلها لا تكفين لاااااا

قالت بس مره ماتدرين ممكن يكون مفتوح بقيسه وبتقومين خلاص
قلت طيب بس بسرررعه

قامت تقيس وانا اصاااارخ قومت المستشفى قالت لي ماشاااءالله ماشاءالله ماكان له دااعي اصلا ضيعنا وقتنااا
بالسوناااار مفتوح معاك 6 سانتي

انا وجهي صااار كذا:blink:

دكتووره كيف 6 سانتي وانا ماحس الا بالم ظهر ماحس بطلق قالت ماشاءالله عليك اذا وصلتي ل6 سانتي وصابره *****الله راح يكوون سهلات

قلت لهاا طيب خليني اطلع واجي بعدييين انا كنت خاااايفه حديي

قالت لا وشو تطلعيين هذي مسؤليتي تبين تولدين بالشااارع

قلت مابي اولد اليووم مو مستعدده

قامت تضحكك قالت مو لازم تستعدين هذا شي مو بكييفك

قامت وسووت اوراااقي ورقوني على غرفة الولاده على طووول

جاتني مصريه وباكستانيه حبوبه وكانت من قرادة حضي الدكتوره رناا اللي بتولدني واللي كنت ابيهاا

مدري يمكن انا جننتهم

اي هو الاكيد اني طلعت عيونهم علشان كذا صارت جافه وياي

المهم اول مارقيت وغيرولي ولبست لبسهم دخلو لي انبووبه من ورا ماتعور عادي وصبو الماي منها زي المغذي
وعلا طوول الحمااام ونزلت كل اللي ببطني
بعدها سدحووني وركبو لي طلق صناااعي وانواااااع الصراخ والصياااح والهذرررررره

ماشاءالله اول مارقيت طبعا قاسو لي مره ثانيه وصل 8 بعد 5 دقايق وصل 9 بعدد ربع سااعه فتح 10


وانا صراااخ وهم دفعي دفعي كنت ادفع بس كانو يقولون لي خطا دفعك

واحيانا ادفعع صح بس مو رااضي الراااس يطلع لان البي بي كانت تطالع فوق وهي لازم طالع تحت مع انو راسها تحت ولما تفتح كانت تقوولي اشووف شعرها

وجلست من الساعه 7 الا الساااعه 2 بالليل وانا صيااح ودفع وكل مادفعت خطا وتعبت وياي رنا كانت تقول خلاااص سكرو السرير وخلوها براحتها متى ماولدت وتطلع\


لما طفشت وطلعت عيونها مني قالت لي ترى انتي بامكانك تخلين ولادتك خلااال نص ساعه وبامكانك تخلينها 10 ساعات

وترى في وقت محدد لانو مافي ماي البطن وتتحولين قيصريه قلت لها لاااا مااابي ابي اولد الحين قالت يالله تساعدي ويانا
ويعلم الله اني قطيت كل طاااقتي بشكل فضيييع

لكن مدري شفيه راسها معلق معيي لايطلع

يوم تعبت قلت حولوني قيصريه خلااااااااص قال زوجي لا ماعليكم منها واللي وترني اكثر انو ام زوجي واختي وياي بغرفة الولاده بس ورا الستاره

وصبرو علي لما شافو ماورا وجهي امل قالو لزوجي وقع على القيصريه وجهزو الغرفه

وهي تحاول فيني

في الاخير دخلت الساعه 2 الليل غرفة العمليات حتى وانا بغرفة العمليات جالسه اقوول بسررعه خدروني من الالم خلاص ابي انام اخر شي حط لي كماااام بعد ماستنشقت اول مره مادريت عن نفسي



فتحت عيوني وانا مو قادره اتحرك واحس يثقل وكحيت اول مرره شي ذبحنيييي ببطني مو قادره اكح ولا اضحك ولا اتكلم كثير قلت لدكتور انا ولدت خلاااص

قالي اي

قلت اذا راح البنج بحس بألم>>>>>>متعقده من الالم

قالي لا بنعطيك مغذي
وجلست اسأل فيه نشبت له :35:
وانا توني مفتحه عيوني وثقل التخدير قام لف على زوجي

قاله هي بتسأل كثيييير كذا ليييييه
بعدها رقوني غرفتي كانت غرفه كبيره وشرحه ولله الحمد

وعنايتهم مررره ممتازه ونظافتهم جدا كويسه بس فيهم عيب وعيب مو هين

انه خياطتهم مسوين لي تجميلي

وللاسف طلعت تشويهي

الا الان نفس اثر العمليه ماتغيررر وكبيرر مره الجرح وشكله مقررف وكبيير من يوم ولدت الا الان 9 شهور وهو نفسه
:44:


يالله ان شاءالله تقومون بالسلامه عقبالكم يااااااااااااااارب