Nbd8lbe92 :

الله يعوضكم خير يارب ويفرح قلوبكم بعد هالتعب.

الله يعوضكم خير يارب ويفرح قلوبكم بعد هالتعب.

Nbd8lbe92 :

هلا ام حبيبه الكورس شنو كان ممكن تكتبين العلاجات وشنو الهرمونات اللي كانت ملخبطه عند زوجج وعسى ربي يرزقكم بالقريب العاجل.

هلا ام حبيبه الكورس شنو كان ممكن تكتبين العلاجات وشنو الهرمونات اللي كانت ملخبطه عند زوجج وعسى...

N O O R Y :

: : ماعرف من وين أبتدي بس ، عارفين وضعي إني في بيت أهلي صرت وماني قادرة أدخل بيتي وسويت عمليتي وللحين ببيت أهلي ولاني قادرة أروح لبيتي ، وإن شاءلله زوجي بس يعدل أموره بننقل , تخيلوا كنا قاعدين مع بعض بالحوش على الفجرية وفجأة زوجي نزل راسه للارض وقالي تعرفين وشو شعور إني ناقص ذكورتي ناقصة وكان حلمي يكون لي أسرة انا انحرمت منها ماعشت من طفولتي مثل غيري وحتى لما كبرت موقاعد اعيش كل الناس لها خيارات بس مو مثل حياتي مالي خيارات حتى الدكتور كان قاسي معاي بكلامه تخيلي إنه قالي بتوصل لدرجة العجز الجنسي موبس ماراح تنجب تخيلي قالي إني لو جبت عيالي هذي معجزة من الله اانا بس ابي افهم كيف رجعت من الرياض للشرقية وركبت طيارة ماذكر مين كان جمبي وقعددد يبكي . ويقولي انا احيانا اقول حرام اخليها واحيانا اقول لا بس انا اخذتها احببها وهي الامل والحلم الوحيد اللي تحقق لي بدنيتي كلها شلون بقدر اخليك ، تخيلي يقولي ماعندي حتى خلايا سيرتولي ولا عندي مشكلة بالأحبال المنوية كل شي سليم بس مافيييييه خلايااااااااااا كل مااسمع وحده حمملت او واحد جاله ولد انخنق اتضايق ، تخيلي انا ذكورتي صارت ناقصة او معنى اصح ماصرت اشوف نفسي بذكورة لاني مااجيب عيال . لان في يوم بصير عاجز حتى الجنس كذا الدكتور قالي ---------------------------------- بنات كنت قوية ومتماسكة وقلت له دام ربي كتبك من اقداري وصرت لي زوج لازم ارضى بقدري واكون معاك ، وصدقني فرحتي بالعيال مابتكون فرحة لوجات من غيرك"، وانا مابي منك شي مو لازمم عيال اهم شي احنا مع بعض ونحاول نسعد نفسنا وبنحاوووول الى اخر يوم في حياتنا ان كتب الله لنا الحمدلله ان ماكبتها بعد الحمدلله وانت مو ناقص وانا زوجتك وانا احكم بهذا الشي مو انت ماعليك لاتحط في بالك سالفة العجز مو شرررط يجيك عجزز هذا اننت سليم وهذا كل شي تمام الحمدلله ، وإن شاءلله مابنوقف وربي كريم بس كون قريب منه ولاتيأس من رحمة الله وأصبر وأدعي وربي ماراح يرجع يدك فاضيه وهذا وعد من الله كل شي يعجزون عنه الخلق بس ربي مايعجزه شي وانا مابترككك بكون معاك طول عمرك بس بشرط لايجي واتحسف على كل لحظة كنت فيها معاك بعد مايفوت عمري واذا انت تشوف نفسك قد هالكلام وفعلاً بتحافظ عليي وبتصوني وماراح توجعني في يوم انا معاك .. ------------------------------------------------- هدأ زوجي بس اانا قلبي موقاعد يهدأ ي بنات كنت ناسية الموضوع كنت ألهي نفسي شعور الامومة شعور اني مابشوف عيالي ممن لحمي ودمي شعور قاسي بس انا احب زوووجي ومااتخيل اني اكون ام لغيره فعلاً , بنات قلبي يعووووووورني ومكسور خاطري أنا حتى زوجي مااقدر أتركه لان لوتركته بكون انانيه بحقه لان فعلا اانا الحاجة الوحيدة الي في حياته تحققت فكيف اكون انا والدنيا عليييه ، وغير هالشي ماني عارفة وش طريقنا وش حياتنا أنا اخاف بس اني اموت ومااعندي ولد يدعي لي ويتصدق عني كل الناس بتنساني بس الولد مستحيل ينسى امه وابوه ياررررررررررررررررررب رحمتك فينا ولطفك يارررب لاتجعلنا من القانطييين واجعلنا من الصابرين على مابتليتنا به الحمدلله الحمدلله الحمدلله على كل حال .. ادري ان كلامي اغلبه سلبي بس صدق ماعندي احد افضفض له غيركم بعز انكساري واحتياجي اني اتكلم مع احد يقويني غير اشخاص هم يعيشون نفس معاناتي :(

: : ماعرف من وين أبتدي بس ، عارفين وضعي إني في بيت أهلي صرت وماني قادرة أدخل بيتي وسويت...

غـيوم :

قلت لكم قبل بالتجمع بالتفصيل بس ابشري بقوله ثاني لك عبارة عن محلول بروكسيد تجي اظرف تحطينها مع موية ويشربها وابر هرمونية ميريونال ٧٥ و ارمديكس يخفض هرمون الانوثة خلطة عسل من وادي النحل قطع الشيشة ونزل وزنه ١٠ كيلو وفيتامين دال ومره ياخذ فيتامين E يعني ينوع كل مره فيتامين معين سماع سورة البقرة يوميا والدعاء والصدقة والله الى يومك هذا ماني مستوعبة ان الحمدلله انتج الفال لكم يا كريم ولبنات التجمع

قلت لكم قبل بالتجمع بالتفصيل بس ابشري بقوله ثاني لك عبارة عن محلول بروكسيد تجي اظرف...