تجربتي مع مشغل الميسان

السلام عليكم كيفكم بنات ***** الله بخير انا داخله اليوم اكتب لكم قصتي مع شعري اللي راح فيها...معروف اللي تطلع من النفاس لازم تغير شكلها وانا كان شعري اسود وشيب وحالته حاله فكان عندي استعداد اني ادفع بس اطلع بشي حلو..طبعا سألت واللي يسأل مايتهوش ومدحت لي وحده من البنات مشغل الميسان اللي جنب اسماك النافوره..واتكلت على الله ورحت دخلت المشغل وكان فاضي وكنت ابغى مدام نجوى لانهم يمدحونها بس قالوا مسافره لبنان مدري امريكا.:(وموب جايه الا الاسبوع الجاي وانا كنت مضطره مااقدر انتظر للاسبوع الجاي لانه بصير طلعت من النفاس وخلصت..قلت خلاص من فيه غيرها قالت فيه وحدة شغلها حلو قلت خلاص وجتني فلبينيه ووريتها لون الصبغه االلي ابغاة وكان لون فاتح شوي وانا شعري اسود:09:خلطت شي وحطته على شعري يمكن ربع ساعه فتح لون شعري(اكتشفت بعدين انه مشقر) بعدين خلطت الصبغه وحطتها وبعد ماغسلت ونشفت شعري صار شعري لونه حليو بس كشششششه من المشقر:angry2:رحت البيت وفي اضاءة البيت البيضاء بانت عيوب شعري انوااااااااع الالوان والحوسه الجذور من جوا سودددداواللي قدام لون واللي وراى لون ماكأني صابغه ب300ريال ضاق صدري ورحت لهم مره ثانيه عشان تعدله واحسها توهقت قامت وصبغته بلون درجه ثانيه وصبغت كل الشعر من جديد:eek:تحسن لون الجذور شوي بس حوسة الالوان فيه طلعت من عندهم ضايق صدري والحين صاير شوشه ومتعقد وحالته صعبه حطيت عليه بلسم و كريمات بس مانفع ودي اصبغه كله بلون غامق عشان تتغطى الخرابيط بس والله تالف مرة حرام ادمرة..ترى الهدف من الموضوع التنبيه والله موب هدفي قطع رزقهم يعني اللي بيجربه يروح عند مدام نجوى يمكن هي فاهمه بس غيرها لالا انتبهوا...وفيه ملاحظه عالمشغل صراحه نفرتني منه بزياده عادي عنهم يدخنون عيني عينك اي وحدة ودها تدخن تدخن واغلبهم العاملات فيه الريحه تكتم بقوووة لدرجة اني يوم ركبت مع زوجي استغرب الريحه لازقه في عبايتي تخيلوا..اتمنى اني افدتكم واللي قد مر شعرها بهالحاله تدلني على حل..