السلام عليكم ورحمه الله خواتي. انا عضوة جديدة وانا زوجي من قبيلة الازوو . كلمة أزوو تعني انعدام الحيوانات المنوية اي الصفر .
لدي 5 سنوات متزوجة وبعد معاناه وتحانيس انو لابد انو يفحص السائل لان كلمتني دكتورة باني لا اخذ منشطات مرة اخرى ابدا ابدا الا بعد ان يفحص زوجك . وكانت الصدمة بالنسبة لي واكتشفت مؤخرا انه يعاني من الازوو بعد مرت 5 سنوات واكتشفت الان انه أجرى عملية دوالي قبل 8 سنوات والحمدلله على كل شيء والآن يتناول خلطة العسل . خواتي ابي أسألكم هل زوجي كان يعلم أنه يعاني من الصفر وخبأ مني الموضوع ولا ويشو التفسير.


مبروك نوري لإتمامك إل4 سنوات وإن عيد زواجك القادم تصيرون 4 إن شاء الله . وكل جميعا يارب .
أسأل الله أن يحسن حالنا جميعا .

السلام عليكم اخواتي الغاليات صبحكم الله بالخير
انا عضوه جديده بس متابعتكم من زمان لي متزوجه اربعه سنين وعشره شهور الحمد لله بعد زواجنا ب١١ شهر بدات اشك انه في مشكله لازم نبدا تحاليل وراح زوجي حلل اول مره اعادو التحليل قالو العينه قليله بعدين التحليل الثاني كان الصدمه دخل زوجي السياره يقلي صفر اقله وش صفر حتى اللي عندهم عقم في عندهم حيوانات منويه ماعمري سمعت بالصفر ابداً ابداً وبدأت اقرأ ودخلت فدوامة اكتئاب شديد اهملت نفسي وجسمي وشكلي كبر عشره سنين والكل لاحظ الهم عليه طبعا اسرتي عرفو واسرة زوجي وبعض من اقاربي اضطريت اقلهم عشان يساعدوني باسماء دكاتره ومستشفيات ثقه ماعندي خبره ولا فكره ابداً عن ذا الموضوع واستشرت صاحباتي قلت مقدر افضي ضيقتي اللي فصدري الا معاهم يهونو عليه وممكن احد فيهم عندها خبرات سابقه وللاسف اليوم اقلكم ندمانه على قد شعر راسي وازود اني قلتلهم اللي طلعت مخبيه ان زوجها كان عنده مشاكل فالانجاب واللي حملت وخبت عني واللي حامل وتحط عينها فعيني وتقلي زوجي شاك انه عقيم خواله فيهم عقم تقلي وبعدها بكم يوم قالت انها حامل مره حز بخاطري قلت يا الله خايفه مني لا أحسدها وانا فعلاً اموت عالأطفال بس عندي عيال اختي لي تربيه عليهم وتعب مجربه الامومه فيهم ربي يحفظهم يارب يعني مره مو اللي تحسد الاطفال وطبعا مايخفيكم نظرات الشفقه من الناس اللي تحسس الوحده كإنها متسوله عند باب مسجد وغير الدعاوي اللي فوجهك والاسئله وغيره كثير اليوم صاحبتي زادتني ودمعت عيني وضيقت صدري بسوء ظنها اعتقدت امي افاول عليها بالاجهاض لاحول ولاقوة الا بالله المهم هاذي المواقف مرت عليكم اكيد خلينا فالمهم والعلاجات والعمليات والنتايج استخدم زوجي كورس علاجي لمدة سته شهور من مدحت عامر ابر نوعين وبعدها جانا امر العلاج فتخصصي جده مع الاسف دخلنا للدكتور واعطى زوجي فيتامينات لمدة ثلاثه شهور وطلبو منه تحاليل وبعدها بتسعه شهور جا الموعد الثاني وطبعا النتيجه ما اختلفت المفروض كان يكتبله اعادة صرف بس مسي الدكتور وقعد زوجي سته شهور بدون علاج واحنا ماندري وبعدها بثلاثه شهور قرر يسويله خزعه بالشق مو إبر وسواله العمليه واتالم زوجي منها مره الحمد لله ففترة انتظار العمليه اخذ عسل فوزيه القيسي وما استفاد منه شي دلتنا عليه قريبتي زوجها صفر وماشاء الله صار ينجب عالعسل تقول وعلى حبوب رويال جل ماشاء الله حملت طبيعي الله يتملها بالسلامه بس زوجي ما استفاد عالعسل حالته مختلفه نتيجة الخزعه مع الاسف صفر كمان وبعدين اكتشفت من تطبيق صحتي انه هرمون الحليب جداً مرتفع ٢٣:٣٣ والمفروض يكون اقل من ١٥ والدكتور مره سييييء اسمه اسلام جنيد عسى يلقى من دعواتي نصيب حسبي الله ونعم الوكيل فيه ماعنده ذرة انسانيه واخلاقه فخشمه مايبغاكي تسألي سؤال يوم العمليه خلاني على اعصابي ما اعطاني نتيجه يقول من المختبر وكل شويه بكلمه ودكتور قبل العمليه قال تجيهم نتايج كل عشره دقايق ودكتور اسلام استهتر بي للغايه وقدم عملية زوجي اسبوع عشان حضرة جنابه بيطلع اجازه وجمّع كل المرضى فيوم واحد قلبها مجزره كل الكادر الطبي كان فالعمليات من كثر المرضى حسبه الله جيته ثاني يوم برغم انه حذرني اجي عالعياده يقلي المختبر يكلموكي كذوب يصرفني وطلعت قفايا يقمر عيش مارضي يستقبلني وقالتلي ممرضته ان النتيجه تطلع على تطبيق صحتي ولمن طلعت النتيجه انهرت طبعاً وكانت فكرة الطلاق تراودني كثير انا احب زوجي مابظلمه بالنكد على الخلفه وهو مابيده شي يحتاج مساعدتي مايحتاج ازيد همه وفنفس الوقت اقول كيف بسيب الانسان الوحيد اللي حبيته فحياتي لي معاه قراب سبعه سنين مابين ملكه وزواج عشرة عمر وطيب وابن حلال فيا ومقدر اتقبل رجال غيره فحياتي واي رجال غيره حيكون مظلوم معايا مستحيل احب غير زوجي ومستحيل عيني تشوف غيره من الرجال اتعوذت من الشيطان واستنيت موعدنا بعد ما يآنس من الاجازه الدكتور شهر واسبوعين واحنا ماشفت الا صفر وا ادري عن شي ويوم الموعد ياسلام حدث ماكنت متوقعته قفل ملف زوجي وقله ماعندي فرصه علاجيه لك هو طبعا مايتكلم عربي جنبه كان ممرضته هو يتكلم وهي تطالع فينا ماتترجم زي الناس تقلنا كلمه وحده تختصر على كيفها وانا افهم انجليزي مو مره ما افهم المهم تقرير الانسجه لو ما سالته ماكان قال تسحبي الكلام من فمه سحب قال في خلايا سرتولي غير ناضجه وقلييييييييله لاحول ولاقوة الا بالله اظن سرتولي يعني الخلايا الام وغير ناضجه يعني متوقف نموها من قبل البلوغ المهم سالته يرشحلنا مين فين نروح قال تخصصي الرياض يحاول احولكم عليه وحصل سوء فهم فموضوع التقرير رجعنا نستفسر منه اقسم بالله ياتنفيخ شي شي كإن جاين نشحته سكتنا عشان يحولنا عالرياض وقال الاحد نروح نستلم التقرير ونطلب التحويل المفروض كان يحول قبل مايقفل الملف والمفروض كان يعالج زوجي اول يخفض هرمون الحليب يحوله على دكتور غدد صماء بس خطه علاجيه فاااااااااشله طريقة واحد بيتخلص من عدد المرضى اللي عنده وخلاص بيفك نفسه والان خايفه من موضوع ارتفاع هرمون الحليب لايكون في شي خطير لاسمح الله الله لايضره وخايفه من موضوع الخلايا ذي سيرتولي والله يجيب الخير ويطمني ويطمنكم ويرزقنا جميعاً بالذريه الصالحه السليمه المعافاه ويبرد قلوبنا ويجبر خواطرنا سامحوني عالإطاله من اول مره بس انتو الوحيدين اللي اقدر افضفض معاكم همي وكلنا فالاخير نشتكي لله امرنا ولله الحمد انه بيد الله مو بيد العباد مافي اكرم من ربي شوفو الدكاتره كيف احباطات على مستوى عالي طبعا مو الدكتور الوحيد اللي عاملنا معامله سيئه في غيره كمان دكتوره فالعزيزيه قالتلي انتي بتصبري مابتتطلقي تخيلو دكتوره تقول كذا ودكتور فالحرس يقول لزوجي مالك علاج روح مكه فالحرم اوقف عمد الكعبه وامسك فيها وادعي مدري وش العالم ذولي هههههههه يحسسوكي جايتهم من عند كفار قريش وربي ههههههههه المهم اني ادور سعة صدري صرت وبحاول اسوي تكميم انزل وزني الهائل وبحاول اشتغل مايخفى عليكم وضع الوظايف وسلامي وتحياتي لكم حبايبي سامحوني عالإطاله مره ثانيه

الله يخليكم لبعض ياقلبي ولايحرمكم من بعض ويرزقكم الذريه الصالحه السليمه المعافاه يارب

اللهم امين .

حبيبتي سمسمه الله يمسح علئ قلبك . يمكن لما عمل الدوالي ماكان يعرف عن حاله الصفر . لانه ناس عملوا عمليه الدوالي و مشئ الحال . الله يفرح قلوبكم