مثل ما كتبت في العنوان
سهوله لان تشترين هذى النقوشات وهي مثل الستيكرات لاصقه
توفير لانها رخيصه وايضا توفر عليك نقوشات الصالونات الغاليه
واحتراف لان الرسمه تطلع مضبوطه وجميله جدا وسريعه
والطريقه :
تضعي اللاصق على البشره .... ثم تحطي فوقه الحنه
وبعدها تنزعيها بسهوله وتتركينها حتى تنشف
وفي نوعين من الحنه الجاهزه الاحمر والاسود
وانتبهوا ترا الاسود ممكن يسوي حساسيه يعني جربو منه نقطه عالبشره واذا ماجاكم احمرار او حكه يعني مناسب لكم ولا تتركونه فتره طويله يعني كفايه عليه نص ساعه وهو بسرعه ينشف
اما الاحمر ما يسبب حساسيه وانا متعوده عليه ولكن ما ينشف بسرعه وممكن تتركينه ساعه
هذى شكل النقوشات وهي متوفره بمحلات 100 فلس او برويالين او بو ردهمين عن كل ديره :)
وهذى معاجين الحنه الاسود والاحمر
وهذى على بشرتي بس ترا صار لها كم يوم وتقشرت اشوي
وفكرت فيها بعدين وقلت ليش ما اصور الطريقه للبنات
ممكن تنقشي على الساق وعلى الايدين وعلى الكتف من الخلف او على الظهر او اي مكان تحبونه
ولا يجوز تظهر هذى النقوشات لغير المحارم يا بنات انتبهوا ربي يرضى عليكم
وان شاء الله يعجبكم موضعي