بسم الله الرحمن الرحيم
السلام عليكم و رحمة الله و بركاتة >>> اش الرسمية ذي :27:
المهم بديت برسمية شوية عشان هذا اول موضوع لي في هذا القسم ( المكياج و العطور ) مرات كنت ارد لبعض العضوات اذا كنت اعرف شئ او ممكن اساعد يعني
انا البنت الوحيدة من 4 شباب وحبي للمكياج من ما انا صغيرة عشان كنت البنت الوحيدة و اخر العنقود وبنت امها ميمتي كانت تسمح لي ان احط اشياء بسيطة زي الكحل و مرات لما هي تحط روج تحطلي معها >> يعني فرحانة انو عندها بنت
لما صرت في عمر المراهقة افتكر اول مرة استريت علبة مكياج كاملة طبعا ما كانت ماركة بس كنت مبسوطة وفرحانة بها بشكل غير طبيعي مع الايام عشان انا ما عندي اخوات كنت احط مكياج لبنات الجيران و كذا و تعلمت اني انا عندي موهبة في المكياج >>> من غير تكبر
يعني لما عمري صار 18 المكياج الي كنت اعملو لي نفسي في المناسبات الكل يحسب انو هذا مكياج مشغل من ناحية الحواجب و كل شئ >>>> قصة حياتي ههههه:icon31:
بس بقول شئ قبل ما ابدا انا دائما حلمي ان افتح بلوق او في الاستقرام و تكون تتكلم عن الجمال و الاعتناء بس انا وحدة خوافة شوي
المكياج الي راح اعرضة انا اشتريتة من تاجرة في المدينة والتوصيل فوري و اصلي 100% والاسعار ما فيها مبالغة
كيف عرفت انا اخوي مبتعث في نيويورك انا كلمت زوجتة اول شئ رحت الاستقرام و قلتها شوفي الاسعار وقوليلي اذا نفسها زي ما عندكم في نيويورك طبعا طلعت نفس الاسعار ( هذة من ناحية السعر)
والاصالة نفس الي اشتريتة قلتها ترسلي من امريكا وطلع نفسة والحمدلله
يلا بعد ما قلت قصة حياتي هههههه خليني ابدا
اول شئ كوستال سنتس كل واحد راح احط صورة واقول استعمالاته
هذا كونتور مع بلاشر( احمر خدود) و خافي عيوب و الهايلايت بس بودرة ليش ما اشتريت الكريمي؟؟؟ عشان انا بشرتي دهنية و الكنتور الكريمي ما ينفع للبشرة الدهنية طبعا خافي العيوب و
البلاشر معروفيين بس اش هو الكونتور و الهايلايت
الكونتور: هذا لنحت الوجة >>> يعني قولي تعديل او سباكة ههههه ( طبعا انا مو محتاجة بس اللقافة وطبعا مافي شخص كامل اكيد ابغى احط كونتور عشان اطلع حلوه في الصور ههههه)
الهايلايت : هو دائما ينحط تحت العيين مع الكونتور قبل ما تمزجي الاثنيين عشان الوجة صير منحوت بشكل صحيح ( فايدة راح يعطي لون افتح مع لمعة في منطقة حول العيين و الجبهة و اسفل الشفة او الذقن )
2-فرش مكياج عملية للوجة مع محفظة
هذة انعم فرش مكياج ( بعد فرش ماك و سيفورا طبعا )
3- فرشة ناعمة كذا كيوت لتوزيع البودرة السائبة
ذا لحين نمشي لماركة ذا بالم
اول شئ برايمر ذا بالم >>> في وحدة هنا راح تجي وتهاوشني عشان قلت برايمر بس عشانك حبيبتي راح اقول ( البيس )
هذا ( البيس ) للوجة والله حسيتي احس بيس استعملة لحد الان اول شئ يغطي المسامات و يعطيك بشرة مخملية وينشف بسهولة يعني بعدة على طول حطي الاساس 2-بودرة تمنع لمعة الوجة اسمها ( ***y mama)
ملاحظة: ما حطيت شكل البودرة من برة عشان المرة مفصخة >>> عيب يعني هههه
الموهم زي ما قلت هذة البودرة تمنع لمعة البشرة يعني تحطيها بعد ما تخلصي المكياج هي تنفع لجميع انواع البشرة بس الي بشرتهم دهنية مثلي يعرفو كيف المعاناه في لمعان الوجة
3-اضائة اسمها ( mary lou manizer)
هذة الاضائة معترفة عالميا انها افضل اضاءة يعني احسن من اضاءة ماك و كل الاضاءة وانا جربتها بصراحة مافي احسن منها بس روحي النت و شوفي كيف نتيجة هذة الاضاءة
كيفية وضعها مرة سهلة وا تبغى فرشة او اي شئ بصبعك على عظمة الخدود و الانف و فوق الشفايف ( مو كل الشفايف مادري كيف اشرح المنطقة الي هي المنطقة في الوسط راح تعطيك شكل ثلاثي الابعاد )
elf
انا اشتريت شئ واحد وهو برايمر ونافخ للشفايف من elf
انا جربتة على روج رخيص عادي و رحت زيارة لجيراني >>> يعني تجربة
النتيجة الروج ثابت يعني طبع شوي على فنجان القهوة هههه بس ثبت لحد ما رجعت البيت و اي هو بعد ينفخ الثفايف شوي و يعطي شكل كذا ( يعني كويس)
مرطب eos
رائع بزبدة الشايا طبعا الكل يعرف فوائد هذة الزبدة ( هذا بنكة الفراولة) ويفضل مدة طويلة حطيه قبل ما تنامي و شوفي الصبح كيف شفايفك
طبعا beauty blender ( موزع الاساس و الكونسيلر)
طبعا معروفة عالميا اهم شئ قبل ما تستخدميها تبليها بموية و هي راح تتنفخ لوحدها و حجمها يزيد اعصريها زين و بعدين ابدئي وزعي الاساس و الكونسيلر
مثبت مكياج اسمة skindinavia
هذا مثبت مكياج معروف عالميا انا اشتريت الي هو تبع العرايس راح يثبت لك المكياج 16 ساعة
وهذة هدية اخوية كذا من اخت لي اخواتها ابغاكم تروحي محل ماك و تشترو هذا الروج
رائع رائع و لون جرئ مرة روحو اشتروه و قول لي اذا عجبكم انا عجبني مرة >>> خطيرررر
الموهم انا كتبت هذا الموضوع عشان اقولكم اش نازل في السوق او الاستقرام عشان تستفيدو في الاجازة هذة
وبنات المدينة اذا تبقو محلات مكياج روحو الراشد مول و النور و المدينة الدولي راح تلقو محل ماك و مكياجي و بودي شوب و محل اسمة وجوه فيه منتجات و ماركات امريكية و عالمة
ان شاء ما اكون ثقلت عليكم
اختكم في الله:26:
و يعني على كاندي يم يم