Missfatoo :

السلام عليكم ،، كيفكم ان شاء الله بخير انا حامل في نهاية الشهر الخامس وربطت لاني ولدت حملي الاول ولاده مبكره  واسال الله ان يتمم لنا على خير ويفرح قلوبنا بس قبل كم يوم رحت المستشفى وقالت لي الدكتوره ان كيس الجنين نازل ومايمسكه بعد الله الا الربط وعطتني تحاميل ومنعتني من الحركه  بسالكم هل ممكن ينفك الربط ؟!! وهل ممكن يرجع كيس الجنين ولا بيبقى نازل واش تنصحوني ؟!!  ماعرف احد مسوي ربط ياليت تطمنوني 

السلام عليكم ،، كيفكم ان شاء الله بخير انا حامل في نهاية الشهر الخامس وربطت لاني ولدت حملي الاول...

مجبوس لحم :

السلام عليكم رابطات شخباركم ؟ اخبار الوسواس ؟ شكل ابليس لاعب في حسبتكم بالوسوسه خخخخ حيّالله الرابطات الجدد والقدامى :) لله الحمد رجعت قطر من 5 ايام وكنت مريضه بشكل شديد ( إنفلونزا) لدرجة ان صوتي مايطلع .. لما أتكلم كأني أهمس :) هي جاتني هناك وطلعت عيني عندهم ومارضوا يصرفون لي مضاد الا لما وصلت لحافّة الانهيار :( هناك المضاد صعب يصرفونه على كلامهم لازم الجسم يقاوم الفيروس .. مادروا انه عندنا مثل الحلاوة :) الدوحه برررررررررد ... بصراحه بردنا ( الخليج ) غير عن أوروبا !!!! بردنا ينخر العظم مع ان الحراره عندهم واحنا هناك وصلت -1 .. يمكن لأننا صحرا ؟؟  قاعده اقرأ واكتب لكم هالمشاركه وانا متلحفه ببطانيه ثقييييله واشرب حليب زنجبيل عشان أدفى ولابسه دلاغ ( شرابات على قولتكم ) وبعد بردانه :( بإذن الله حجزنا الأسبوع الجاي للعمره :) بنقعد يومين في المدينة وثلاثه في مكه :) ... حجزنا فندق دار التقوى مادري الإيمان في المدينة ( قالولنا نفس دار التوحيد يعني يعتبر فرعهم بالمدينة :) ) ودار التوحيد بمكّه :) ودّي الأيام تطير بسرعه وألقى نفسي هناك .. اول مرّه أزور المدينة ومتحمسه كأني طفله ... أهلنا اللي راحو قالولنا ان مكه خفيفه الحين وما فيها زحمه :)  الأخت اللي تسأل عن كيس الجنين اللي نازل .. انا في حملي هذا نزل الجنين ( مخمخ :) ) من الشهر السادس ... اهم شي انك ربطتي الحمدلله والربط ما ينفك بإذن الله الا بوجود طلق او التهابات .. حافظي على نفسك ياقلبي وريحي على الاخر لحد ما تعدي شهور الخطر .. هايدي .. حافظي على نفسك ولا تفكري بالحركة خصوصا ان لك سوابق .. 

السلام عليكم رابطات شخباركم ؟ اخبار الوسواس ؟ شكل ابليس لاعب في حسبتكم بالوسوسه خخخخ حيّالله...

هايدي المجنونة :

الله يفرحكم يااخواتي ولا يضيع تعبكم يارب باذن لله يفرحكم بحملكم سليم معافا ويفرحني ولايضيع تعبي بس بنات انا لخبطوني في حسابي في حملي مره يقولي توك داخلها خامس. مره لك اسبوع في رابع احسبولي انا اخره دوره لي كانت8/11 . كم تتوقعون لي 

الله يفرحكم يااخواتي ولا يضيع تعبكم يارب باذن لله يفرحكم بحملكم سليم معافا ويفرحني ولايضيع تعبي...