وعليكم السلام والرحمة ...

هلا وغلا فيك .. انا ودنو بخير ولله الحمد

للحين ربي ماكتب لي الحمل ،، أكيد مانسيناك

طولتي الغيبه حيل علينا .. مجبوس حنا بعد مشتاقين له

لها فتره مادخلت ربي رزقها بنت و ولد الله يحفظهم ..

والله يعطيك العافيه ..





اللهم امين ،، جزاك الله خير ...

شكرا حبايب قلبي على الردود
بس بغيت اسأل عن المضاد اللي ناخذه بعد الريط
انا اعطوني مضاد اسمهzetron
azithromycin 250 mg
وقالت لي الدكتوره تاخذي منه حبتين كل 24 ساعه لمدة ثلاث ايام وجلست عندهم يومين في المستشفى وطلعت ولما صرفها لي الصيدلي مكتوب عليها لمدة 3 ايام يعني مع اليومين الي في المستشفى صارت 5 ايام
السؤال ؟؟؟ اكمل المضاد 5 ايام والا زي ماقالت لي الدكتوره 3 ايام
اتمنى الي عندها فكره ترد علي لاني اليوم ثالث يوم من عملت الربط وعلى كلام الدكتوره المفروض اليوم اخر جرعه من المضاد او اكملها خمس ايام
اتمنى تفهمون وش اقصد

بنات انا عندي اقتراح لو يكون في تواصل اكثر عن طريق قروب بالواتس او البيبي عشان نفيد بعض بوقت اسرع
من غير مانهمل المنتدى بس عشان لو وحده احتاجت استشاره سريعه يكون الرد سريع

واتقبل النقد بصدر رحب

هلا هندالقصيم اخبارك شكلك نسيتيني يالغلا 


صادقة ام البدر انا ودي بشي اسرع مثل الواتس او الببي  وايد الرأي ...

السلام عليكم كروشات
كيف حالكم واخبار البيبيات والفيونكات >>>>اه من الفيونكات اللي فينا 
مشكوره اختي زحمه افكار لسؤالكك عني >>>زين فيه احد فقدني فيس يصيح ههههه 
اخباري الحمدلله ان شاءالله بخير اليوم طلعت من التنويم لي 11يوم منومه صارت لي حاجات غير متوقعه بس الحمدلله ربي سترها 
تخيلو سوو لي عمليه ربط ثانيه وانا الحين با الشهر السادس سويتها قبل اربع ايام 
والحمدلله تطمنت وكل شي زين >>>ماكنت احتاج للعمليه بس اخطاء السونار هي اللي اجبرت دكتورتي تسوي لي الله يجزاها خير يارب كانت حريصه وخايفه على الحمل اكثر مني ربي يجعلها سبب وينفع فيها يارب 
القصه >>>صايره الراوي ههههه
رحت مراجعتي زي كل مره ودكتوره الاشعه تقولي كل شي طبيعي واسألها الرحم مقفل ولاترد علي واسألها عنق الرحم كيف طوله تقولي اصبري لين اشوف القياسات عاد هنا الدكتوره شافتني خايفه وقالت لي كل شي طبيعي ودخلت زوجي وتصور لنا الجنين وتقول كل شي سليم خلصت الاشاعه الخميس والنتيجه السبت عند دكتورتي ويوم رحت السبت وتشوف تحاليلي الحمدلله مافيني سكر وانبسطت وشوي يتغير صوت الدكتوره وتسألني انتي تاخذين المثبت بوقته قلت ايه ليش دكتوره فيه شي قالت لازم تنويم >>>هنا طار قلبي وش فيه قالت لازم نعيد الاشاعه ونتأكد تقول عنق الرحم 2ونص حيل قصير ولازم راحه قلت اوكيه ننام وش ورانا 
وتنومت عندهم وثاني يوم سوت لي الاشاعه دكتوره ثانيه وقالت الحمدلله الرحم مقفل والقصر مو اهميه وارتحت شوي وتجي دكتورتي وقالت لا انا ما اثق الابدكتوره اماني والدكتوره ماخذه اجازه ولا راح ترجع الا السبت فا لازم تضلين قاعده عندنا للسبت وياطول الاسبوع لين خلص وجا السبت واخذوني للدكتوره اماني وسويت السونار والمثانه مليانه وسوت لي القياسات وخوفتني تقولي فيه فتحه باالرحم وطول عنق الرحم صار 2سانتي 
بس لا تخافين عادي وين عادي وانا قلبي مسوي مرقص ههههههه
وتجي الدكتوره حقتي وقالت لازم راحه تامه وتظلين متنومه للولاده قلت اوكيه ماعندي مشكله وقالت بكره لازم اسوي فحص با المنظار واشوف بعيني واذا احتجتي ربط اسوي فوق ربطك الاول ربط ثاني بس ابي افكر
وجاني زوجي وقت الزياره وكان العشاء وتدخل الممرضه قالت الدكتوره تبيك لازم توقع اوراق العمليه وانتي ماما لازم صوم كذاكل شي صار بسرعه حمدت الله وشكرته بس والله يبنات قلبي بارد ماني خايفه وادعي ربي يرضيني با اللي يقسمه لي وكلت امري لله هو اللي عالم بحالي وحال زوجي كيف ننتظر ها البيبي وسنين طويله ومعاناتنا مع الاجهاضات 
المهم دخلت العمليه وكنت مرتاحه اخذوني الساعه 9والساعه 10وانا صاحيه بغرفتي وطلبت الدكتوره على طول 
كانت بغرفه العمليات وارسلت لي دكتوره مناوبه والحمدلله كانت حيل مبسوطه تقول الدكتوره احلام تقول بشروها كل شي زين والقياسات ماهي نفس السونار وربطك ممتاز ولا فيه شي يخوف تطمني ارتحت يبنات وضحك من قلبي وحمدنا ربي انه قادر على كل شي والساعه 1الظهر جتني الدكتوره وهي تضحك ومبسوطه تقول والله لو ماخدرتك ماكان سويت لك غرزه بس يوم فتحت من تحت انبسطت وقلت يا الله زياده الخير خيرين وسويت لك غرزه فوق الثانيه تقول شديت عليها بقوه وارتاحي ولا تخافين امورك تطمن الحمدلله وقعدت يومين وطلعت الحمدلله بس قالت خليك مرتاحه بقوه خلينا نعدي ها الفتره بخير 
وهذي قصتي فيها من الفرح والخوف بس الحمدلله ربي ربط على قلبي ولا صحت غير شوي 
اوصيكم با الراحه التامه مو كل الاجسام زي بعضها 
وربي يعدي علينا ها الشهور بخير وسلامه