أكيد كلكم تعانون مثلي سابقاً في تنظيف الملابس البيضاء الرجالية ,,
بصراحة كنت اغسل الملابس و يضيق صدري :( ماحسها ناصعة ابداً ,,
وبعد تجارب كثيرة واستفادة من تجارب الاخوات ولله الحمد والمنة صارت الملابس البيضاء نظيفة
الياقة (رقبة الثوب ) كانت غامقة وكذلك اطراف الاكمام والجيوب واسفل الثوب الحمدلله صارت فاتحة
طريقتي هي :
غسالتي اوتوماتيك . . أحط فيها صابون عادي اي نوع عندك حالياً استخدم
بونكس مقدار كوب لأني اغسل مثلا خمس ثياب
وكذلك اضع كوب او ثلاث ارباع الكوب صابون الوزير المبشور
واضع كلوركس للملابس الملونة ,, انتبهوا تحطون كلوركس الابيض ترى يصفر الثياب مرة مقاطعته
فقط اغسل فيه فوط المطبخ وبلاط الحمامات الله يكرمكم
واهم شيء وضع نص كوب من الخل الابيض ,, خل الطعام ماغيره وانا متأكدة ان السر في وضع الخل
واضع قليل من النيلة الزرقاء (كراون) سائلة ماحب استخدم المكعبات تعدم الدنيا
النيلة : للي تبغى الملابس تميل للون السماوي الفاتح
وبعدها اترك الغسالة تتعبى وتدور كذا دورة لين تختلط المواد والموية طبعاً تكون حارة او دافية
وبعدين احط الملابس ..
ضروري كمية الموية تكون اكثر من الملابس
لازم توضع الملابس في الاخير عشان النيلة لو جت على الملابس مباشرة تعدمها ..
وبعد كذا اخليها تدووور مع الملابس كذا دووورة وبعدين اوقفها واتركها تنقع فترة ويذوب الصابون لأن صابون
الوزير يحتاج فترة يذوب
اتركها ساعتين ثلاث واحيانا ليلة كاملة عادي ..
وبعدين اغسلها وفي الشطف يوضع الملطف اي نوع عندك ,,
وادعي لي بعدها شوفي كيف الملابس رجع لونها الطبيعي وصارت ناصعة وتفتح النففففففس
وهذي صور صابون الوزير من النت:
ادعولي بالتوفيق والسداد في الدنيا والاخرة
ولإبني بالشفاء العاجل