كوبونات الراقية تسجيل الدخول

شوقي*إلى*مولاي*

**تجربتي مع نظام الاخت قشر قهوة للنفاس**

الحمل والإنجاب •

السلام عليكم..كيفكم يا احلى كروشاات..بنات انا حبيت اقولكم تجربتي مع نظام الاخت قشر قهوة لله يجزاها خير ويحقق لها امانيها وين ما كانت..ايام كنت حامل كنت علطول فموقع الحمل والولادة..واول مرة بحياتي اسمع ان به نظام للنفاس كنت جاهلة بها الموضوع..وولدت مرتين وماكنت اسوي نظام وكان فيني هواء وافرازات وحاله ونا ما ادري انه خراب..وقررت اني اسوي نظامها..شريت كل اعشاب النفاس من عطار بن منقاش وشريت علب بلاستيكيه عشان ارتب فيها اعشاب النفاس..المهم وزعت الخلطات فالعلب البلاستيكية وكتبت على كل علبة طريقة استعمالها طبعآ جهزتها من الشهر الثامن عشان ما انزنق فالوقت..وقعدت اقرا نظامها بتمعن..وسويت تمرة النفاس وسنعت كل شي..ويوم ولدت حافظت على النظام من بعد اربع ايام بالنفاس لان كانت ولادتي قيصرية وكنت تبعانة بس فنفس الوقت ما اهملت نفسي فالمستشفى من ناحية تغطية الراس ولبس الشراريب والسروال القطن الطويل وبعدت عن الاكل والشرب الممنوع فالنفاس واخذت معي قارورة منقوعة اشرب منها كل ما عطشت صح طعمها مر ولكني تحملت عشان اخرج من النفاس ونا زينه..وبعد ماطلعت من المستشفى مشيت على النظام بالكامل من سفوف واكل وتغذيه وغسول..والعشرين الاخيرة داومت بعد عالسفوف وعلى الكبو..واخر خمس ايام استخدمت نظام الخمس فناجين..وتحاميل البوثيل اخذها يوم واتركها يوم..ووالله يابنات طلعت من النفاس مشدووووووودة وناشفة والمنطقة ضيقة مرة فرق شاسع بين ولاداتي الي قبل وبين ولادتي الاخيرة..وقطعت الشك باليقين ويوم جاتني اخت النفاس الي هي الدورة الي بعد النفاس جاتني على طول من الشهر الثاني بعد الاربعين واتبعت نفس نظام نفاسي فالاربعين..ما اهملتها ابد لان الاخت قشر قهوة قالت الي تهمل اخت النفاس يخرب عليها كل شي سوته بنفاسها لذلك كنت حريصه اني اهتم فيه عشان ما اخرب تعبي..واللحين يابنات كل دورة صرت اهتم بنفسي من لبس وشاهي نفاس وتغذية وكبو والبعد عن الممنوعات ووالله اني صرت اضيق واحسن من قبل ولو ادري عن هذاالنظام كان من زمااااااان مشيت عليه..وكل ما احس بالنتايج الحلوة ادعي للاخت قشر قهوة من قلبي ان ربي يجزاها الف خير وينور دربها ويحقق لها كل ماتتمنى ويخليلها زوجها وعيالها لانها ساعدتني وهي ماتدري ولا اعرفها ولا تعرفني..وانتو وراحتكم بس انا حبيت انقل لكم تجربتي ولا تيجي وحده تعمل النظام وتهمل بعض الجوانب لانه ماينفع هو متعب شوي اتباع النظام ولكن نتايجه مبهره..يبيله صبر حتى زوجي لاحظ..واي وحده تقرا موضوعي او تستفيد منه تدعيلي ان ربي يرد لي زوجي ردآ جميلا ويسخره لي..
50
66K

يلزم عليك تسجيل الدخول أولًا لكتابة تعليق.

تسجيل دخول

فديتني الحلوة انا
فديتني الحلوة انا •
الله بعطيك العافيه ياقلبي ويحنن قلب زوجك عليك يااارب
آهات...
آهات... •
مبرووووووووووووووك والحمدلله على سلامتك
وأهنيكي على النتايج اللي حصلتيها
فعلا النظام متعب شوي ويبيله صبربس عندي سؤال :
حتى وإنتي والدة قيصرية يحتاج تستخدمين الغسول والكبو
بحيث يعطيكي نتايج مبهرة ؟
أسأل الله أن يسخرلك زوجك ويرده لك ردا جميلا وييسر لك أمورك
والله يجزى الأخت قشر قهوة كل خير
وإن شا الله أجرب النظام في ولادتي اللي قربت
والله يسهل عالجميع
شامخة بديني
شامخة بديني •
الله يسخر لك ويسخر لي ازواجنا ويردهم لنا ردا جميلا ويجملنا بعيونهم والمسلمات اجمعين ،،
والله يجزاها خير الاخت قشر قهوه مو مقصرة مع البنات الله يحفظها من كل شر ويجعلها في موازين حسناتها ،،
روز الورديه
روز الورديه •
فعلا الاهتمام بالدوره والنفااس شي مفيد جدا جدا الله يعافيك ولايبتلينا يارب ويشفي كل مريض ...وعسى ربي يعطينا القوه عليه
الأفق العالي
الأفق العالي •
الله يوفقك ويسخر لك زوجك وذريتك ويجعلهم قرة عين