كوبونات الراقية تسجيل الدخول

امـ الحور
امـ الحور •
صادقه جسمي حييل صغير..
اللهم امين
واسئل الله ان يرزقك ربي ب اخ لدنو
هندالقصيم
هندالقصيم •
ستار الكعبه ستار الكعبه :
بنات بسألكم عن ي موعد مع الدكتوره يوم الثلاثا الجاي عشان تسوي لي اشاعه وتحدديوم العمليه ونسيت اسألها متي اوقف حبوب الاسبرين يعني انتم اذا سويتو الاشاعه متي تصير العمليه يعني بعدها بيوم او يومين الله يعطيكم العافيه ماودي اروح للمستشفى 
بنات بسألكم عن ي موعد مع الدكتوره يوم الثلاثا الجاي عشان تسوي لي اشاعه وتحدديوم العمليه ونسيت...
اختي وقفي الاسبرين قبل موعدك بيومين

لانه اذا انتي راح تدخلي او تخلصي الاسبوع

الثاني عشر راح تحولك ترقيد وتسوين عمليه

وممكن تاخذي معك اغراضك ملابس للاحتياط

لانه الاشاعه راح تشوف وضعك وضع الجنين

وفي اي اسبوع .. واذا باقي لك ايام وتدخلي

الاسبوع الثاني عشر وضعك جيدراح تعطيك

موعد محدد للعمليه ..

انا اذكر عطتني موعد وقالت جيبي اغراضك

معكلانه بعد ماشوفك راح احولك ترقيد

لانك راح تكوني مخلصه الاسبوع الثاني عشر..

وترقدت وسويتها من بكرا ..

والله يكتبلك فيه الخير ويتمم عليك بخير ..
هايدي المجنونة
هايدي المجنونة •
ن~فيصل~ور ن~فيصل~ور :
مجبوس حبيبتي ياحبيلك ويا حلو حجيك .. الشكوى لله على النفسيه والطفش احيانا والله بلا مقدمات تجيني ضيقه واصيح غير انه على قولتك يالله اذا رحت بيت اهلي مافيه طلعات بس نعمه خواتي فيه نجتمع احيانا انتي حاولي اذا عندك صديقات مقربات تعزمينهم عندك على جلسه حلوة تغيرين فيها جو انا ميييييته ابي الناس بس عشان ماعندي شغاله مااقدر اصير كريمه واعزم والعالم موب فاضية لي لكن ربي يسهلها... جنة القمرين حياك حبيبتي معنا وربي يتمم لك على خير .. عيون حورية ياقلبي الله يعوضك خير ويتمم لك ويرزقك بالتوأم السليم المعافى .. امي سر سعادتي ياقلبي سلامتك الله يكتب لك الشفا والعافيه ويتمم لك على خير انتبهي لنفسك.. انتي بالكم حبيبتي وش سبب النزيف؟؟!
مجبوس حبيبتي ياحبيلك ويا حلو حجيك .. الشكوى لله على النفسيه والطفش احيانا والله بلا مقدمات تجيني...
اخواتي الرابطات انا كنت معكم قبل ثلاث سنين بس الله ماكتب سقط الجنين من فوق ربط طبعا ماخليت ولاتركت مستشفى الا رحت طبي لايوجد مشكله المهم قلت خلاص برحو اجرب عند شيخ رحت طلع عندي قرنيه هي سبب الاسقاط المهم الاحين حامل اتابع عند شيخ والاحين دخلت رابع الحمدلله حملي مستقر مع الشيخ الفضل لله ثم متابعتي مع شيخ بس سوال. رحت مستشفى بنسوي لك ربط انا بصراحه مو مرتاحه. اني اسوي المهم اليوم قررت ارحو الخاص اشوف اذا رحم مفتوح بتوكل على الله واسوي رحت طبعا قالت لي ماتحتاجي رحم كويس تمام بس استمري على مثبات والراحه توكلي على الله 
من أكون !!!
من أكون !!! •
السلام عليكم ورحمة الله
أهلين بنوتات يا جميلات اخباركم ؟؟
ربي يسهل عليكم ان شاء الله

بناات بسألكم من قد جاها قصر في عنق الرحم بسبب الإجهاض ؟

ويا بنات يعني سؤال محرج شوي ، بس كيف أزواجكم معكم والجماع ممنوع ؟
عادي والا النفسية تتغير ؟

انا مريت بولادتين مبكرة الأول في الأسبوع ١٨ وتوفى ، والثاني في الأسبوع الثلاثين وجلس في الحضانة شهر كامل والحمدلله الحين طيب وبخير

والله قصتي قصة ويوم قريت قصص كم تحمست اقول كم واستفيد من خبرتكم
بس ان شاء الله اذا فضيت قلت لكم
من أكون !!!
من أكون !!! •
يا بنات بقولكم قصتي وانتم وش رأيكم 
هل اسوي ربط في حملي الجاي والا لا ؟ 
ترى قصتي طوييييييلة فشدوا حيلكم ��

اول شي انا اهلي في الرياض و انا و زوجي ساكنة في قرية تبعد عن الرياض ساعتين

انا عندي تكيسات ومن اول شهر زواج وانا اعالج والحمدلله حملت بعد ١١ شهر وكان حملي تمام وكلش عادي
يوم سرت في الثالث وبجهل مني رحت طلعت فوق دالوب المطبخ باخذ غرض ثم قفزت للأرض << حركة مرره قوية انا بالعادة اخاف اسويها بدون حمل ما ادري كيف جتني الجرئة &#55357;&#56877;
المهم من بكرة جا معي مغص قووووي ودم ولما رحت للمستشفى قالت لي الدكتورة معاك انفصال في المشيمة و هزئتني تهزييييئ &#55357;&#56866;
جلست في المستشفى اسبوع ثم رحت لبيت اهلي وجلست ٢٠ يوم كنت طول الوقت مرتااااحة ثم رجعت لبيتي ورحت لدكتورتي اللي في القرية وكشفت علي قالت خلاص وضعك اوكي وارجعي مارسي حياتك عادي 
قلت لها حتى الجماع قالت اي ، قلت لها أني اشوف افرازات لونها اخضر وفيها ريحة قالت لا عادي طبيعي مع الحمل &#55357;&#56850; 
وانا كنت توي ما اعرف شي 
المهم رجعت لبيتي و سارت حياتي عادية 
بعد يومين سار جماع ، وبعد سااعة بس كنت جالسة على الكنب ولما وقفت فجأة وبدووون اي الم نزلت كل المويات !!!!! وقسم يا بنات أني بغيت انجن !! وش هذا !! ليه !! 
والغريب ان المويات كان لونها اخضر وفيها قطع زي العشب 
المهم وطياران للمستشفى << طبعا مستشفى القرية اللي انا فيها &#55357;&#56850;&#55357;&#56850;
المهم يوم  كشفت علي قالت ان الموية انتهت من الجنين وان لازم نجهضه
قلت طيب حرام فيه نبض هو لسه عايش
قالت اصلا الرحم راح يرفضه بعد كم يوم ويمكن يجيك تسمم في الرحم بسبب ان عندك التهابات شديدة و قرحة في عنق الرحم وهي اللي تسببت بأن الكيس انفتح
<< مع أني جايتها قبل ثلاث ايام وتقولي افرازات طبيعية حسبي الله عليها 
لكن ما كان معاي اي طلق او الم ولما فحصت عنق الرحم كان مفتوح بس نص سم 
المهم كتبوا لي تنويم عشان ينتظرون ٢٤ ساعة ان جاني طلق او عطوني طلق صناعي
وبصراحة كان المفترض امشي للرياض واولد هناك بدل البهذلة اللي سارت لي بس يلا قضاء الله وقدرة 
المهم تميت ٢٤ ساعة والوضع نفسه ما تغير قامت الساعة ٩ الصباح اعطتني طلق صناعي في المهبل وفي الوريد وبدت معاي طلوق بس مو قوية ، ولما جت الساعة ١١ جت وكشفت علي سار ١،٥ بس فعطتني جرعة ثانية بس كانت مررره قوية 
لإني بعدها على طول سارت الطلوق فضيييييعة وبغيت امووووت من الألم
وعلى الساعة ١٢ الظهر فجأة سار معاي نزييييف بشكل مؤ طبيعي سارت تطلع مني قطع مررره كبيرة حتى حسبتها البيبي تقطع 
<< على فكره كل هذا في غرفة التنويم مؤ غرفة الولادة 
المهم استمريت انزفت وقت طويل وجت الدكتورة بعد وقت من بداية النزيف و راحت قالت لهم جيبوا كرسي متحرك << تخيلوا وانا كذا وضعي نزيف يروع وطلوق تطلع الروح وتنقلني بكرسي متحرك !!! 
المهم انا من نقص الدم سرت كل شوي افقد الوعي وكل ما فقدت الوعي حطوا علي أكسجين ويرجع وعيي شوي بعد افقده ثانية
ودتني لغرفة الفحص و كشفت علي وقالت ان المشيمة من قوة الطلوق تقطعت عشان كذا جاني النزيف 
والمشكلة كل هذا وما انفتح الا ٣ سم بس
رجعتني لغرفة التنويم وانا بموووووت والنزيف مستمر ما وقف يوم جت الساعة ٢ الظهر جت وكشفت علي قالت سار ٥ سم 
يعني شفتوا كيف مررره متدبس بالموت يفتح على شوي شوي
وانا سارت حالتي موب طبيعية بسبب نقصان الدم قالت خلاص لازم تولدين الحين حتى لو ما فتح كله مؤ لازم
يلا ادفعي واجلس ادفع بكل حيلي وما طاع يطلع 
راحت هالدكتورة الزفت ودخلت يدها جوا وسحبت البيبي بقوووة !!!!!
متخيلين حجم الألم والبهذلة !!!
وكل هذا في غرفة التنويم !!!
والله مؤ دكتورة هذي ، شكلها كانت تشتغل بياعة لحم وجابوها عندنا &#55357;&#56867;&#55357;&#56867;
بعدها جلست الين الساعة ٤ العصر والنزيف مستمر والطلوق برضوا مستمرة لأن في قطع باقية من المشيمة 
وبعد ما طفشت قالت خلاص بسوي لك تنظيف وسووا لي عملية تنظيف والحمدلله ارتحت كثيير بعدها وجلست في المستشفى يومين عشان يسعفوني بالدم 
طبعا لا تسألوني عن مدى التأثر النفسي اللي جاني والإكتئاب بس الحمدلله ان شاء الله شفيع لي يوم القيامة 

بعد ولادتي بـ شهرين بديت اعالج مره ثانية 
ويارب لك الحمد حملت بسرعة وسهولة مقارنة بالمرة الأولى ،، حملي كان في رمضان وكان موعد الدورة ثاني العيد لكنها تأخرت وفي يوم رابع العيد كان فيه حفل في بيت اعمامي وكنت جالسة امشي وما ادري كيف و اطيح طيحة قشرا مرره &#55357;&#56867;&#55357;&#56867;
عاد ما ادري هل هي سبب مشكلتي او لا
المهم بعد ما تأخرت ١٠ أيام حللت وطلعت حامل والحمدلله 
لكن كان فيه شي غريب كان حوظي يتوسع بشكل ملحوظ من يومي في الشهر الثاني
حتى كل اللي يشوفوني يقولون لي ليه سامنة ؟؟ مع أني انحف مع الوحم << للعلم يوم أولد ولدي الأول كنت في الخامس ومع ذلك ما تغير جسمي ابد حتى بطني ما انتفخ وهذا شي وراثي عندنا . 
المهم كنت مررره خايفة من كل شي 
لذلك كنت مانعة زوجي من الجماع بشكل نهائي وهو كان معي في هالقرار ، لكن ما ادري ليه صار مرره نفسية و على كلش يزعل ، واذا قلت له عشان الجماع يقول لا انت سرت تنرفزيني ،، المهم ذاك الحمال راح كله هوشات مع زوجي &#55357;&#56882; الحمدلله والشكر بس 
وكنت اراجع عند دكتورة مدحوها لي كثير في الرياض في مستوصف خاص و في نفس الوقت اراجع في المستشفى الحكومي اللي في القرية عشان استفيد من التحاليل و المسحات والأدوية ببلاش ✌✌
وسرت اسوي مسحه للمهبل كل شهر وفحص لعنق الرحم وكانوا يقولون كلش تمام
المهم يوم سرت في الأسبوع ١٢ قالت لي الدكتورة ان البيبي نازل مرره تحت في الحوض وسألتني انت توقفين كثير او انت موظفة قلت لا  قالت اجل نومي كثير على جنبك الأيسر وبطلي شغل بيت او اي شي من السرير للحمام وبس 
وسرت كثير أنام بس كنت اطلع واروح ازور واشتغل في البيت و اروح لأهلي كل اسبوعين  واجلس عندهم يومين وارجع << الطريق ساعتين 
ولما سرت في الأسبوع ١٦ قالت لي الدكتورة ان عنق الرحم بدى يقصر بسبب ظغط الجنين وقالت لي انه مقعدي
وسرت كل ما اروح للموعد تقولي ان جالس يقصر اكثر 
وكان ولدي لما يتحرك يألمني بشكل مؤ طبيعي احسه يظرب العظم على طول ، حتى احيانا اخاف ان رجله تطلع
وكانت معاي افرازات يالطيييييف بس الحمدلله كانت سليمة 
المهم لما وصلت الأسبوع ٢٦ كنت في الرياض ورحت مع اخوي لمشوار وسبحان الله جانا حادث بسيط بس سارت هزه قوية شوي في السيارة وما حسيت بأي الم ولا نزلت معي اي موية او شي 
اخوي بغى يمووت من الروعة وقال لازم تروحين للمستشفى قلت له لا. عادي ما جاني شي بس هو أصر واتصل على أبوي وجا واخذني للحبيب ولما كشفت علي الدكتورة قالت رحمك مفتوح ٥ سم لازم الحين إبرة رئة و لازم نكلم الحضانة يستعدون لولدك !!!!
انا بغيت امووت من الخوف قال أبوي يلا ابدوأ بسرعة
انا قلت لااا ولا تلمسوني انتم اهلي أكيد تلعبون علي عشان الفلوس << يا حياتي انا مأملة يكون وضعي طبيعي &#55357;&#56852;&#55357;&#56852;&#55357;&#56852;
قلت لأبوي ودني لمدينة الملك فهد هذولا مستشفى حكومي و دكاترتهم مرره ممتازين
وداني أبوي ولما كشفوا علي قالوا ولادة وطاروا بي لغرفة الولادة و عطوني إبرة الرئه و وابر كثيييرة مضادات للبيبي ولي و مثبتات وأشياء توقف الطلق << مع ان ما معي طلق اصلا 
وسبحان الله جلست في المستشفى ٤٠ يوم بدون ما يتغير في وضعي شي 
وكنت ابلشهم كل يوم طلعوني طلعوني
كنت ابي اروح بيت اهلي مع انهم كانوا كل يوم يجتمعون عندي ، ويوميا امي ترافق معاي واذا جا الفجر جا السواق ووداها الدوام وترجع الظهر عندي وآخر الأسبوع يرافقون عندي اخواتي << بصراحة ماقصروا اهلي&#55357;&#56845;&#55357;&#56845;
وكان الدكتور رافض يقول ان البيبي مقعدي لو جتك الولادة وهو مقعدي بيكون وضعك صعب
قلت له اذا انقلب تطلعوني قالي اي
المهم في احد الأيام حسيت به انقلب ولما جا الدكتور وفحص بالسونار لقاه فعلا منقلب وسار راسه تحت &#55357;&#56836;&#55357;&#56836;
بغيت أطير من الفرحة وقلت له اطلع الحين قالي خلاص بكرة خروج
المهم كلمت زوجي وقلت له وانبسط مرره 
بس قالي لا تطلعين بكرة انا أبغى اجي للرياض واطلعك بنفسي وانا ما اقدر اجي بكرة خليها بعد بكرة قلت اوكي
وقلت للدكتور يخلي طلعتي يوم الأثنين بدل يوم الأحد قال خلاص 
وسبحاااااان الله يا بنات سار شي ما توقعته ابد
يوم الأثنين لما قمت اصلي الفجر وجلست على الكرسي حسيت بشي تحت ما اقدر اجلس زين 
صليت ورجعت بأنام صحيت الساعة سبع الا عشر على الم زي الضغط قووووي مره وبسم الله افجرت الموية كلهاااا وبدت الطلوق 
وكلشششش سار بسرعة ويطيرون بي لغرفة الولادة والله يا بنات ما امداني اغير ملابسي والبس لبس الولادة بالعافية الا والدكتورات ويصارخون ادفعي ادفعي 
والحمدلله تيسرت ولدته بسهوووووله مقارنة بولادتي الأولى 
وعلى طول أخذوا ولدي على الحضانة وكان وزنة ١٣٠٠ 
الحمدلله ان زوجي قالي اجلسي والا كان مستحيل أوصل المستشفى
لأن من انفتحت المويات الين طلع ما أخذ اكثر من نص ساعة 
والحمدلله جلس في المسشفى شهر وطلع وهو بخير وعافية الحين عمره ٩ شهور &#55357;&#56842;&#55357;&#56842;&#55357;&#56842;

بس اللي جالسة افكر فيه وش سبب اللي سار لي في الحمل الثاني ؟؟ 
لأن رحمي انفتح بسهولة بينما في الحمل الأول كان متدبس مررره وذقت الموت ليما طلع
سألت الإستشاري اللي يتابع حالتي يوم كنت في فهد هل اسوي ربط المره الجاية قالي مؤ شرط
انت حالتك مؤ واضحة واذا حملت المره الجاية نشوف 
وسألت دكتورة في موقع استشارات تبع اسلام ويب عن حالتي 
قالت ان اللي فيك بسبب ان ولادتك الأولى كانت خطأ و تسببت لك بشق في عنق الرحم وهذا يسبب قصر ولازم تربطين المره الجاية &#55357;&#56852;
انتم وش رأيكم يا بنات ؟؟ 
السبب بسبب الطيحة اول حملي او الولادة الأولى ؟؟؟ 
والله محتارة وخايفة
لأني افكر احمل على شهر اربعة الجاي 

يارب يسهل امووركم ويشفيكم وتولدون انتم واجنتكم على خييير حاال ياااارب