جماعتنا بزووودهم عند الحمل وفيه حركه طايحين فيها اذا سالو عن شهرها زادت شهر ولا شهرين ... والله يابنات زوجة عمي يوم ولدت .. نكلم عمي عساه تاام مو في السابع .. قالوا لا عادي تاام ولا عليهم منك كذب عيني عينك استغفر الله بس

آه بنات اليوم طحت طيحه قوويه ع ظهري.. زحلقت ع السيراميكك.. والحمددلله مااحس بش بس فيني خووف مو طبيعي ع جنيني.. ولاقدرت أنام وأنا اوسوس.. 

هذي وحده متزوجه تقول مره جاني زوجي قالي صديقي ابوفلان يبي يفاجاء زوجته بسفره بجزيره الفلانيه ويبي يرتب لها شنطتها ومحتار وش يحط لها بالشنطه وقالي اسالك وش يحطون للحريم بشناطه للسفر تقول وامد بوزي ع جنب ودي اكش عليه واقله شف الرجال موب انت يالتنكه قالي هاه وش اقوله قلت وش دراني عن حرمته هي وذوقها يدق ع خواتها يعلمونه تقول انا مت من الغيره بس تخيلت شكلها وهو مفاجاءه وطول اليوم مالي خلق اطل برجلي حايمه كبدي منه واولول بين وبين نفسي وشوي وادخل قوقل واكتب ماذا تفعل لحرمه لكي يفاجاءها زوجها بسفره وذيك الليله حتى العشاء ماسويت له شبت المعده علي واجدع عليه حكي يوم انه صديقك ورى ماتطبق افكاره وﻻ ماتعرفه اﻻ بالخراب واﻻستراحات والبلوتات وهو يرد يابنت الحلال ﻻيجي الحرمه شي من عينك وش هالحقد شوفي هي وش مزينه برجلها عشان يدلعها هالدلع ويقهرني اكثر بردوه وبروده المهم وانام ذيك الليله بطرف السرير ماودي انقلب اشوف وجهه واتذكر واقوم الصبح منفسه وينزلنى الدوام وانا وﻻ كلمه قلت ان قال صباح الخير ابرد عليه صباحك شر بس ماقال نزلت دوامي وشفيك يافلانه قلت فيني كذا وكذا قامت كل وحده تحسر ع عمرها وتذم برجلها الي تقول عمره مافجائني بملعقه والي تقول ماعمري شفت منه كبسه مندي عاد ذي نصبه احسها من زود الجحده مافيه كبسة مندي ويبدون يولون يوم جاء اخر الدوام ويجي ياخذني واشوفه مكشخ وجنز وحركات بس موغريب رجلي كل يومين ثلاث اذا مالقى ثوب مكوي لبس جنز قلت وش عندك يامصطفى قال عازمك ع الغداء قلت الله والغداء هرفي وﻻ ماك قال الى تبين شوي ويدق جواله ويكلم ﻻ ياشيخ الحين جايك قلت وشو قال خويي طلع عليه شحن زايد ويالله نروح المطار ناخذ شنطته قلت والله فاضيه لك انت وياه تطققني مشوار للمطار قال مايخالف فزع بي انت اطلبي كوفي وتكوفي لمن اخذ الشنطه نزلني بالمطار وقال ادخلي انا بلبق السياره واختفى الرجال ابو نص ساعه وانا مغير اتفرج ع هالمسافرين واقول ياحظهم بس جاني وبيده الجوزات والبوردنق بس ماستوعبت قال يالله من هالجهه قلت وشو قال يالخبله بنسافر واصارخ وانقز عليه وهو ميت ضحك والناس تفرج يالله فضحتينا ترى اغديك هرفي الحين المهم والزق فيه ويدي بيده وابد حسيت انه ملك جمال وملك الرومنسيه وسفير النوايا الحسنه واني اسعدزوجه بالعالم وصلنا الديره والفندق وافتح الشنطه الي هو جهزها وانصدم قاش كل الفساتين الي ماالبسهم قلت وش ذا يافلان قال حطيت الفساتين الي عمري ماشفتك تكشخين لي بهم قلت وشوووو هذول الي ضيق والي يحكحك كلهم بهم عاهات مايصلحون للاستخدام اﻻدمي بس مافضيت اعطيهم الجمعيه قال تستاهلين قلت لك الرجال وش يحط لحرمته قلت مادري خل يكلم خواتها ولو كلمت خواتك انظلوك وفشو كفارات الطياره وﻻ ﻻ
قلت اﻻ اشوى ماعلمت خواتي
المهم وصرت كل يوم لبسه فستان وع الشاطي الى مترتر والي دانتيل وتقل خبله الضيق ضيق والوسيع والمقصمل مسخره لبسي كان وعباه وحده ماحط لي عباه ثانيه وحط اخس عطر الى مركون بالكومدينه ومااستخدمه ﻻنه يصدع راسي وكريم يجيب لي حساسيه قلت هذا جزء الي مايرمي اﻻغراض الي مايبها ويحب يحتفظ بكل شي وسحبت ع دوامي اسبوع وخوياتي يكلمون وماارد عليهم توقعوني تطاقيت مع رجلي ووداني ﻻهلي يوم رجعت مابي اعلمهم اني الحرمه الي رجلها قايلن به هه وش اكذب وش اقول وافكر طول رجعتي بالطياره قلت مافي اﻻ اقول عندنا عزاء بيت خوال رجلي وسافرت فجاءه
دخلت الدوام وجهي منور واضح اني مستانسه وابي امثل دور الحزينه المهموومه قال وش فيك يافلانه قلت خال ابو رجلي توفى وهم بديره ورحنا لهم والله ياحالتنا حاله يقطعون القلب بس الحمدلله ع كل حال قالت وحده وجنب بيت خوال رجلك مشغل قلت ﻻ قالت اجل وش هالصبغه الي انت صابغه
واتذكر اني صبغت شعري بالسفر واسكت ويضحكون قالو يافلانه شكل رجلك هو الي سوى لك المفاجاء قلت ابد الله يخلف علي
ويستمر مسلسل الجحود واخاف ينظلوني ومازالت الحرمه مخبيه عليهم هالسفره ومازالو اذا طلعت من الغرفه حشو فيها ^_^
تخيلت شكلها بالفساتين
يا اختي على الحريم 
لاتوفوتكم عجيييبه

السلام عليكم
كيفكم ي حلوات وايش مسوين

انا من امس ومعي الم باللثه ..واكلي اخ بس 😥 ذبحت نفسي بالقهوه احسها تريحني ونقص وزني عن قبل ..

درر
وسعي خاطرك وباذن الله بيعوضك بسفره ...عاد تدرين زوجي مسوي لنا من قبل حجز ع شهر عشره لكن من عرفت اني حامل انا الي رفضت وهو بعد خاف ف اجلناها اهم شي البيبي كل شي لاحقين عليه لاني طولت من الحمل والحمد لله عسى فيها خيره


ههههه وراكم ع التشهوى ي بنات الله يعينكم
تذكرت ببنتي الكبيره كنت اعشق شي اسمه فراوله احب حموضتها وكنت إدمان عليها ولدت بنتي وبظهرها ع شكل فراوله لكن مكانها وشكلها يهبل
عاد حملي هذا عادي مافيه شي معين حبيته

كثيييير. تصير مرايم


انا. سلفتي ﻻحملت. تقول. متعبني القولون متهيج علي

وهي. تتوحم. ماتبغى. تعلم


استغفر الله. ماجبتيه. من الشارع. طيب. واذا حامل

منتي. الووووحيدة اللي تحملين