جبت لكم كم قصة عن الصدقات..
هذا الله يسلمكم اختكم في الله من بداية الشهر هذا صادفت ثلاث حالات محتاجه جدا للمال..
ومبالغ مب بسيطه..
المووهيم تبرعت للثلاث حالات وانا متيقنه انه ما نقص مال من صدقه وان فلوسي بترجع لي
سواء كانت على شكل ثواب ولا على شكل فلووس..
المووهيم على قولة اخوانا المصاروه انزنئت...يعني احتجت فلوس ..
وانا بطبعي مستحيل لو المووت اطلب احد فلوس..
يعني عااادي اطلب لغيري بس لنفسي لااااااااااا...
وما عرفت شو اسوي...
وقااام الشيطان يوسوس لي..انتي ضيعتي فلوسج..
انتي مفروض تحتفظين بشي ..
تعوذت من ابليس وابتسمت لاني كنت متيقنه ان رب العالمين بيرزقني من حيث لا احتسب..
ودعيت يالله فرج علي وارزقني من حيث لا احتسب..
والله يا بنااات اني كنت متيقنه وسعيده ان رب العالمين بيفرجها علي..
ولا فكرت في الموضوع ولا استهميت..
والله مافي يومين وتتصل علي صديقتي انا مسلفتنها مبلغ من المال ونسيته ..
اتصلت علي علشان تمرني تعطيني الفلوس..
شفتوا رحمة رب العباااد..
.......................................................................................................
مشاركتي عن الصدقة
عندي علبة بالبيت اضع احيانا فلوس
ومرة كنت فاتحة البوك ابحط يا 10 او 20
واشوف المية قدامي ومن غير تفكير قلت الله يبي يخلف على وكنت افكر ان الله
يرزقني بالحمل
وسبحان الله بعد كم يوم جابلي زوجي لاب توب بحوالي 2000 وانا من زمان نفسي فيه
الحمد لله الله ما يضيع اجر
ونصيحة حاولي تنفقين ممت تحبين
لقوله تعالى ({لَن تَنَالُواْ الْبِرَّ حَتَّى تُنفِقُواْ مِمَّا تُحِبُّونَ وَمَا تُنفِقُواْ مِن شَيْءٍ فَإِنَّ اللّهَ بِهِ عَلِيمٌ}
(92) سورة آل عمران)
.............................................................................
سبحان الله رب العالمين مشكورة اختي على الموضوع القيم و الرائع..
انا و زوجي عايشين مبسوطين الحمد لله بس مشكلتنا علينا ديون كثيييييرة و مو عارفين من وين نبدا نسد فيهم يعني بدنا سنوات طوال لحتى نخلص منهم. من فترة قررت اني احط علبة في المطبخ نحط فيها صدقة كل يوم مهما قل مقداره و كل يوم جمعة زوجي ياخذه معه عالجامع يتصدقوا فيهم للمحتاجين او يساهموا في بناء مسجد جديد ( نحن في الغربة و محتاجين مساجد حولنا) المهم والله يا بنات اننا بعد اول اسبوع يعني من اول مرة اخذها عالمسجد صرفوا من العمل لزوجي مبلغ كبيرمكافئة وانا جانتي هدية مالية كبيرة سدينا فيهم معظم ديوننا. سبحان الله العظيم و الف الحمد لله.....
.....................................................................
هذا الله يسلمكم صديقة امي زوجها متزوج عليها وحده ...
وهي وطبينتها عايشات في نفس البيت.. وهي عندها اتوقع 5 عيااال
وطبينتها 4.... والمشكله ان الزوج له وظيفه محترمه بس ما كان يصرف عليهم..
فلوسه ضايعه في الديون وفي.......
المووهيم تقول صديقة امي مرت عليهم فتره ما كانوا يلقووون الأكل ياكلوونه..
اتصل عليهم الهلال الأحمر الإماراتي علشان تروح لهم تاااخذ رز وطحين وهالشغلات..
وتقوول ما كان عندها حق التاكسي الي بيوديها.. وطبعا هي ساكنه في منطقة بعيده عن
المكان الي فيه الهلال...
كلمت جارتها الليله الي قبلها علشان تسلفها جارتها مبلغ التاكسي تجيب لعيالها وعيال زوجها اكل..
المووهيم في الصباح الباكر الحرمه كانت تتجهز للروحه.. وشوي وأحد يدق الباب عليها...
فتحت الباب طلع واحد فقير ومحتااج..
تقوول رحمته وحسيته محتاج اكثر مني وعطيته العشرين درهم الي تسلفتهم..
بعد ما عطته ما عرفت شو تسوي.. بس كانت متأكده ان رب العالمين بيفرجها..
تقوول لبست وطلعت متجهه لأمي (اقصد امي انا مب امها..خخخخخ) علشان تكلمها تاخذ منها فلوس التاكسي..
المووهيم وهي في الطريق كانت تمشي فوق طريق رمليه..
وتقول ما اعرف كيف طحت على وجهي.. وإيدي دخلت في الرمل..
و حست بإيدها مثل الورقه الصغيره المكسووفه.. فتحتها ونظفتها من الرمل..
وطلعت هالورقه خمس مائة درهم اماراتي..
تقوول بكيت وحمدت رب العالمين وعلى طول راحت الهلال..
ومن هالفلوس كست عيالها وعيال طبينها للعيد.
الصفحة الأخيرة
استغفر الله الحي القيوم واتوب اليه