مساء الخير

كيفكم كروشات

توحشتكم برشا;)

ماشاء الله بدا ينشط التجمع تعبت وانا اقرا

سوسو

مرا روعه المدس اذا هذي بدايتك ماشاء الله ابدااااع




ارينا خذي نيو بورن بس خذي حق الاربعين بس لانه بعدين بتصغر عليه




ملاك الليل

نفس حالتي اقضي بدري بعدين اطفش وبكل طلعه للسوق اخذ كم قطعه لا ارادي طبعا هههه شكلي هالمره بقضي شوي شوي


حووور

ماشاء الله عليك خلصتي بدري ومرا مرتبه مقاضيك

يسلمو حبيباتي
عيوني لكم :*

ناني

انا زيك
بطني ترجف وترتعش زي كأنو الجنين يرتعش من البرد
^ ما اعرف اشبه رجفة البطن بس تقريبا كأنها زي رجفة البرد

وعادي مو شايلة هم
احسو شي طبيعي
دام باقي الاعراض طبيعية

السلام عليكم ورحمة الله وبركاته
مراحب
كيفكم؟
تفضلوا هذي قائمة احتياجات الطفل .. من تجربتي ..

تجهيز المولود .. لاحظي حسب احتياجاتك وطبيعة طفلك.. واذا عندك احد يغسل باستمرار او لا .. ممكن العدد يختلف من طفل للثاني .. بكتب شي عام وانت خذي الي يناسبك ..
المحلات: سنتر بوينت.. نكست.. مذركير (ملابس المواليد من تجربتي ناعمة وحلوة لكن تتمطط مع الغسيل).. الهرم..
١/ بربتوزات داخلية مقاس صفر الى ثلاثة
من ثمانية الى عشرة حبات .. انتبهي لا تاخذي الا الي اكمامها تجي كت ولا تاخذي علاق .. وتكون فتحة الرقبة دائرية من الامام وبدون ثنيات .. احرصي تكون سادة وبدون الوان حتى ما تبهذلك بالغسيل .. الطقطق السفلي يكون معدن مو بلاستيك .. الافضل من نكست ثم سنتر بوينت ثم الهرم من وحدة من هالعلامات اما الي عليها صنع في انجلترا او الي من كيدز وورلد او بيبي كير .. <<< من تجربتي ..
٢/ بربتوزات خارجية كاملة من ستة الى ثمان قطع.. باقدامها باكمام طويلة .. مهم جدا ازرارها تكون من الامام يفضل طقطق ناعم حتى ما يضغط على البيبي.. لا تاخذي اي شي له ازرار من الخلف تألم ظهر البيبي .. خذي قطنيات مائة٪ وابتعدي عن اي خامة ثانية ممكن تسبب تحسس للبيبي .. لا قدر الله .. او الحر او غيره .. برضو انتبهي ان تكون فتحة الرقبة لها مثل ثنية القميص .. وما تكون فتحة دائرية واسعة .. او ثنيات عند الاكتاف .. لان غالبا تطلع منها اكتاف البيبي ويتبهذل .. حاولي تاخذي الوان فاتحة حتى تناسب بشرة البيبي وما تغمقه .. افضل شي بالنسبة لي ابيض .. ليموني ..
المقاسات اذا طفلك في سونار الشهر التاسع قريب من الثلاثة كيلو خذي ثنتين نيو بورن بس والباقي من صفر -ثلاثة .. واذا اصغر من الثلاثة فخذي من النيو بورن اربع الى خمسه والباقي من صفر الى ثلاثة..
٣/ اللفات او المهادات او الكوافل حسب التسمية عندك .. خذي خمسة الى سبعة حاولي تكون بيضاء ..واذا تبي ملونة فتكون الوانها على الوان اغلب اللبسات.. او لايقة معاها .. انتبهي لعرضها وطولها .. خذي شي مناسب لحجم البيبي لا يكون صغير مرة .. اما الكبير عادي تقدري تثنيه.. خاصة ولادتنا على وجه البرد فعادي لو صار طبقتين.. قطنية مائة٪ طبعا..
٤/ صدارات من اربعة الى ست حبات غالبا تجي اطقم ملونة تلاقيها بسنتر بوينت وممكن تاخذي سادة بالحبات وتشوفي اذا طفلك كثير الترجيع او لا .. خذي شي قطني ناعم انتبهي من بعض انواع الصدارات تكون خشنة .. وراح ترجع على وجه البيبي كثير فقد تسبب له تحسس او حكة .
٥/ قبعات اربع حبات.. على الوان ملابس البيبي مهم يكون في منها ابيض .. وطبعا قطنية ..
٦/ ممكن قفازات زوجين منها حتى ما يمخش البيبي وجهه بس انتبهي ما يظل فيها طوال الوقت حتى ما تتعفن اليدين خاصة بين الاصابع ..
٨/ مفارش حمل وتقديم البيبي اثنين او ثلاثة حسب اذا بتاخذي مدس او لا.. ضروري ما تكون منفوخة مرة .. قماشها ما يزلق منه البيبي .. الوان مناسبة للمهادات..
٩/ غيار للتغير للبيبي جهة بلاستيك حتى ما بتسرب البلل وجهة قماش تسدحي البيبي عليها اثناء التغيير..
١٠/ فوطة للاستحمام للبيبي..
١١/ شنطة لاغراض البيبي .. سواء شنطة مخصصة للطفل.. او شنطة عادية حجمها مناسب يكفي الاغراض..
١٠/ اغراض الصيدلية:
أ- بامبرز اصغر مقاس..واصغر كيس حتى تسوفي يناسب طفلك تستمري عليه والا تغيري النوع ..
ب- مناديل تغيير البيبي اما بالزيت سيبا ميد مثلا او مناديل مبللة العادية مثل جونسون او بامبرز وغيره .. وبرضو خذي علبة وحدة حتى تشوفي تناسب طفلك او لا..
ج- كريم التسلخات سودو كريم..
د- مصاصة اصغر مقاس وشوفي الاشكال بالنت اختاري الي يناسبك .. مع سلسلتها..
هـ- ثلاث رضاعات زجاجية اثنين للحليب.. وحدة للماء والنعناع وغيره .. مع مقسم الحليب وحافظة الماء وجهاز التعقيم اذا حابة ..فرش لتنظيف الرضاعة تكون مناسبة لحجم الزجاجات .. اما اذا ناوية تعتمدي طبيعي فيكفيك وحدة للماء واذا تعطي يانسون او نعناع ..
و- مسحات طبية تعصريها على السرة ..
ز- شامبو وصابون جسم واويل للبشرة ممكن تاخذي مجموعة وممكن مفرد والاحسن المفرد حتى تشوفي تواريخ العلب وكذا .. وكمان ما تاخذي شي وترميه .. مثلا بودرة الاطفال مو كويسة لا قدر الله تسبب حساسية الصدر ..
مع ملاحظة ان كثير من هذي الاغراض ممكن تحصليها عند محلات تجهيز الاطفال وعادة اسعارهم افضل .. فانت شوفي الي يناسبك واشتري منه..
شي اخير حابة اضيفه ممكن تشتري من محلات ماركات عالمية الي عندهم اشياء للاطفال.. مثل موسكينو.. بيربري .. قوتشي.. ديور.. كڤالي.. الفيرو مارتيني .. تاخذي منهم لبس للتقديم ومفرش متناسقين.. وتقدمي فيهم طفلك ..