مساءكم ورد
..لوليتا عادي الصيام مايأثر عالجنين لاتفطرين الافي حالة تعب خفتي فيه على نفسك اوجنينك والله أعلم..
اداري اتوقع ولد لأن الولد يبان بدري لوبنت ماتأكد لك الحين

هههههههههههه ي حبي لكم وش هالحماس الظاهر اني خضيت التجمع خض 😂سامحوني سامحوني تعبانه شويا ولما فطرت رجع لي الغثيان عشان كذا تأخرت

بقولكم سالفتي ي محفوظين السلامه🙈
من امس وانا سادحه حسيت بغثيان فضيع وقمت ارجع وانتو بكرامه
بعدها قلت يمكن كثرت من المويا عشان كذا جاني الغثيان واكلت حبه من حبوب الغثيان وللاسف مافي فايده
وزاد مع الوقت وصرت ارجع اي حاجه ابلعها
اذن الفجر والحمدلله حسيت بتحسن قلت بدخل انام شويا وماوعيت الا على غثيان وطيران ع المغلسه وارجع هواء معدتي فاضيه
تصبرت لين افطرت الحمدلله كلت تمره وخلااااص ماني قادره اوقف احس بنفاضه رحت انسدح الا زوجي قام يزن على راسي كسرت خاطره ووداني للمستشفى ودخلت طوارئ قابلتني ممرضه قاست الضغط لقتها واااطي ودخلت الدكتوره وفحصتني وسمعتني النبضات بالمايك الحمدلله وركبت لي مغذي وابره للاستفرااغ بعدها حسيت الحياة دبت فيني الحمدلله على نعمة الصحه والعافيه وبعد شوي قالت انزلي سوي اشعه واخذوني وسويت سونار واول مره احس بخوف مغصني بطني خفت ان الجنين تأذى بس شفته لبى قلبه 😎😎يتحرك ويلعب مبسوط الحمدلله ويبقس في المثانه والبنكرياس بعد المجاعه اللي عاشها خخخخ المهم قامت تحوس نص ساعه وانا وجههي😖تعبانه وحاسه ببرد بس الفضول ذبحني قمت عاد انا نشبت لفنية الاشعه عشان تخبرني عن نوعه قالت فيرست بيبي قلت وش هالشفاحه اخلصي علينا يس✌فيرست بيبي قالت بيبي بوي 😚
يلا اهم شي الصحه و العافيه الله يجيبه بالسلامه وبعدها رجعت للدكتوره وقالت لي امور البيبي كويسه الحمدلله وبالسونار بين لي14 اسبوع وكيذا سألتها عن النوع قالت 85 بالميه ولد ضحكت بصراحه شمعنى 85 بالميه قالت لان بهالاسبوع تصير اغلاط احيانا ومانقدر نجزم بس هي شايفه شي بين الرجول فاحتمال ولد المهم زوجي ماخبرته ي بنات تتوقعون صحيح وانا لسى ببداية الرابع مو ناويه اخبره لحد الاسبوع 18 باذن الله يبين بدقه عارفته هالرجال موب قادر يمسك لسانه بيخر السالفه لمامته عشان كذا بتأكد بالاول😖
وسلامتكم
كني كثرت هذره< لاياشيخه توك تفطنين😂✌


الرشيقات اللي قالوا متأكدين ان فيني صبي ماشاء الله تنافسون السونار باحساساتكم ههههه وش السبب لهالتوقع تكفون علموني بموت من الفضول

والرشيقات اللي قالوا بنوته هارد لك المره الجايه بعد ما افك اللولب بالسلامه😂< اللولب ذابحها خخخخ
واللي يجي من الله ي محلآه😍❤

انا في بدايت الشهر السادس وتوني احس بحركت الجنين

السلام عليكم

انا متابعتكم من بدايه التجمع

بكريه وموعد ولادتي بأذن الله
31/12/2014
ضيفوني للقائمه 😍


لي 14 اسبوع بالضبط اليوم كان موعدي بس الدكتور رفض يقولي الجنس يقول مو باين
حتى حبوب الكاليسوم والحديد يقلي انتظري بعد شهر خذيهم بس استمري على حمض الفوليك

ايش رأيكم !؟

اول ماقالت سونار قلت لها ماقدر اشرب ولاقطره قالت مايحتاج خلاص من الاسبوع12 وطالع يرتفع الرحم وينشاف بدون مانعبي المثانه
قلت اشوا:09: