مساء ال خيرات صبايا

الله يسهل عليكم يارب انا كنت وحدة من هذا التجمع والحين اني حامل ربي يسهل :)

دودي.
اليوم ماقدرت اروح. بروح ان شاءالله بكرى الظهرر. وربي يتمم لي واياكم ع خيييير.

السلام عليكم رابطات

غداً احلى :
سلامات ياقلبي وماتشوفي شر .. الشد انا سمعت وايد بنات يشتكون منه انا الحمدلله ماقد جربته .. أما الثقل والضغط من تحت انا أحس فيه أحياناً واكثر شهر حسيت فيه في السادس .. أما مسألة أن الإفرازات وردي على بني في هذي الحاله لازم تستشيره دكتور عشان تتطمني افضل ..

آخر أخباري :
اول امس العصر بعد ما دخلت وتطمنت عليكم حسيت بألم في ظهري وخذت حبتين بندول وأحسه ماخف بالعكس بدا يزيد وأنا استحمل .. رحت المغرب بيت هلي والألم موجود وخذت تحميلة فولترين وهدا الألم ... قبل لا أنام حسيت الألم بدا يرجع هنا بصراحه خفت :(
قلت هذا شكله طلق ... ( انا الرحم يفتح عندي بسررررعه وما أحس إلا في الأخير ) خفت أن الربط يشد ويسبب لي تمزق لكن خفت أكثر أني أروح الطوارئ بيلعبون فيني لعب .. تعوذت من ابليس ورقدت ووعيت الفجر على الم لا يطاق وهذي المره ظهري وبطني ... مت من الخوف وقعدت ابكي قلت هذا طلق وأنا بروحي الفجر محّد حولي ولا حوالي وعيالي لو رحت الطوارئ من بيكون عندهم؟ ولو الموت ما خليتهم في البيت بروحهم مع الخدم والسواقين .. قررت أني استحمل وأخذ بندول واصب ماي دافئ على جسمي عشان يرخي الجسم .. وظليت جالسه على السرير في الظلام ابكي واونّ من الألم لحد مانمت وأنا مب حاسه لكن آخر مره شفت الساعه كانت ٦ إلا ربع وعلى الساعه ٨ قاموا الصغار ووقظوني وعلى طول بدلت ثيابهم ووصلتهم عند امي ووينك يا عيادة الدكتور ( دكتوري الخاص ) وصلتهم تسع إلا ربع جد تو الممرضات واصلين وادخل ابكي ويسوون لي فحص سكر وضغط وطول ووزن وبول وهم يهدون فيني ويقولون ( دونت كراي ايڤري ثنق اوكي ) وأنا أبد ماش صيااااح من الخوف ولما جا دكتوري دخلت اول وحده اول ما شافني ابكي جلس يهدّيني ويطمني وفحص اول شي بطني قال بطنك مش شاد وهذا بشير خير وعمل سونار لقى كل شي اوكيه وقال بأعملك سونار مهبلي اتطمن على عنق الرحم لان هذا الشي الأخير اللي بيبين لنا الألم اللي معاج طلق ولا لا .. قلتله توكل والحمدلله العنق زين ومسكّر والربط مكانه ... طلع كل هالسيناريو امنان ( طلق كاذب ) اعتقد تسمونها تساليف خخخخ
عقبها استلمني قالي انتي مشكلتك كلها هنا ويأشر على راسه من كثر ما تفكرين في الولاده جاتك ... ويوم طلعت لقيت تلفوني فيه مليون مكالمه .... امي وخواتي وزوجي ( ولدي الكبير ما يقصر يبلغه بكل شي يصير ) والكل متخرع وأنا طالعه من الدكتور اضحك .. واحتفال بها المناسبه رحت مع خواتي السوق وخذت باقي أغراض البيبي ..

اللهم امين تسلمين ربي يسعدك





امس جاني شد مو طبيعي وتحجرررر ورحت الطوارىء ماستقبلوني :024:

جلست ابكي واخذ بندول ونمت والحمدالله خف الالم

بس احس ضاغطني لتحت مع اني توني بنص الثالث :(

الله ييسر هالحمل يارب واشوفه طفلي بخير يارب

مجبوس من جد الثقل والضغط من تحت انا حسيت به بالسادس اككثر شي والحين من امس وانا عندي الم في ظهري واسفل بطني احس بيتقطع زي السكاكين بس ظليت مرتاحه واحاول ما اوقف كثير والحمدلله مع الراحه يخف الالم .. عندي موعد الاحد بشوف نتيجة المسحه وتحليل الدم لاني حاسه ان نسبة الدم واطيه والله يسترر