:27:
كيفكم ياحلوات.......
اليوم انا حابه اتكلم عن بذرة القطونا او لسان الحمل اوPsyllium
قبل فتره قريت موضوع للعضوه زيزي 200
وذكرت تجربتها مع البذره انها تبيض بياااض اتراك بس انا ماابى بياض تركي بس ابى توحيد وتفتيح درجتين:hahaha:
سويت بحث بقوقل مالقيت شي كتير
بس الاغلبيه اتفقو انها مفيده جدا للشعر وتخليه حرير وهاذي طريقتها
1-فنجان بذرة القطونا
2-كوب زيت زيتون
تنقع يوم وليله ثم توضع على الشعر يوم كامل وتغسل بشامبو ونتايجها جدا سريعه<<<<<<<بس ماجربت
قالو كمان عنها انها مقشر طبيعي للبشره وكمان كولاجين طبيعي يعني تشيل اثار الحبوب وتعبي الخدود شويتين
الموهيم
رحت للعطار وجبتها من عنده اخدت كميه بسيطه ب 5 ريال
حطيت تقريبا 3 ملاعق منها ومويا بالتقريب نقدر نقول كاسه كبيره
حطيتها بعلبه وغطيتها وسبتها منقوعه 5 ساعات
لقيتها صارت زي الجلي او المربى ومتماااسكه
الطريقه انك تاخذي الجل وتدهني فيه جسمك ويطلع معاه بعض حبات البذره الطريقه ابدا ماتتعب ولاتقرف وذا احسن شي في الخلطه ماتكون طبقه على الجسم عشان انا اقرف من اللي كذا
بس لمن شفت الحبات على جسمي سودا وصغيره مره قرفت وحمدت ربي ع النعمه اللي انا فيها انو كيف لو دي الحبات فعلا موجوده فيا الحمدلله على كل حااال
المهم قعدت شويتين بدون ملابس بس بالبانتي:35: الين مانشفت الحبات يعني حق ربع ساعه وياريت تقعدو في الارض لانها تلزق ماتطلع من الملابس ببساطه
بعد ماتنشف نزليها عن جسمك ببسااااطه والبسي طبيعي ولا كنك حاااطه شي هاذي الطريقه بالتفصيل الممل وانا دحين حاطتها ويبالها 4 ساعات وبعدين تغسليها
انا بس حطيتها على جسمي ماحطيت على وجهي مع انهم يقولو حلوه فيها كولاجين طبيعي بس انا استخدم تقشير الريتن فماابى اخبص الدنيا
وحستمر عليها اسبوع يوميا ولو شفت نتايج حلوه حكتبلكم اول باول
ويااريت لو وحده مجربتها او تعرف شي عنها تكتبلنا
او ترفعلي الموضوع عشان اتحمسلها شويتين
وانتظر معاك النتيجة
واب لعيونك