السلام عليكم
كيفكم عسولات
عساكم بخير
المهم حابه احكي تجربتي مع الدكتور خالد العبد الوهاب في عيادة دايموند..
المهم انا مثلي مثل اي بنوته ادور عالزين والكمال وماكامل غير وجه الله..
جربت اطباء كثير وبسراحه مررره نصب ادويه كثير عالفاضي :09:
فبحثت وحصلت كثير يتكلمون عن هالدكتور وله مواضيع وله موقع جلست اقرا حسيته فاهم وشاطر..
قلت يابنت جربي خصوصآ ان زواجي قرب عقبال عند الكل..
ودورت رقم العياده وحصلته وحجزت على اساس الساعه خمس..
طبعآ عالساعه خمس جيت المركز لقيته في عماره مره صغير وبسيييييييط قلت مو مهم اهم شي الدكتور شاطر
اول مادخلت قلت للرسبشن عندي موعد
قالت الدكتور تأخر عنده ظروف استني شوي.. وكان المركز فاااااااااااضي مافيه مرضا استغربت ..
شوي إلا جايتني وحده من الرسبشن تقول ادخلي عالدكتور المصري قلت لها انا حاجزه عند د.خالد
قالت الدكتور المصري احسن لك
قلت لها لا انا سامعه عن الدكتور خالد وبستنا
بعدين قالت الدكتور خالد كشفيته بـ300
والمصري بـ100 انتي ادخلي عالمصري
وإذا جا د.خالد احولك عليه >>انا مافهمت بس قلت يالله..
والله حسيت المصري شاطر بس انا من كثر ماسمعت عن ذاك قلت لا بشوفه يمكن ألاقي حلول عنده
المهم سويت ليزر لوجهي بس بسراحه الفلبينيه شغلها مررره مو حلو لأنو الاسبوع اللي بعده طلع شعر ماسوته يعني مو دقيقه بعدين ماعندهم رتوش انا كلمت الدكتور وقلت له طلع شعر ماينفع وبسراحه ماقصر قال تعالي اسوي لك مع انو مافي رتوش عندهم..
نرجع للسالفه..
خلصت من المصري..اللي سوا لي الليزر..
قلت خلاص بنطر د.خالد عشان يشوف الاثار البسيطه اللي بوجهي ابي حل سريع لها وابي حل لسمار ركبي..
وصل الدكتور الساعه 7وربع تقريبآ بعد المغرب
ولما قابلته مدري بدون ما اتلكم قال انتي بيضا مايحتاج تبيض!!
قلت له انا مابعد تكلمت وماقلت ابي تبيض!!
قال طيب شو المشكله
قلت هالأثار ..اللي بوجهي مع انها بسيطه بس انا ابيها تروح مره لأنو زواجي قرب
قال طيب فيه عندي تركيبه مره كويسه بتنفع لك قلت طيب ماكو مشكله ..وهي احماض فواكه
وقلت طيب ركبي تفرق عن لون ساقي لأني مشاء الله فاتحه مره ففيه فرق ابيها نفس اللون قال بعطيك من عندي تركيبه مقشر
قلت طيب مافي مشكله..
اخذتهم تقريبآ بـ500 كل التركيبتين حق فيسي والركب
ودفعت على ليزر وجهي 400 وعلى
واللي قاهرني ان حقت الرسبشن كذابه قالت بحولك من بعد المصري عالدكتور بدون كشفيه
خذت من هنا ميه ومن هنا ميه
يعني بيوم دفعت اكثر من ألف ريال..
لي اكثر من شهر وانا استخدم ادويته..
احماض الفواكه نتائجه بطيييييييييييييييييييييييييئه لين ألحين الاثار موجوده مع احمرار بالخدود والمشكله يقول كملي حتى بعد عرسك والله غريبه!!
تركيبة الركب يابنات وربي ركبي كانت كويسه بس الطمع ومن التركيبه سووووودت :icon33: وربي مقهوره ولما كلمته قال غريبه!! مدري العيب في بشرتي ولا بتركيباته..!!
النتيجه ابدآ ما استفدت خسرت فلوسي ووقتي عالفاضي وألحين احس مررررره طفشت كبيت الادويه بالزباله :(الله لايخسر وشكلي بروح للحبيب والله يعين حبيت احكي لكم تجربتي الخنفشاريه مع الدكتور
سلاااام
زينة الغيد @zyn_alghyd
محررة ذهبية
يلزم عليك تسجيل الدخول أولًا لكتابة تعليق.
الصفحة الأخيرة
نفس الشي اعرف وحدة عز المعرفة
راحت عنده بناء على مدح وسمعة
لما راحت اعطها تركبيات بالاخير ماستفدت
شي خسارة على الفاضي
المهم لو عرفتي دكتور كويس بالحبيب دلني
نصيحة لاتروحين لامنه السودانية اللي عند الحبيب ترى مدح على الفاضى
الله يوفقك ويسعدك بحياتك