الله يعوض كل من فقدت جنينها ،
و ربي يعوظكم في أقرب فرصة بإذنه سبحانه و يربط على قلوبكم و يتم عليك الصحة و العافية ،
ماتدرون وين الخيرة فيه ،

ربي يعين ، توني في بداية الثاني و كرشي أعوذ بالله وش كبره ، مع أنه و لله الحمد مالي بطن قبل الحمل و جسمي نحيف ، تخيلوا أم لطفلين و وزني 47 ذذ ، كل من شافني يقول ماكأنك أم ذذ
بس ذ المرة كرشي كبير و أحس أني مالية هواء و غازات و ذبحني الإمساك و مغص الإمساك ، ربي يعين وييسر ،
زوجي يقول أشك أنك حامل بتوأم ذذ
بس إن شاء الله بأروح للذكتورة قريب خلال ذا الأسبوع ، و أشوف نبض الجنين و أتطمن على وضعي .

بالنسبة للعيد ، الحمدلله خلصت ، شريت لي فستان نعوووووم لونه مووووووف ، و مزموم من عند البطن ، بس مشكلته عاري و رحت شريت دانتيل و بطانة و بأبطنه ، يبقى بس عيالي أقضي لهم ، و أكمل اكسسوارات و حركات ،


أمممم أنا بأروح للدكتورة و بأستشيرها ، بس ودي أسألكم ، بعد أسبوعين ، يعني قبل رمضان ب5 أيام راح أسافر للقصيم لأهل زوجي ، في كل حملاتي الأولى كنت أرفض السفر ، بس ذا المرة وافقت و قلت المسافة مو بعيدة كلها 5 ساعات و بنوقف كل شوي و بأتحرك و زوجي الحمدلله مو من النوع اللي يسرع و حريص على الحفريات و المطبات ،
لأني بأجيهم الحين و لاعادني جايتهم الأعياد ، خلاص إذا كبرت الكرش ماعاد فيني حيل للسفر و لا غيره ،
ذا المرة باجي لأهل زوجي و بنقعد عشر أيام تقريبا ، يشبعون من عيالي ، أم زوجي تحب عيالي و من الآن رايحة للسوق تشتري لهم ألعاب و هدايا ، و ماودي أحرمها من عيالي خصوصا أن قلبها متوله عليهم ،
فقررت أسافر و بأعلمهم أني ماني جاية بالأعياد إلا بعد ماأولد بلسلامة ، في حملي بولدي الثاني قعدت سنة عن أهل زوجي من يوم حملت ماسافرت و مع النفاس و ماجيتهم إلا عمر ولدي 3 شهور ، فتقطع قلب أم زوجي ، و مشكلتهم مايقدرون أبد يجون مافيه أحد يجيبهم ، و عايلتهم كبيرة ،
فبتوكل على ربي و بأسافر و بأشوف دكتورة هناك إذ حسيت بشيء ،


أمممم تأيدوني أو لا ،
حاليا لي 6 أسابيع و بعد أسبوعين راح أكون في نهاية الثاني ،
المشكلة ضروري سفرتي لهم ، و لازم أحضر حفلة أخت زوجي التخرج .
و ربي يعطيني على قد نيتي ، و الله ماودي أحرم العيال من جدتهم و لا أحرمها منهم ،
تذكرت إحساس أمي لمن نسافر و نقعد أسبوعين أو أكثر عنها و لمن تشوف العيال تقعد تشمهم و تضمهم من شوقها ،
تخيلوا أم زوجي آخر شيء جيتهم شهر 2 وقت العطلة و بعدها ماعاد جيتهم ، لها عن عيالي 5 شهور أو 6 شهور ،

ربي يعين بس ،

إيه نسيت أقول أنا من الخرج تبعد عن الرياض ساعة ، يعني المسافة بين الخرج و الرياض 5 ساعات تقريبا

ام الامام اتوكلي على الله واستودعي جنينك الله وروحي
ان شاءالله السفر مو مضر
انا طول حملي السابق اروح لاهلي ٤ ساعات مشوار
والحمدلله ماجاني شي غير الم الظهر
وانتي كل ساعه او ساعتين وقفوا امشي لك شوي
والله يسهل لك :)

بنات بسئلكم الي ماعندها شغاله وش وضعها انا ماعندي وكارهه كل شي ومرهقه وفيني كسل وخموول اقوم ادف نفسي دف انظف واشتغل وراح يجي رمضان الله يبلغنا اياه يارب وراح يكون الشغل ضعفين فيه احد مثل وضعي ولا بس انا ههههه ثاني شي وش تنصحوني فيه بنتظاركم

انا جيت بعد غياب طويل وحشتوني
سمايلي جيبي شغاله لمدة شهر رمضان والله يعينك اااااارب