مبرووووك اخت البرنسيسة على البنوته والله يخليها لك
أخت شموع الاملاح في البول تسبب فك الربط؟
 انا معايه املاح بالبول اذا شربت ماء كثير احس اني احسن سألت دكتورتي قبل يومين وسألت الدكتوره في المستشفى الي ابسوي العمليه فيه عن املاح البول قالوا لي مامنها مضره ....انا سبب الربط انه عندي الرحم ذو القرنين وسويت سونار قالوا عنق الرحم قصير وعدت سويت تصوير لطول عنق الرحم عن طريق المهبل وطلع الحمد لله سليم ..الحمد لله على كل حال. ..بيسوون لي العمليه احتياطا لان فيه ناس عندها الرحم ذو القرنين ويحملوا عادي
ابسألك كيف ينفك الربط ؟؟؟؟ 
لان الدكتور امس قال لي فيه حالات مايفيد معاها الربط حتى مع الربط يولدوا ولاده مبكره بس على السابع ..وقال إذا جاك طلق على السابع معناه ماراح نسوي لك ربط مره ثانيه ..اما اذا وصلتي للتاسع راح نربط بكل حمل عشان توصلي في كل حمل للتاسع .والله كريم

السلام عليكم ورحمة الله وبركاته

كيف حالكم رابطات ؟؟ كيف الوسوسه معاكم ؟ شكلها للآن متمكنه منكم ..
نور الدنيا .. م برنسيس .. مبروك المواليد والله يطرح فيهم البركه :)

الحمدلله ولدي طلع من العنايه وارتاح قلبي وتطمنت عليه .. وانا الحين نفاس في بيتي .. قعدت عند امي 4 ايام وماقدرت اقعد اكثر لآني تعبانه وأبي ارتاح في بيتي .. الحمدلله على كل شي .. الاكتئاب اذبحني دائماً ابكي ومالي خلق شي كرهت عيالي وزوجي وأهلي ودائما أفكر بأشياء مب زينه .. سورة البقره اشغلها من الصبح في البيت واخليها لليل .. ما أحب احد يزورني وإذا جاو ما اطلع لهم .. اختي تتحجج لهم بأي شي .. النوم ما أنام :( وقتي كله مع الصغار ارضع واحد وأبدله وانيمه بعدها أمسك الثاني وعلى ما اخلص منه يكون وقت رضاعة الاول .. نظامي معتفس أنام في اليوم 3 ساعات بس .. الصداع وألم الجسم مستمر هذا غير العمليه هذي خلها على جنب :(
أنا كل يوم ادخل التجمع اتطمن عليكم لكن ما اكتب مشاركه :( 
الحين شفت ان اليهال ناموا كلهم الكبار والصغار قلت ادخل اتطمن عليكم واكتب لكم قصة ولادتي .. أخاف اني ما ألقى وقت مثل هالوقت ..

قصة ولادتي :

هذا يا طويلات العمر .. اذكر أني كنت أقولكم في اخر مشاركاتي قبل الولاده كنت اشكي لكم ان عندي آلآم شبه يوميه .. في يوم الجمعه 10/11 قعدت الصبح كالعادة وأخذت إبرة الإنسولين وأفطرت .. ولاحظت أني كنت خفيفه !! مافيني الم نفس كل يوم ولا صداع !! قلت الحمدلله مابي أحيد نفسي :)
لكن لاحظت أنا وزوجي ان ولدي كردش في هاليوم يصيح وايد ومزاجه متعكر :(
وانا اذا حد مرض من عيالي أمرض معاه من الضيق اكره أشوف الطفل مريض .. عطيته أدول قلت اذا فيه الم يخف .. قال زوجي كأنه كردش مصخّن !! هنيه أنا تعومست وبديت أضيق مزاجي تعكر وبديت اوسوس خفت ان يمرض مرض شديد وانا احتمال أولد في اي لحظه وعيالي متعودين علي مايبون خالاتهم .. على الساعه تسع أخذهم أبوهم قال باوديهم البقالة قبل الصلاه يمكن يسكت كردش ويعتدل مزاجه !! 
وجلست في البيت بروحي قلت خل أشوف التلفزيون شوي .. وفجأة حسيت مثل تيار كهربائي في ظهري .. ما درت له بال لانه دائماً يجيني .. شوي وحسيت فيه مره ثانيه .. وثالثه .. ورابعه ..!!
وبديت احس بألم خفيف مثل الم الدوره .. قلت هذي نفس كل يوم خل أقوم أسبح بماي دافئ عشان يخف وأكون جاهزه حق صلاة الجمعه :) وقلت للخدامه تشب فحم لان في خاطري اتبخر على عادة قبل الحمل :) وانا في الحمام حسيت بحركه غريبه في بطني جنه الاجنه تحوس بقوّه داخل!!
اول ما طلعت من باب الحمام لقيت زوجي في وجهي يقول شفيك !! وجهك متغير !! قلت احس بألم وفيني شي مش طبيعي باروح الطوارئ ..
كلمت اختي ورحنا .. دخلت لقيت زحمه مش طبيعية :( لكني بالصراخ دخلت قبل الناس .. قتلهم أنا معاي طلق وانا رابطه .. دخلت عند دكتوره سودانية شايفه نفسها ومصدقه عمرها ابو العرّيف .. ولا تقول لازم اكشف قلت مشّي بوزك مافي فحص .. حطي تخطيط اذا طلق افحصي اما غيره لا ..
ولقوا معاي طلق :( واكلم دكتوري ولا الصدمة :(
يعطيني خط خارجي ويرد علي ولا هو رايح بلاده يعيد :( 
واتصل حق دكتور الحكومي ولا يقولون لي الممرضات هو رايح الحج :(
حسيت ان الأبواب تسكرت في وجهي من كل صوب ..
ويدخلوني غرفة الولاده .،، واسمع الحريم يصارخون .. وانا حاطين لي التخطيط ومخليني اخر وحده وانا قيصري ولازم تمر 6 ساعات على اخر وجبه قبل لا ادخل العمليات وهم يقولون يمكن يروح الطلق مع المغذي اللي حاطينه لك .. وانا على السرير فكري مع كردش المريض :( احاتيه وضايق صدري وأبكي .. وأفكر في اللي جايين شبيصير عليهم ومن الدكتور اللي بيسوي لي العمليه .. واسأل الممرضات من الاستشاري الموجود تقول مافيه استشاري اليوم !! وانفجر فيها قلت يالكذابه لازم في استشاري .. شايفتني من ربعج ما افهم !! 
افتشلت لآني صدتها وتقول لا هو بس للحالات الطارئة !! قتلها يالعنز وانا شنو !! حامل بتوأم وثاني قيصرية وعندي سكر وهذا ثالث حمل توأم لي .. شتنطرين !! وبديت اهستر واصارخ عليهم خافوا لما شافوني معصبه وراحت تركض تناديه .. ودخل وكانت المفاجأة !!!!!!

دكتوري مال الحكومي اللي أتابع معاه!!! اول ما شافني انصدم !! يقول مجبوس !! هذا انتي !! ليه ما قالولي !! أنا حسيت براحه يوم شفته قتله اتصلت ويعطيني مغلق وقالو لي انك رايح الحج !! طلعت السالفة انهم خربطو يوم قتلهم اسمه هم ظنو واحد ثاني .. مع اني أشك في صدقهم ..

كنت في الأسبوع 34 و6 ايام يعني باقي 4 ايام والخامس ادخل التاسع .. 
جاتني دكتورة التخدير .. قالولي بريطانيه .. طلعت هندية عندها جواز :( وقعدت تهذر وتتفلسف وانا مالي خلقها مارتحت لها قتلها أنا بأخذ بنج نصفي لكن ابغي منوم مابي اشوفكم وهي تقول خطر ولا ويأثر على البيبي .. كلمه مني وكلمه منها لوعت جبدي الثوره .. قتلها اخر كلام عندي يا نصفي مع منوم او بنج كامل .. قلبي وجهك وطلعي بدت تتحلطم وانا طناش لها

دخلوني العمليات وتجيني ام الركب من الخوف ... قالولي اجلسي للابره وعطوني مخده اتكي عليها وتجي الهبله تحاول تعطيني الابره ... تضربني 4 مرات ولا تدخل الابره !!!! بغيت أموت من الألم وكل ماسألت خلصتي تقول لا !! انتي متينه وصعب ندخل الابره !!!!! في المره الخامسة انفجرت فيهم قلت يا ان هالهبله تنتبه ولا عطوني بنج كامل ذبحني ظهري من الألم!!! ولا تقول متينه هي ثوره ماتعرف هذي رابع مره أخذ إبرة الظهر وكلهم من اول محاوله تدخل !! بعد موت عرفت تضربني وبديت احس مثل النمل في رجلي وهم يقولون لي يله بسرعه ارجعي على ورا نامي على ظهرك قبل لا تتتخدر رجلك .. شفت الدنيا تدور وبغيت اطيح من طاولة العمليات وبديت اصارخ اقولهم الدنيا تدور باطيح وهم يركضون يشوفون شالسالفه طلعت الهبله ما انتظرتني اعتدل على طول أحقنت المنوم في المغذي !! سمعت الدكتور يهاوشها وأنا أغيب عن الوعي .. وعيت وهم يكلمني ويقولون شوفي هذا الولد وهذي البنت .. وانا اصارخ أنادي ولدي كردش وأبكي .. 
لما طلعت ودوني العنايه جاتني رعشه غير طبيعية حتى زوجي وخواتي خافوا والممرضات بعد .. نادوا الدكتور والعله مالت البنج قامت تتعذر وتقول هذا من البنج بكره بيروح !!! 
الم القيصرية الثانيه نفس الأولي الفرق بينهم انك تعرفي تتصرفي .. وبس !!
والحمد لله البنت طلعت معاي والولد احتاج جهاز التنفس لمدة يومين وبعدها طلعت سالفة انه ما يرضع !! بغيت أنجن .. كيف طفل ما يمص المرضعة !! حطوا له واير في خشمه وكانت اكره 6 ايام مروا علي .. كل شوي جالي دكتور يقول بن حوله على عيادة التغذية ويعملوله علاج فيزيائي وكلام يخوف .. صيحة الناس وعيون الحساد جات فيه .. دخلت مره عليه العنايه لقيتهم حاطينه تحت اللمبه وقالوا فيه بؤ صفار شديد لانه ما يرضع !! وهذي الأسباب اللي خلت الاكتئاب يجيني .. الحمدلله هو الحين عندي وانا معاه ارضعه وأشوف انه أحسن وكل يوم احصنهم هم وإخوانهم 

أدعو لي رابطات .. الناس صايحه فيني يقولون هذي سنين ما تحمل والحين كل حمل توأم !! نسوا ان هالسنين من عمري وصحتي وكلها محاولات أنابيب فاشله !! حتى الممرضات في المستشفى يتكلمون كل ما جاتني وحده تقول لزميلتها هذي المريضة اللي ما تحمل الا بتوأم !!! 

ماشاء الله تبارك الله ..
ياعيني عليكي مجبوووووووووووووووس ... حبيتك وانا مو من زمااااااان معاكم ربي يحفظ عيالك ومبروك ثاني واكشن ولادتك قعدت اضحك وانا اقراها دمك عسل ماشاء الله عليكي هههههههههههههه حمد الله انه ربي يسرلك وجاكي دكتورك اخص شيء ساعة الولاده ماتلاقي دكتورك انا هلكت دكتوري كل مااروحله اقوله انت اللي تولدني مو يادكتور هههههههههههههه

ومبرووووووووووك لكل وحده ولدت وقامت بالسلامه حمد الله على سلامتكم
ويارب ييسر امور الرابطات ويسهل ولادتكم وولادتي يارب


اما عن اخباري انا مو كان الدكتور ناوي يربطلي وانا في الاسبوع 24 المهم استخرت وكلمت دكتوري قلتله انا مني مرتاحه خايفه تجيني ولاده مبكره فقال طيب ريحي 10الايام دا واشوفك بعد العيد رحتله موعدي يوم الاحد حمد الله سولي الاتراساوند مهبلي الفتح اللي في بداية عنق الرحم من فوق قفل وطوله صار من 2.4 سم 2.66 سم وقال امورك كويسه كدا تستمري على الرااااااحه تامه وتجيني بعد 3 اسابيع اكون دخلت 28 اسبوع وكنسلنا موضوع الربط الحمد الله ياااارب


يارب يعدي الايام الجايه على خير ويقر عيوننا باطفالنا ...

انا حملت مرتين وسقطت الحمدلله ع كل حال


فقالت الدكتوره لازم اذا حملتي تاخذي ابر وسبيرين لسيولة الدم وتربطي

الله يرزقني بحمل معافى عاجلا يارب

بسالكم بنات عن ابر لتخثر الدم تنفع مع الربط وشلون وضعكم مع الربط تجلسوا عادي وتناموا عادي لاني خايفه منه:icon33:

الف الف الف مبروووووك اختي مجبوس ونور الفيصل ونور الدنيا يا امي وام برنسيس الحمد لله على سلامتكم وسلامة البيبيات والله يجعلهم ذرية صالحة

اختي مجبوس الله يبارك لك في عيالك ويحفظهم من كل شر حصنيهم واستودعيهم الله يا اختي وش نسوي بهالبشر الرازق في السماء والحاسد في الارض
شوفيني ما خلصت نفاس وقلبي محروق على ولدي وعيونهم شغالة وكل وحدة تقول كلام زي السم ونصايح محد في حاجتها لا تحملين انتبهي خلاص كفاية حمل ما تعبتي من الاسقاطات والي تقول بطلي حمل وكفاية بنتك بلا جنان والي تقول اجلسي خمس ولا ست سنوات ياليت العمر يسمح مادريوا ان عمري 33