جزاك الله خير بس بنات انتوا مثلي الحركة متعبنني  تحت وانا بالسابع الاسبوع اللي فان مريحه ارتفعت الحركة فوق شوي بس الأسبوع هذا تحت وحاسه بشد مو مرتاحه ومتى بالعاده يفكوا الربط يارب تمم علي وعلى الجميع بخير يااارب 

انا اخر اسبوع في السابع وزيك الحركة تحت تضايق تحسي يرفس المثانه وتضطري تروحي الحمام الله يكرمك :angry:

وبدت شويا تتغير مره تحت ومره عالجنب :blink:


فك الربط دايما اسأل السؤال دا ويجاوبوني وانسى الجواب :biggrin:

صبااااح الخير ..
وكل عام وانتم بألف خير ..,
والله يتمم علينا حملنا ويثبته ياااارب ونلد بكل صحه وعافيه ..,

مجبوس ::// كلامك حلوووو ويريح ., والمفروض نفوض امرنا لله ونعيش حياتنا ..,
ويااارب يقوم ولدك بالسلامه ويشافيه ..,

نور//// الف الف الف الف الحمدلله على السلامه
والف مبرووووك وتتربى بعزكـ ..

والله حتى انا ماطلعت ولا شي قاعدين انا وبنيتي على التلفزيون والنت والالعاب .., ووبس
واحس بطفش بس يلا مابقي شي ..
وحتى انا ياجوود في نهاية السابع واحس بضغط تحت مررره وكأن شي بينزل ومو مرتاحه ..,
ورحت قبل اسبوع للدكتوره وقالت موية الجنين ناقصة شوي وماتخافيش ..,
عاد عندي موعد بعد خمس ايام وبروح اشووووف ., وقريت في النت انو لازم تكثرين شرب ماء وكثرت وبشوف ان شاء الله .., وضربت ابرة الرئه قبل كم يوم ., والحمدلله على كل حااااال ..,

فك الربط في نهاية الاسبوع 37 ..

حملي الاول كنت محبوسه ولا اخرج ولااشوف احد ولا اتمشى وكانت الايام قاتله وبطيئة والوسواس عالي .. مافي درج مافي جماع مافي تربيع ع الارض مافي مشي طويل مافي وقوف طويل ما اسوي شي بالبيت ما اشيل ثقيل ما اشرب نعناع ولا اكل شي فيه قرفه او عويدي اللي هو مسمار او قرنفل.. 

هذا الحمل قضيت بدايته لين السابع بين اهلي وبيتي .. ماجلست كل المده عند اهلي ولا كلها ف بيتي .. اذا حسيت ارهاق ومااقدر ارتاح اروح لاهلي اريح اسبوعين عشره ايام وارجع بيتي اسبوعين عشره ايام وارجع لاهلي وهكذا .. الحمد لله اخرج واروح واجي بس باعتدال ولو حسيت بتعب اريح ع طوول واحط تحت مقعدتي مخده كبيره احس  البيبي يرتفع مره .. فيه مرات حسيت بنزول وخروج الخيط من المهبل لانها مطولته ولاني كمان كنت اشتغل واوقف كثير وكان هذا في رمضان وكنت فالسادس وبعدها رحت اهلي ريحت اسبوعين وصرت تمام .. لما انتصفت السابع صرت اخذ راحتي شوي بالمشي الروحه والجيه اطلع السوق اروح مناسبات اطلع درج .. 
الجماع مرات محدوده كل عشره ايام .. احيانا مرتين فالشهر واحيانا يمر شهر مافي شي .. 

كل وحده تعرف نفسهاوتعرف جسمها .. واول ربط انصح بالراحه التامه افضل حتى تجربين نفسك .. 

حملي الاول داومت من اول السادس لين التاسع بس كنت انسدح بغرفة المعلماات واشرح جالسه .. في هذا الحمل اخذت اجازة من اول الحمل لان جاني نزيف لين بداية السنه الجديده كنت نهاية  السابع داومت عادي لين اجازة الحج الحين انا في التاسع الحمدلله .. 

اشرب نعناع واكل سينابون فيه قرفه بس ما اكثر.. 

استخدمت ابر تثبيت من اول الحمل بعد النزيف لين الشهر السادس كل اسبوع ابرة وكل يوم سايكلوجيست .. اذا سويت مجهود زايد كنت استخدم تحميلتين فاليوم ..

دائما استودع حملي الله .. كل صبح وكل مساء مع الاذكار ادعي ادعية الحنل وحفظ الجنين .. دائما اردد اللهم يامن امسكت السماء ان تقع ع الارض وهي بلا عمد امسك مافي رحمي واتمم له على خير .. اللهم يا رافع السماء بلا عمد ويا باسط الارض بلا وتد ارفع رحمي وثبت حملي وتممه على خير .. 

كلما بغيت اسوي شي او اروح مشوار غير ضروري  اصلي صلاة الاستخاره .. والحمدلله تيسرررت  ..

هذا ملخص تجربتي اتمنى تستفيدوا منه .. واللي صار لي مو شرط يصير لكم .. كل وحده ادرى بنفسها وجسمهايختلف عن الثانيه .. 

مجبوس الله يطلعه بالسلامةةةةة


ماقلتي كم اوزانهم؟