صباح الخير :)

مدام توته :
هلااااااا ومرحباااااا .. من وين طالعه الشمس اليوم ؟؟ حلمانه فينا ودخلتي ؟؟؟ خخخخ شخبارج شلون الدنيا معاج ؟؟ وينج يالقاطعه ؟؟ من رمضان العد بج :)
وحده تموت في التشرّه خخخخخ

بنتظر :
( ام الوسواس ) الغازات ياقلبي خذي نعناع عنها حلو .. حطي كمية من ورق النعناع في كوب وصبّي عليه ماي مغلي وخليه ينقع شوي لين يفتر وشربيه ولا تنسي تحطين سكر لان طعمه ماصخ يكون مش حلو او تدهني بزيت دافئ او دلكي البطن حول السره بحركات دائرين عكس عقارب الساعه :)

هنوده :
شخبارج ياقلبي ؟ هاه مافي شي في الطريج ؟؟ قتلج شدي حيلج في رمضان خخخخ بس معليش عندج هالشهر قبل الأضحى حطّي جهدج :)

نور :
الله يسهّل لج الفك ياقلبي .. مايعور شكّة دبوس ( اللي يسمع مجربه خخخخ ) أما التجهيز بصراحه بصراحه متعب :( .. انا اول مره أجهز بنفسي ( بعد مب كل شي ) وتعبت .. باقي جم غرض واليوم اختي عندي عشان نجهز شنطة المستشفى :)

وجودي :
هلا وغلا ياقلبي .. شخبارج وأخبار يزن ؟؟

مون ؛

سلامات ياقلبي وزين انج عرفتي سبب الألم .. الالتهابات كريهه الله يعينج عليها .. جربي قهوة الشعير يقولون زينه الصديد .. انا شريتها وما جربتها :)
أما الزلال هنا نوقف يتوب شوي ..حبيبتي الزلال غالباً يكون مرافق للضغط او السكر افحصي عن الاثنين

الباقي :
أخباركم حبايبي ؟

اخباري اليومية :
امس كان آخر جرعه للمضاد وألم المعده للآن موجود :( .. بصراحه صارت الأيام بطيئه وملل شنيع فيها ( الشهور الاخيره دائماً غثيثه والثامن بالذات ) الوحده تصير مثل السلحفاة .. تتعبين من اقل مجهود .. وأي حركه نفسك ينقطع .. في الليل اين نمت افزّ من عز نومي وأنا مخنوقه ابي هوا اكتشف أني نايمه على ظهري والكرشه ظاغطه على الرئه .. أحط اربع مخدات ورا ظهري وأخذ أكسجين ( شاريه سلندر من الصيدليه )عشان ارتاح وبالموت ارجع أنام ..والحمام هذي فضيييييحه لازم أروح كل نص ساعه ولا فضيحتي تبقى بجلاجل خخخ
قعدت اليوم الساعه ٦ عشان أوعي ولدي للمدرسه وأتأمل انه يفطر ويلبس على الوقت ولما راح انسدحت على الكنبه وأحس راسي ثقيل ابغي أنام .. لقيت ولدي كردش قاعد وجايني الصاله :( الأخ قعد من الساعه ٧ لو مدخلته حضانه اسلم .. أحس ابي اطلع خلاص زهقت من البيت نفس الروتين كل يوم .. قلت لأختي خل نطلع نروح اللاجونا مول على حظّي هي تعبانه ورجلها توجعها .. كلمت زوجي اهو الحين في لندن أسولف طلع عنده حوله وهو داخل مصنع :(
استغفر الله الواحد في الأخير ودّه يهجّ من الملل والضيق .. ساعات أقول احسن أني أولد مبكر .. الله سبحانه عارف أني مافيني صبر وتلقوني انتظر أولد في لحظه وبعدها أقول انا صبرت كل هالمده خل اصبر الباقي والبيبي يجي في تمامه احسن من انه يكون قاصر واتعذب في الرضاعه والاهتمام فيه :(
وين أروح ؟ وين أضرب برأسي ؟؟؟ المدارس ابتدت يعني حتى الزيارات بتكون ثقيله الناس مشغوله مع عيالها ودراستهم وحتى للحركه نفسها مشغوله تحضير وتصحيح وغيره ..

السلام عليكم ورحمة الله وبركاته

الحمدلله من قبل ومن بعد
رحت الدكتوره عشان تفك لي الربط ولمن كشفت قلت لها ابسالك عن الالتهابات قالت فيه التهاب شديد وبعدين بطلت قالت لا ماراح افكه اليوم عشان ماتنزفين مع انها عورتني يوم كشفت وعطتني مرهم ومضاد وقالت لي استخدميها من اليوم وتعالي السبت المساء ان شالله يكون احسن وافكه ..
الله يطمن قلبي يابنات انا قريت شي في تقرير التصوير الي سويته عند الاستشاري شي عن الرقبه وقلقت واخذته لها اليوم وانا على السرير اسمعها تقول لزوجي هذا الطفل الكم و بعدين قالت شي عن راس النونو وقالت احتمال قيصري انا ارتعت واسالها ماسمعتني يوم جتني تكشف قلت لها وش فيه الراس قالت انه الراس مرفوعه على فوق والرقبه مفروده ولو استمر كذا تولدي قيصري!!
انتي لك كم سنه متزوجه ؟ قلت ٣ قالت انتي فكري واستخيري بالقيصيري واذا قررتي خلاص نحدد ..
قلت لها المهم الطفل و الواحد مايغامر قالت صحيح . وقالت لي ارجعي سوي تصوير السبت ونشوف وش يصير ..

يارب العالمين كما زقتني طفلتي من غير حول مني ولاقوة اخرجها من بطني سليمه معافاه بولاده طبيعيه اذا فيها خير وصلاح لنا يااارب واتمم علينا نعمك بالصحة والعافيه.. وجميع خواتي الكروشات ..

نور :
سلامتك ياقلبي .. والله يطمنك على بنوتك وإذا العمليه ظرورية لحالتك توكلي على الله .. والله يعينك عليها انتي قدها وقدود المهم البنوته

مدام توته :
سلامتك من الوسواس ياقلبي .. انا الشهر اللي فات كنت نفس حالتك ووقفت مشاركه كم يوم لحد ما أهدأ والحمدلله فترة وعدت ..

مدام توته :
اي والله يبيله شيخ يقرأ علينا ... انا شزيني كنت متفائله وشحليلي .. شاهدتكم وعاديتوني بسالفة الوسواس الزايد ومرض الصمت انتقل لي بعد ( شكل الصمت اثر جانبي للوسواس خخخخ )

اقول بنات صراحة انا انصدمت من لون الافرازات بعد الربط مره لونه اصفر قوي اوبيج��


قاعده افكر بفك الربط ع خير اذا بولدي قيصري خليهم يفكونة مره وحده ايش اتعب نفسي
وافك وانا ماراح اولد طبيعي لاني قبل قيصري