تجربتي مع نظام ريبان لفرد الشعر

السلام عليكم ورحمة الله وبركاته
نظام ريبان الفلبيني نظام لفرد الشعر وهو دائم بس يعاد فرد الشعر النابت (نفس فكرة اليوكو بس أرخص بكثير لأنه فلبيني )وتستغرق عملية فرد الشعر 8 ساعات وتتغير حسب الشعر أول شي يخلطون ماده ويحطونها بالشعر تأخذ لها حول النصف ساعه عقب يغسلون الشعر ويجففونه ثم يكوون الشعر خصله خصله لحد ما تنامين وهذا اللي يأخذ أغلب الوقت ولما يخلصون كوي يحطون خلطه ثانيه وبعد تأخذ لها وقت وعقب الخلطه يغسلون الشعر ويجففونه ويكوون مره ثانيه خصله خصله وبكذا تنتهي العمليه ويعطونك كرستال للشعر تابع للنظام عشان تستخدمينه ويمنع ربط الشعر يترك مفكوك لمده أسبوع بدون ربط أو غسل أنا ما فردت شعري إلا لما شفت نتيجه الفرد على خالتي وبناتها وغيرهم كثير كان فيه فرق كبير في الشعر بحيث صار الشعر مفرود وفيه لمعه ولمسته ناعمه وطبعا ندمت على الفرد, الشعر صار مفرود وناعم وفيه لمعه حلوه ويتحرك لكن مع ذلك ما عجبني, شعري قبل الفرد أقدر أتحكم فيه استشوره على فوق على تحت عادي يستجيب لي لكن بعد الفرد بس طايح وخلاص وإذا بغيت استشوره على فوق يعذبني ومايثبت كثير لدرجه اني مليت منه والمشكله انه دائم يعني مافي خلاص منه الا بالقص كل ما طال أنا صار لي حول 8 شهور من سويته والشعر لسه مفرود ما تغير بس اللي نبت من فوق ولا أفكر اجدده ابي الفكه منه.