االسلام عليكم اخباركم
يشرفني اكون معكم في هالتجمع اخبارك نواره انا مثلك عندي بنوته في الحضانه لها3 شهور جبتها في بدايه السادس في الا سبوع 23 وزنها كان 550 غرام وقعدت على التنفس الصناعي شهرين والحين على التنفس اللي بالانف الحين وزنها كيلو 100 غرام بس انا والادتها في المستشفى السعودي الالماني ياليت البنات يردون ويشاركونا لاني ماعرف شي وكل اسبوع يكشفون على الشبكيه ويقلون ماشيه زين لانهم قد قالولي انها تحتاج عمليه ليزر بس اللين الحين ماقررو

وبس هذا اللي عندي واي شي جديد راح اقولكم بس ابي تفاعل وحركه بالتجمع والله يعطيكم العافيه

لرفع وين البنات وكيف صارو اطفالكم

هلا بك والله يالدانه في هالتجمع اللي مافيه احد
انا بنتي جلست بالحضانه 4 شهور وزيادة
وسوو لها عمليه بعيونها بس مو ليزر عطوها ابر
يقولون احدث من الليزر واقل خطوره ومضاعفات باذن الله
تصدقين لها من طلعت تقريبا شهرين وكل اسبوع لها موعد للعيون
يتطمنون عليها ويشوفون اخر التطورات اللي صارت لها
الله يخلي لك هالبنوته يالدانه وتشوفينها عروس وبنيتي وجميع الخديجات

هلا فيكم بنااااات من زمااان عنكم كيف الحلوين اللي يذكرني انا بنتي حمدلله كثيرا مافيها الا العافيه بس نحييفه مره وطولها زيين وطبيعيه جدا لله الشكر والثناء طبعا مشت تقريبا سنه و3 اشهر من الولاده يعني تقريبا سنه من المعدل الان عمرها سنه و8 اشهر اللي مايعرفني انا ولدت بنتي على 25 اسبوع بعني اسبوعين في السادس على وزن 700 قعدت في الحضانه 3 اشهر تقريبا سبب الولاده انفجار كيس موية الجنين ولدت قيصري لان مافيه طلق والرحم مسكر المضعافات اللي حصلت لها في الحضانه التهاب في الرئه او الدم نسيت بس حمدلله عدت على خير ونقلوا لها دم لان جاء عندها نقص خفيف بالهموقلبين وكان احتياط بس اتمنى افدكم وصيتي اللي دايم وكلوا امركم لله ولاتنقلقون لان الامر كله خيره للمؤمن ان عاش الطفل او مات

الحمد لله على كل الاحوال
الله يشفي اطفالكم و يقر عينكم بهم