- بسم آلله الرحمن الرحيم-
السلام عليكم ياجميلات .
اليوم بعد ماكملت سنتين من التعب والهم وفترة علاج حرقت قلبي
على شعري الي كان مضرب مثل _بس عين ماصلت على النبي_
نقول الحمدلله .
شعري بدا يتساقط وانا ماا انتبهت كنت اقول تساقط طبيعي
لحد ما مرت 6شهور ولاحظت المصيبه الي هيا
فراااااااااااااااغ كبييييييييير في مقدمة الراسس وشعري ساير زي ذيل البسه:crap:
مرره حزنت وبكيت المهم ,
رحت المستشفى ( الخاص بالجلديه والعنايه بالشعر)
نبدأ بسم الله الخطوات الي ساهمت في عودة شعري الي رجعلي جمالي الحمدلله.
1_ تحليل دم
2_ تحليل حديد
والنتيجه ياحبيبي ياخرابي :11:
الدم : 8 من 14 المعدل الطبيعي
الحديد : 14 من 34 المعدل الطبيعي
3_ قامت الطبيبه بـ وضع جلسات اسبوعيه لشعري
عباره عن (ابر) تضرب في فروة الرأس
الجلسه بـ 300 ريال .
انا طبعا لاني كنت ابغى نتيجه وماقدر اتحمل شكلي كدا بالشعر الخفيف
وافقت على طول .
الابر اسمها (ابرالميزوثرابي)
^ نفس الطريقه ماتوجع احسها عادي قدرت اتحمل الحمدلله :35:
جلست اسبوعيا اروح الجسات والدكتوره تعطيني الابر في فروة راسي
تقررريبااا 6 اسابيع .
4_وصفت لي الدكتورة : حبوب البرايورين N سعرها 200 ريال< يتم اخذ حبه بعد الغداء وحبه بعد العشاء
5_وصفت لي الطبيبه امبولات فيتشي هي عباره عن امبولات صغيره يتم وضعها على فروة راس نظيفه , يوم ويوم لا يوم ويوم لا , وهكذا , فيها 12 حبه طبعا كل يوم نص امبوله يعني
24 يوم تكفي , انا استخدمت منها كرتونين يعني 24 حبه .سعرها 255 ريال
وهذي صورتها
6_ وصفت لي الطبيبه حبوب
فروز ( لنقص الحديد) يتم تناول حبه واحده يوميا بعد العشاء
سعرها 19 ريال
استمريت عليها 4 شهور .
هذي الفتره كلها كانت نهاية شهر 8 يعني اخر اسبوع منه وجا رمضان المبارك وانا اروح اخذ جلسات الابر وما ارجع الا وقت السحور بسبب الزحمه ف المستشفى .
تعالوا نشوف النتيجه شهر 10 عيد الفطر المبارك:7_2_103v:
1-شعرات صغيره من الامااااااااام ماشاء الله طالعه وكانت بنت اختي تستشور لي وتقولي هذا الشعر الجديد طالع , قلت ايوه الحمدلله ,
المهم بعدها انا وقفت علاج خلاص لاني بجد ميزانيتي خلصت ,والحمدلله الفراغات الي كانت مشوهه شكلي اختفت .
بعدها انا حبيت اعمل عناية لشعري لاني قصيته لان طالع من فوق كثيف ومن تحت معدوم مو حلو المنظر قصيته , بعدها بديت اهتم فيه ,
استخدمت زيت كيشور دهني الهندي , يتم خلطه مع زيت النارجيل
سعره 7 ريال
استخدمتها لمدة 3 شهور والنتيجه اكثر من خيااااااااال طلعت لي شعر وصغير كماان
بعدين ارسلت اخويا يشتريلي زيت كيشور قال العطار مخلص وكذا مره ارسل اخويا ومايلاقيه
قلت يابنت الحين انا موقفه العنايه بسبب انه زيت كيشور مو عندي ,
قلت خليني ادورغيره يكون نفس مفعوله ,
اشتريت زيت تريشوب الاخضر بس هذا استخدمه لوحده لانه مو مركز زي كيشور
استخدمه يوم ويومين لا وهكذا , نتيجه خيال خيال ينبت شعر وايضا يطوله بسرعه مذهله
ومره له مواصفات مااقدر اكتبها انتوا ابحثوا عنه وشوفوا العجب العجاب
خلصت منه علبتين ولحد الان اشتريه لانه رخيص بـ 15 ريال وححلو .
وهذي صورته
ثالث زيت زيت باراشوت جوز الهند الازرق جمممميل ججججميل يتكون من زيت اللوز ونبتة الخبيزة الي تكثف الشعر ( يطول ) ينعم يعطي لمعه .
طبعا اخذته بديل عن النارجيل الاخضر لانه ريحته خفيفه مرره كانه حلاوة باونتي يجنن
اما النارجيل ريحته تصرع مررررررررررررا:scream:
سعره 25 ريال
وطريقتي في وضع الزيوت _ يوم زيت تريشوب واجلس يومين بعدين احط زيت باراشوت وهكذاااا . طبعا لما احط الزيت اسوي مساج واحرك باطراف الاصابع انتبهوا مو باالاظافر ؟ لا بالاطراف واحرررررررررك واسوي مساج واحط نايلون واخليه 8 سساعات واحيانا اتكاسل واخليه يوم كامل
.
والحمدلله الان شعري في صحه جيده :35: وانا مستمره ع الزيوت لاني ابغى شعري يطول زياده
الحين هو طوله تحت الصدر :crap:
_ وصلى الله وسلم على نبينا محمد_
تعبت وانا اكتب ياويلي
اتمنى لكم شعور طويله غزيرة _ والي تستفيد تدعيلي بالخير_
لاني ادري فيه ناس متعذبه من شعرها وخلق ربي حسودين اذا شي نفعهم
خبوه عن العالم ولاحظوا كل الزيوت هنديه ومعروف جمال الشعر الهندي
انا بديت احس بجمال شعري والله انا عندي عزيمه وما يئست لان شعري هو جمالي وجمال كل بنت انصحكم ماتيئسون انا جلست ثلاث سنوات بشعر تعبان ومااقدر افتحه بالمناسبات
والحين مرت ثلاث سنوات وشعري رجع ولله الحمد وكل صديقاتي في الجامعه سرت اعطيهم طريقتي
_ من صبر نال _
دمتم بخير ..
ما شاء الله تبارك الله
عسا الله يهينك فية
واشكرك حبوبة على ذكر تجربتك الراااائعة