تجربتي مع ممرخه و الحجامه

السلام عليكم بنات
أنا لي سنتين ما في حمل بالرغم من ان المستشفيات واكثر من طبيب قالوا كل شي تمام عندك انتي و زوجك ،

عندي إحتمال إنسداد في جهة اليمين في الأنبوب اليمين ، وسويت تلقيح صناعي وما ضبط

رحت عند معالجة و تمرخ في الدمام والله بنات في حياتي ما تعاملت مع ممرخات بس كنت أقرأ سورة يس و أقول الحوقلة بنية أن ربي يفرحني و ييسر لي أموري والله والله يعني أحس اني في حلم كان جمبي بنت منقبة وننتظر بإنتظار عيادة جلدية انا انتظر دوري بسوي ليزر ل جسمي و البنت تنتظر دورها عند نفس الدكتورة الي انا عندها بتسوي شي في بشرتها ، و طولوا علينا ، قالت لي انا توني طلعت من الولادة قيصري لي فترة يعورني بس الحمدلله انا صرت احسن اليوم و بسوي شفايفي ومن هالسوالف ، قالت لي سنتين ما حملت و حملت طبيعي فجأة بدون ما تدري عني شي ما تدري وش اسمي ما تدري وش وضعي ما تدري اذا انا متزوجه او لا ، بعدها قالت لي سالفتها بالضضضضضبط نفس قصتي كأني اشوف نفسي لدرجة جسمي كش وهي تتكلم و قلت لها كيف حملتي طبيعي قالت رحت ممرخه بالدمام جماعتنا يروحون لها و جربتها شهرين و بعدها حملت طبيعي ، و اخذت رقمها و كلمتها وقالت تعالي ثاني يوم دورة، ولما مرحتني قالت رحمك كله راح يسااار و الي أكد لي كلامها صحيح عطتني الأعراض الي احس فيها ، مثلاً الرجل تنمل اليسري النغزات كلها تجيني لها سنه ونص بالجهه اليسرى وكنت اقول ياربي وش هالنغرات!
المهم بعد ما مرختني ثاني جلسة نمت نومه يوم كامل ما حسيت بنفسي وصحيت لقيت تكرمون دم كثير لدرجة انه طبع بالسرير و بيجامتي و حتى بالأولويز ما عاد تكفيه بس لفت نظري شي مثل الكتلة الكبييييييرة مررررررررره تكرمون مثل الجلي الأحمر الي نسويه برمضان بس على لون اغمق شوي ، لدرجة اني خفت وشو هذا ، بس بعدين تعوذت من الشيطان و هديت نفسي وقلت اكيد من التمريخ ، و رحت لها اليوم الي بعده و هي تمرخني ضغطت على مكان كان يألمني في جهة المبايض قالت لي هنا هنا كان في مثل الكورة اليابسة عندك امس و خفت عليك قلت ياربي وش هذي الحين بس اليوم راحت و بقى منها شوي وهذا الشي أكد لي أكثر انها شاطرة وماشية معي صح ويوم قالت لي قلت ايه نزلت مني اليوم لما صحيت كتلة كبيرة مثل القطعه ، قالت الحمدلله تلقينه سدد و راح . بس في شي ماني فاهمته و قلت للممرخه نفس الكلام انا لي سنتين وجهي كله حبوب حبوب ما تختفي ومن جلدية الى جلدية لي سنتين والله العظيييم بعد التمريخ اختفت اختفت يعني ما عاد تطلع بقى الحبوب القديمه وقاعده تجف وتتقشر من نفسها تخيلووووا !!!!!!؟؟؟؟؟؟؟


وقبل ما اروح ممرخه كنت اطلب مساج يجوني ل بيتي يمسجوني لدرجة من الالم الي برجلي اليسار اقولها بس ابغى ساعه كامله تمسكون رجلي تمسجونها! تخيلوا من قوة الألم الي كان يجيني وما كنت ادري وش سببه!
بعد الجلسة الأولى حسيت في شد قوي كأنها مسكت مكان الوجع والله أحس فيها في أخمص القدم كأنه عرق ماشي من عند الرحم إلى أسفل القدم ، ونبهتني هي اول ما بدأت تسوي قالت بتحسين بألم بس عادي تحملي وحطي كمادات إلى اليوم الثاني جلستنا الثانيه وفعلاً كلامها صح بس والله العظيم انا خلصت الحين الجلسة الثالثه وقلت لها ابغى حجامه بنات انا شفت العافيه والله يعني شي انا كنت رافضته واقول المستشفيات أبخص بس اوقات صدق اذا الواحد ما لقى دواه بالمستشفيات يجرب ناس ثقه ويخافون الله ، بس يا الله انا اكلمكم وانا في صدمة وفي فرحه بس كل الوجع راااح😭
قالت بقى شوي بس بتتعافين تعالي الشهر الجاي بعد 🥹انا فرحانه فرحااانه الله يفرحني بالضنا عاجلاً غير آجلاً يارب يا كريم 😍❤️

ولا بعد قالت لي ترا الحين انتي نظفتي اوقات يكون في تكتلات قديمه متجمعه او أكياس صغيييره ما توضح بالسونار او الدكاترة ما يعيرون لها اهتمام لانها صغيره مره مع المرخ و المشي تنزل من نفسها وطبعاً المشروبات الدافيه👍،،


اليوم موعدي معها حجامه الله يكتب الي فيه الخير و الراحه لي و لكم يارب
طبعاً الي فهمته منها الحجامه تساهم في أن الأجسام المضادة تنزل و بجربها و بعدها بشهر بفحص بشوف 😍👍