اليوم بقول لكم عن تجربتي مع كريم اسمه Dermamelan Treatment
هذا يا طويلات العمر انا عندي مشاكل مالها اول ولا اخر في وجهي ... والسبب سوء التغذية ... السهر ... الدوام الطويل ... الشمس .. والجو الخايس الملوث في المنطقه اللي اشتغل فيها ...
مالكم بلطويلة ...رحت الدكتور وقال لي بشرتش مختلطقه واثار وجفاف وبقع .. غير ان لونها غير متسواي ابدا ..الجبه في غالم والدقن في عالم والانف في عالم ...
قال لي بيسوي لي كورس شهر واحد.. اول يوم بيخلي لي قناع لمده 8 ساعات .. بعدين لين اشيله بيصير وجهي احمر وبيتقشر كله لمدة يومين ... ويبي له اسبوع عشان يتداوى ... بعدها لازم استخدم ال Dermamelan Treatment لمدة شهركامل... وبتصير بشرتي حلوة ...وراواني صور حق بنات مسوين العلاج قبل وبعد .. وااااااااااااااااااااااااااااااااااااااااااااااااااااااااااااااااااااااااااااااو ... ما صدقت عيوني ... مو طبيعي ابدا ... روعة بشرتهم صارت ...
بس بما اني ما اقدر اغيب عن الدوام اسبوع كامل فقلت له بلاه القناع وهات الكريم بس ..
قال لي ما بستفيد عليه واجد لان لازم اسوي وياه القناع بس انا اصربت ...
عطاني الكريم هذا .. اخليه على وجهي في الليل قبل لا انام ..اسوي فيه مسج ل 3 دقايق
بعدين اخلي المرطب هدا .. والله خوش مرطب .. عجييييييييييب ..
وفي النهار اخلي سن بروتكشن ... ما خديته منه لانه حرامي ...
في اسبوعين صارت بشرتي لونها متساوي ...راحو الاثار بنسبه 50% ..صرت فاتحه ...ناعمه ...لينه .. وبعد انا بشرتي مختطله اصلا صارت متعادله ...مشررررررررررررررررررررقة ... الحبوب قامو ما يطلعون لي ...
اي بعد نسيت اقول اني استخدم غسول كيو في ... شغل عدل ...
الاسعار ...
القناع ب 300 دينار
كيو في ب 3 دنانير ونص
المرطب ب 13 دينار
الكريم ب 93 دينار
طبعن انا دورتهم على الانترنت واسعارهم اقل بكثير ×××
الدكتور قال لي الكريم بيكفي لي حق شهر بس ... لكن على استخدامي كفى لي 3 اشهر ...انا من احس بشرتي جفت اترك الكريم 4 ايم ولا 5 ايام واردج اواصل عليه ...تقريبا كل اسبوعين اتركه اسبوع .. يوم صارت بشرتي حلوه تركته بلمره لان دخل الصيف .
للامانه بنات بعد اسبوع من الاستخدام تستوي قشره على الوجه بس بعدين تروح ...
وبسسسسسسسسسسسسسس