تقول صاحبة الموقف
كنت في لندن في الصيف وكان الجو حاااار مووت يوم كانت عندهم موجة الحر, كنا سايرين الهايد بارك انا وولدي وريلي وأنا كنت لابسه عباه شافتني وحده عيوز قالت لي انتي كيف لابسه عباه وفي هالجو الحار لاوبعد لونها أسود قلتلها عادي في بلادنا الجو احر من جذيه إحنا متعودين , صدت صوب ريلي ويلست تقول له كله منك إنته اللي تجبرها عسب تلبس هاللبس وريلي يضحك عالعيوز وماقدر يرد عليها بس قلتلها إنه هاي حريه شخصيه وأنا ألبسها بإختياري بس كانت عيوز مخرفه تمت تمشي وتتحرطم
بس الباقي كانوا من يشوفوني يبتسمون وشي منهم يسلمون,,
الموقف الثاني
انا تجربتي مع العباه حلوة الحمدلله مرة شافتني عيوز امريكيه وتمت اطالعني قلت الله يستر وتقربت مني قالتلي لبسج حلو وتأشر على ايدي انه الكم طويل وانيق ... مع ان عباتي واسعه وما فيها دق اوشيء يجذب بس سبحان الله عجبتها وااايد تمت تتكلم وتمدح انا رحت وهي بعدها اسمعها تتكلم .... بصراحه حسيت ان صدق نحن في نعمه ما يعرفها الا المحروم منها
اللي عندها اي موقف اتحطه في الموضوع عشان البنات يستيفيدون من مواقفنا لان احس ان عادي ان تلبسين العباة برع البلاد.
وشو رايكم باللي ما تلبس العباية لما تسافر ؟؟؟
اللهم استرنا بالحجاب في الدنيا واجعله قصدنا منها طاعتك لا عادة تبعنها ...
اللهم انا نسالك الثبات فوق ارضك وتحت ارضك ويوم عرضك ...
اللهم استجب ....