اختي مجبوس الله يتمملك حملك على خير انتي بأي اسبوع ؟ ان شاء الله تكوني عديتي مرحلة الخطر
الله يفرحك

السلام عليكم بنات شخبار الجميع ان شالل بخير ويتمم حمالكم على خير

ولايضيع تعبي وتعبكم


طبعا انا نفسيتي دمار والخوف مررررررره من فك الربط اهوجس لليل والنهار


الله يعدي هالايام على خير يارب


اختي مجبوس وشو تقصدين بالسحب

هلا حبوبات
كيفكوووووووووم جميعا :)

ان شاء الله يكون تجمع خير على الجميع
ويفرحكم و يسهل عليكم وييسر لكم


انا لي تجربتين مع الربط ... والحمد لله ربي عوضني بعد الفقد و التعب
واشتاق كثير لهذا التجمع لازم امر عليه بين فترة واخرى اشوف اخر الاخبار :icon19:

كيفك هنودة ما تفكري تنضمي للتجمع :)
وام برنسيس اذكر كانت حامل ... وينها تبشرنا

هلا بسبوسة..  نورتي التجمع..  انا متابعه بصمت.. واقرآ كل الردود كل يوم 
بس عاد الحمدلله مافي وسوسة زي الربط الاول.. 

الحين انا خلصت 30 اسبوع وبدٱ العد التنازلي الله يتمم لي ولجميع الرابطات والحـوامل بخير

سيسوما :
انا الحمدلله الآن امشي في الأسبوع ٢٨ ( ٢٧ ويومين بالضبط ) يعني الحمدلله تقريباً عدّيت مرحلة الخطر ( دكتوري يقول اهم شي تعدي ٢٨ أسبوع .. لان جميع والداني مبكره ) وإن شاء الله في هذا الحمل أكسر القاعدي وأولد في التاسع مافيه شي كبير على الله .. والحمدلله أخذت إبرة الرئه وأحس أني جداً مرتاحه ومتفائلة أني بذلت جميع الأسباب ..

م . برنسيس :
ليش يختي تشاركين بصمت ؟؟ بالعكس ادخلي وسواقي واستانسي

بسبوسة :
حيّالله بزميلتي في ربطي الاول ( كنت نفس برنسيس ادخل واقرأ بس خخ ) يلّه شدّي حيلج وتلحلحي وارجعي للتجمع ... ( كني بانضرب خخخ ولدك صغيررر )

الباقيات : وينكم ياقلبي .. مدام توته .. عبيطه .. وجودي والباقي ؟؟؟؟

إخباري :
تهنّوا لي بسلامة ولدي كردش امس الله حفظه كان بيشرب الكلوروكس في بيت امي لولا الله حفظه ولحقناه بسرعه .. اللي عندها ياهل تدير بالها عليه تراهم ماشاء الله عليهم سريعين .. انا شفته يركض رايح المطبخ الداخلي والشغل له في اثره على طول لكن الياهل أفعاله سريعه بسرعه فتح الخزنه تحت المغسلة وفتح علبة الكلور .. لو كانت صغيره كان راح فيها لكن الحمدلله أنها حجم كبير ومليانه ماقدر يرفعها بس أخذ الغطا وحطّه في فمه .. بغيت انجلط يوم جابوه لي ريحته كلور على طول شرّبته حليب بارد وركضه المستشفى والحمدلله الله ستر .. لكني بغيت اذبح خدامات امي الف مره أقول لهم الكلوروكس خلوه في غرفة الغسيل برّه لكن ماش تكلمين بقر .. لكني امس شوي وباضربهم ماتوا من الخوف يوم قعدت اصرّخ عليهم ( عمرهم ما شافوني معصبه ) واللي صب قلوبهم أني قتلهم تدرون لو صاير له شي ؟؟ انا ما اقطع رزقكم واطرشكم بلادكم لا .. انا اطرشكم القبر .. كل وحده سمعت هالكلمه فتحت عيونها على كبرها وتبلعمت حتى خداماتي جاهم الرّش من الصراخ .. وفي المستشفى قعدت اصارخ وهم يهدّون فيني وما وعيّت إلا بسم الله عليكم اشوف الدنيا ظلاااام واسمع الأصوات كأنها جايه من بعيد على طول جلسوني واسمع خداماتي يقولون لهم مدام فيها ضغط وسكر يوم بأسرهم لقوا الضغط عااااالي والسكر هبوط .. وزوجي ماقصّر ولدي الكبير كلمه وبشره ويتصل وأنا حالتي حاله ..بصراحه كرهت يومي امس مع أني في أوله استانسنا لكن في الليل انقلبت الآيه