ياحليلكم بنات

ابد مافكرت اقضي الحين
حلاته بالتاسع

علشان اشغل نفسي بالتقضي

انا معكم بصف بالخامس ♥♥♥

حبيباتي وخواتي

ادري غثيتكم بمشاكلي .. بس مالي غيركم بعد الله

ابي نصيحتكم لآخر التطورات

مثل منتو عارفين قبل العيد بليله وداني زوجي لأهلي زياره (هم يبعدو عنا ساعتين مشوار) وقال لي ساعتين و امر آخذكم .. قلت طيب .. وانا كنت متفقه مع اهلي اني اذا نزلت ما ارجع لين ابوي يجلس معاه و يتفاهم ويطلب منه يتعدل او الطلاق

وانا من داخل شايله هم مابي اتطلق وتعبت من العيشه معاه الفتره الأخيره .. شفتو المشاكل كيف وصلت 😔

المهم

نزل ابوي و طلب من زوجي ابقى عندهم كم يوم بحجة انه ملاحظ وجهي ان فيني شي مو طبيعي
رد زوجي ابدا و لا فيها شي غير الدلع وقام يبرر موقفه و راح
ثاني يوم قال لي وينكم! يحسب برجع قلت احتاج ارتاح عند اهلي لأني تعبانه نفسياً
ارسل رسالة اعتذار و ان غصبٍ عنه كان عنده ظروف و ان انا و عياله كلهم بدوون تمييز اغلى ما يملك و من هالكلام
المهم مارديت عليه
(العذر والحجه اللي استخدمها مااقتنعت فيهم لكن فرحت بتمسكه فينا وانه انتبه لتصرفاته معاي)

ثاني يوم ارسل يعايد و يسألني كيف صرت.. رديت الحمدلله وبس

جلس ٣ ايام لا دق و لا ارسل

امس ارسل يسأل متى جايين!!
مارديت
دق و دق .. مارديت
ارسل ردي علي ضروري جداً
مارديت
رجع دق
رجع ارسل اشغلتي بالي ياحبي فيك شي؟
وكل هذا خلال اقل من ساعه وانا ما ارد عليه

وبعدها دق على ابوي و كنت وقتها انا طالعه مو بالبيت (مع العلم لأول مره مايعايد ابوي مع ان ابوي عايد امه زي كل سنه وانا عايدت خالتي)

رد عليه ابوي و سأله عني و قاله ابوي وش فيها بنتي قال ياعم والله مافيها غير الدلع و الحياة تحتاج صبر وهي لازم تتحملني انا علي ضغوط و مسؤليات ماليه و كل اللي كنت انصحها فيه هو اني ابيها تهتم بنظافة البيت زياده .. قال ابوي لا اكيد فيها شي غير اشوف الدمعه بعينها ومهي راضيه تعلمنا بشي .. قل لي وش السالفه

المهم انه تعذر و قلق من تصرفاتي وهالشي رجع لي كرامتي وانه شاريني

ارسلت له رساله ان اهلي بيجون بعد يومين و برجع معهم ان شاء الله

رد علي حياكم الله يالدلوعين .. مالي غنى عنكم


------------------


الحين شايله هم الرجعه.. هل خلاص اكتفي بكذا و ما اخلي ابوي يجلس معاه بحيث انه يشوف كيف انا ساتره على بيتي و ما اقول لاهلي كل شي؟! عشان تبقى هيبة ابوي و يعطيني شوية احترام مقابل محافظتي على اسرار بيتي

وهل تتوقعو انه يمثل ؟! او فعلاً شاريني انا وعياله؟؟؟ يعني هل هذا درس وتنبيه كافي؟! ما ازيد العيار عشان لا اخسر كل اللي سويته؟!

على فكره طول هذا الاسبوع اصلي و ابكي وادعي بخشوع

ياحي ياقيوم برحمتك استغيث اصلح لي شأني كله ولا تكلني لنفسي طرفة عين
يارب دبرني فإني لا احسن التدبير
يارب رد لي زوجي رداً جميلا
يا جبار اجبرني
يارب سخر و حنن قلب زوجي لي و لاطفالي وجنيني
يارب اجعلني الوحيده في قلب وعقل وروح و حياة و تفكير زوجي
يارب اجعله يندم على كلامه وافعاله معاي
يارب اجعلني وذريتي من البارين

مع التكرار و الاستغفااااار والحمدلله يارب من حسن الى احسن


ياااارب رد زوجي لي و لأطفالي وجنيني رداً جميلا

عادي وانا بعد من زمان بالتجمع واسمي مو موجود 😁😊



الف الحمدلله ع سلامتك حياتي وربي يتمم لنا ولك بخير يااااارب


ياااارب رد زوجي لي و لأطفالي وجنيني رداً جميلا

كم التاريخ بالضبط عشان يضيفونج