السلااام عليكم جميعااااا

هلا والله باحلى تجمع وان شاءالله تجمع الخير والبشاير الحلوووه
انا كنت في التجمع اللي قبل مادري يمكن نسيتووووني
انا جبت بنت على 25اسبوووع بوزن 700 جرام وقعدت في الحضااانه شهرين و25 يوم وطلعت بوزن 1850 جرام بقوولكم على اللي صاار معي عشاان تستفيدوون واجااوب من خلالها على بعض استفسارات البنات بالنسبه لبنتي يوم كانت في الحضاانه اخذت شهر وهي على التنفس الصناعي ومااازادت الا نقصت من600 الى 650 ماتعدااها ويوم سالت الدكتور قال ماتزيد الا لما نشيل التنفس الصنااعي ولما شااالوه حمد لله بدت تزيد وبالنسبه للمضاعفات جاها التهاب في الرئه وبالمضادات الحيويه وحمدلله تعدت وجاها نقص بالهموجلوبين ونقلوا لها دم ولما طلعتها قالي الدكتور ارضعيها كل ساااعتين 60 او50 بس بنتي ابد مااترضع اكثر من 30 وصرت كل سااعه الى ساعه ونص 30 يمكن شهرين وبعدين الان ارضعه كل ساعتين 60 وصايره احاول ارفع ل90 ورضاعته بطيئه يعني لازم صبر حمد لله ماتشرق بس اخذت فتره اذا كحت تستفرغ ويمكن برد لان معها رشح المهم حليبه بري نان للخدج وكاان معها مسااك الله لايوريك لان صارت تجرح ويطلع شوي دم ورحت اطعمها حقت شهرين وعطاني الدكتور فيتامين بيبي فيت ثم الله لايوريكم ماترضع بنتي الا استفرغت واخذت اسبوع وهي كذا احسبه برد يوم فكرت انه ماصار لها كذا الا لما اخذت الفيتامين بعدين وقفته وبهدها معاد استفرغت طلع قوي عليها المهم باقي مشكلت الامسااك قلت بغير الحليب وغيرته نان 1 واحس حمد لله بنتي ارتاحت عليه معاد فيها امسااك وصرت لي اسبوع اعطيها حلبه مع حبة تمره والحمد لله احسها مرتااحه احس الحليب حق الخدج كان ثقيل مره عليها بنتي اللحين عمرها من ولادتها 6شهور ونص وعمرها المعدل 3 شهور طبعا شكلها صغير بس تطول ماتعرض ياقلبي حركاتها تعرف تضحك وتناااغي وتصايح بعض الحيان توقف بس ثواني ماتطول تتلفت بس باقي ماتميز الصوت وين جهته وتحاول لها اسبوعين تمص اصابعها وكانت تحط ايدها في عينها وتمص وتصيح ماتعرف توجه زين والحين لها ايام عرفت طريق فمها بس تحط يدينها اثنتين وتشبكهم وكل يد ادف الثااانيه وتقعد تصيح الله يحفظها لي ويحفظ لكم نونواااتكم

مشكورة ابرار ع ذكر تجربتك

بس فيه اسأله تدور بالي رضاعة كل ساعتين ع مدار اربع وعشرين ساعة ماحسيتي بتعب معها كيف تنامين

كيفك مع الاختلاط بالناس والخروح فيها برا البيت

ليش الناس تتخوف من التنفس الصناعي

ومشكورة حبيبتي مرة ثانية

العفو ياغاليه
بالنسبه للرضاعه مانكر عليك اني اخذت اسبوع وانا فرحانه فيها وماحسيت بس بعد الاسبووع احس اني ارهقت ومليييت وكانت حتى وانا نايمه تصحيني ورضعه وبعدها صراحه صرت اخلي الشغاله تسااعدني ووهي ياقلبي معاد تصحيني زي اول لا تنااام 6 ساعات ماترضع وصرت بعده اسهر معها اعشان ارضعه الى 2 وانام واقوم 4ونص او5 ورضعها بعدين انام وخلي الشغاله تستلمها ترضعها عندي طبعا وانا نااايمه لان والله تعب لاني متعوده على عيالي قبل ارضعهم صدري ومايتعبووني بالنسبه للاختلاااط ماطلع الا لاهلي وبالنسبه ليش الناااس تخووف من التنفس الصنااعي على اسمه صناااعي موطبيعي ولخدج معنااته مااكتملت الرئه وصارت قاادره على التنفس لان اول مااايدروون ان عندك ولاده مبكره يعطوونك ابره لانعاااش الرئه عشاان مااتصير عنده مشاكل في التنفس وانا الحمدلله اخذتها قبل اولادتي بيومين

اناولدتها ع 34 اسبوع واخذه ابرة الرئة ومأحتاجت تنفس بس بعد ماطلعتها تعب صدرهاورجعوه لها

لما كانت معي ماكانت تصحي ولاتستجيب للرضاعة هذا اللي ضيق صدري اكثر من التعب طبعا اتعبت لانها ماكانت ترضع وجاهاجفاف مدري متى تكون قادرة ع الرضاعة بالبيت

لاتتخوفين من التنفس الصناعي لولا الله ثم هو ماعاشوا الخدج بس هم قصدهم يخافون من انقطاع التنفس لانه مساعد له وانا ولدي انقطع عنه ٣ مرات بس ينعشونه بسرعه ومايضر بس لو طول منقطع هذا له ضرر لذلك لازم ينعش باسرع وقت والشي الثاني الاكسجين جدا ضروري للخديج لو يحطونه على اخر نسبه لان نقص الاكسجين مضر ولتفادي هالشي المفروض مايشيلون الاكسجين بسرعه


ابرار الاميره

ماشاءالله الحمدلله على سلامتها وتتربى بعزك نفس عمر ولدي بالضبط ممكن اسألك كم سؤال

كم وزنها الان
كم طولها
كم محيط راسها