تجربتي من نزول مويه الجنين في الشهر الخامس

السلام عليكم ورحمه الله وبركاته




انا ربي كتب لي حمل بعد ٣ اجهاضات وكانو جميعهم في الشهر الاول وقالوا لي السبب ان عندي اجسام مضاده ولازم بالحمل الجديد اخذ ابر سيوله وفعلا في حملي هاذا ربي ولله الحمد والنه اراد انه يتم حتى وصلت للاسبوع ٢٠ رحت مراجعه وكانت اموري كلها ممتازه من بكرا صحيت الصباح عادي ولاحظت نزول مويه استغربت وشكيت بمجرد وقوفي نزلت المويه بكثره وعدم توقف خفت ورحت للطوارئ مباشره بعد الفحص قالو هاذي مويه الجنين ولازم تنويم
تنومت ٣ ايام كانت ضغط نفسي جميع الدكتورات كانو يقولون خلاص الجنين بيموت والمويه ماتتعوض والثقب مستحيل يقفل كانت نفسيتي جدا سيئه سو لي اشعه صوتيه وماكان حول الجنين اي مويه كلها نزلت عطوتي مضاد حيوي ووقفوا جميع ادويتي من مثبت ومسيل والخ .. وطلعتني الدكتوره للبيت وانا مصدومه طيب جنيني مازال ينبض واحس بحركته بديت اصبح هل هو جالس ينازع 😭😭😭😭💔💔


انهرت لدرجة اقولها بدون الابر بيموت انا جربت قالت افضل له لان ممكن يتشوه ويحي بدون كلى والخ..


قالت لي وقتها احتمال اسبوع ويوقف النبض تعالي نسوي لك تنضيف وقالت لي ارتاحي ولا تجهدي نفسك .. وفعلا طلعت للبيت وانا ماغير منسدحة وادعي وابكي واشرب بمويه زمزم وافعل بالاسباب .. جا بعد اسبوع ورحت لموعدي ومع الفحص قالت لي الدكتوره في نبض مازال يارب لك الحمد والمنه خيبت رجاهم وطلع في مويه تكونت حول الجنين بس جدا قليله ١ سم .. رجعتني وقتها على الابر وقالت بس عشان سدحتك مو عشان الجنين ومن وقتها وانا مازالت المويه تنزل علي ومو راضي يتجمع في الرحم شى كل ماسويت اشعه قالوا مافي مويه وخايفه على طفلي ان يتشوه زي ما يقولون وبنفس الوقت دام ربي اعطاه فرصه انه يكمل بعد كل اللي مر فيه فمالي حق انهيه 😭😭😭 ربي عارف وشايف قد ايش تعبت وتمنيت تمام هالحمل وقد ايش قلبي متعلق فيه وخصوصتا ان ماعندي اطفال قبل ولي الان ٣ سنوات ونص متزوجة


الان انا بالاسبوع ٢٣ ومازال جنيني ينبض بس حركته ضعيفه وشى طبيعي لان مافي مويه حوله ... منسدحة واشرب في مويه زمزم ومنتظره الفرج من ربي ❤️❤️


ابيكم تقولون لي مين مر بهالحاله قبل وولد طفل سليم او ايش صار معاكم و ايش ممكن اسوي .... ابي وقفتكم معي 😭