تجربتي وتجربتك باول مرة زيوت للشعر

اخواتي العزيزات حبيت اشاركم باول تجر خلطة الزيوت للشعر وراح ابدا
بسرد تجربتي واتمنى كل وحدة تدخل وتحكي لنا تجربتها اول مرة سوت زيت بشعرها
ايش صار معها وكيف طريقتها :41:
امس يا طويلات العمر اخترت خلطة الزيوت للشعر من المنتدى للاخت
شذا الزيزفون جزاها الله خيرا لان شعري خفيف مرة زي ذنب الفارة ومتقصف وحالته حالة :44:
المهم حضرت المواد وغسلت شعري وشعر الاولاد ودفيت الزيت وبديت ادلك شعر الاولاد
بالزيت والله لا يوريكم الحوسة الي كنت فيها والاولاد يضحكون علي مستغربين وش اسوي
(توهم صغار حيل) واول مرة يشوفوني اسوي كذا بشعري وشعرهم وانا محتاسة خلصتهم وبديت
بشعري وعجزت وانا ادلكه لانه مبلول وطويل وتشابك ببعضه:06: واحاول اوصل فروة الراس وادلكها وقطعت
نصف شعري:o المهم خلصت ولفيت شعري بالمنشفة اللف حقت الشعر وتشوفون هالخيرات تنزل على وجهي:23:
ورقبتي وصدري وظهري وتكمل طريقها لاخر المشواروانا امسح من هينا وينزل من هينا وعلى هالحال الله
وكيلكم الحاصل حطيت اغطية على فرشات النوم ونمنما به ومن الصبح بدري صحيت قبل الاولاد علشان اخلص شعري وابدا بهم لا صحوا وبالحمام الله يعزكم بدت رحلة التنظيف افرك وافرك والزيت لاصق:23:
والله ما تصدقون لو اقولكم اني غسلت شعري 6 مرات ومع البلسم صاروا 7 والحمد لله انتهت القصة:27:
الي ابي اساله ياحلوات النيجة تسوى كل هالحوسة وياترى انتوا صارلكم نفس حوستي اول مرة عملتوا
بها خلطة زيوت ولا شلون وسسسسسسسسسسسسسسسسسسسسسسسسسسسسلامتكم