<<تجربتي منكم واليكم >>

بسم الله الرحمن الرحيم

السلام عليكم ورحمة الله وبركاته

انا متابعه لكم من زمان مررره لكن ماسجلت الا قريب

والله يشهد اني اذا اخذت من أي وحده فيكم خلطه او أي شي سواء جابت نتيجه اولا والله اني ادعي لها وهي ماتدري عني واستفدت كثير كثير منكم ..

وبما ان هذا اول موضوع لي حبيت اني اكتب تجاربي في الخلطات والوصفات اللي اخذتها منكم
شي قديم وشي جديد وبكتب النتائج ((السلبيه والايجابيه)) ..

وادري ان الموضوع مكرر لكن تجربتي ممكن تختلف عن تجربة غيري وعشان افيدكم واستفيد منكم..

اولا : الجسم..
استخدم لوشن المسك و جرجنز ولوشن جلسوليد بالمسك ولاحظت الفرق عن اول بكثير نعومه وترطيب.. والسنفره لجسمي استخدمت الصابون المغربي وصابون الغار وسنفرة العروسه وملح الحليب والصابونه يوكو وسنفره بالمشمش>>هذي ماعرفتها من هنا لا اشتريتها بالصدفه وطلعت حلوه مررره
وايضا استخدم زيت الجلسرين وزيت اللوز المر وزيت الزيتون احطت منه قبل الاستحمام وروعه لكن ما استمر عليها اوقات احطها واوقات لا على حسب المزاج..
و سائل الاستحمام دائما استخدم دوف ورهيب وجربت لوكس بالورد الجوري والعنب وممتازوبعد جربت الصابونه السوداء وتنشف الجسم مره ولا كملتها، والليفه استخدم ليفه عاديه اللي تجي مع جل الاستحمام واذا بسوي سكراب ليفة زهور الريف وحاليا بدأت بليفة بودي شوب..
وتغير جسمي نعومه وصفاء وبداية توحد اللون الحمد لله (ماشاء لله)
وسويت خلطة توليب كريم 21 وماء الاكسجين لي الحين اسبوعين مالاحظت فرق للحين..
وسويت الخلطه اللي هي( ماء ورد + بودرة جونسن + سكر + ملح)
تنعم مررره لكن اذا نشفت تطلع البودره ولون جلدي يصير( اشهب) واضفت عليها شوي جرجنز
وطلع رهييييب والتفتيح بدري عليه لان مالي الا كم يوم عليها..
وانا استخدم حلاوه شهرزاد لي كم سنه عليها وقرأت عن شمسا ومدح البنات لها استخدمتها وفعلا حلووه وجربت الخلطه اللي قبل شيل الشعر بالحلاوه وروووعه واللي هي(ليمون + خميره+نشا+سكر)
واستخدمت بعد بخاخ الجسم من ليل بالعنبر والمسك ورووعه واخطط اجرب مزيل العرق منه..ئ

الأبط:
اشيله بالحلاوه ونادر ما استخدم الموس للضروره.
ومزيلات العرق كنت استخدم ليدي القديم والجديد ما اعجبني وطلعت منتجات مشابهه له وغيرت لكذا نوع وقرأت عن fa هنا في المنتدى وجربته وحلو واستخدمت بوردة مزيل العرق انتاج اندونيسيا و قرأت عن الشبه واشتريتها وللحين ما استخدمتها..

ثانيا:بشرة الوجه..
بشرتي متباينه الى جافه
واول ماكان فيه حبوب بس من سنتين تقريبا صار يطلع لي بين فتره والثانيه وانا ما اعرف السبب ورحت لدكتوره وماتغير شي او يمكن لاني ماكملت عندها واستدخدمت صابونة الكركم كذا نوع لها صحيح انها تنظف وتصفي لكن تسبب جفاف شديد لي ومن تركتها خف الجفاف وبعد جربت نوعين صابونه هنديه وايضا سببت لي جفاف وجربت الزبادي في وجهي طلع لي حبوب ولاحبيته واللي اعجبني قناع الخيار والنشا هذا حلو والحليب والخميره بعد حلو والعسل مع قطرات ليمون ممتاز ..وسويت طريقه فادتني كثير مره وهي اني كل يوم اقوم الصبح اغسل وجهي ورقبتي برغوه بدون صابون(رغوة هيمالايا) وماء دافي وانشفه وبعدها اغسله بماء ورد بااارد مثلج واتركه ينشف بنفسه وقبل لا انام اغسل وجهي ورقبتي بصابونه واحط كريم دوف وكريم كيلي (الاصلي).. واذا احتاجت بشرتي لترطيب ارطبها بدوف والحمد لله تحسنت بشرتي طلعت مورده وصافيه وزاد البياض وباقي بس اثار بسيطه يبي لها وقت شوي.. وفيه كريم بالمرز..هذا استخدمته صديقتي وفتحت بشرتها وخف اثر الحبوب عندها ماشاء الله..

ثالثاً: اليدين والقدمين..
اعجبتني طريقة توليب وصمت الجروح مرره وسويتها مره وحده ونتيجتها راااائعه(الله يجزاكم خير)
و مستمره في ترطيبها بـ (لوشن المسك +جرجنز+لوشن جلسوليد بالمسك) لكن للحين المفاصل لونها غامق شوي اما ايديني صارت ناااعمه وصافيه الحمد لله ..


رابعاً:العناية بالمنطقه الحساسه ..

شيل المنطقه بطريقتي>>وهي رطبه شوي احط زيت زيتون واشيل بموس جيليت النسائي
والحمد لله المنطقه ناعمه وفتح لونها وصارت اغمق بكم درجه والشعر خف عن اول كثير واذا طلع الشعر يصير ناعم مو خشن مثل قبل.. واعجبتني طريقة توليب بالعنايه بالمنطقه الحساسه وباذن الله بجربها وبعطيكم النتائج..

هذا اللي عندي حاليا واذا ذكرت شي ثاني برجع اضيفه ..
واتمنى منكم اخواتي اللي جربت شي من اللي ذكرته تفيدنا بتجربتها..