مرحبا بنات شخباركم وحشتوني 💜

مبروك التجمع الجديد الله يجمعنا على طاعته يارب ..

عاد بقول شي واتمنى محد يزعل مني ياليت ماتجيبون اخبار مو كويسه وتضيق الصدر تعرفون الحامل ونفسيتها واي شي يأثر فيها وانا باديه ادور اي شي اصيح عليه فارفقوا بحالنا الله يسعدكم ❤️❤️


اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُو عَنِّا🌼

بنات الله يسعدكم

ايش الحل مع الطفل النكدي كثير البكاء ،، على كل شي تبكي،، تعبتني والله صرت اتعامل معها بقسوه ،، ماضربها طبعا بس ماعطيها اهتمام واهاوشها كثير،، ولا امدحها واحضنها زي زمان
ياناس صرت افرح بالوقت اللي تنام فيه ولا تروح فيه لاهلي ،، ماتعرف تجلس بدون نكد ،، لو تطلب شي من اول مره تطلبه ببكاء، مو تستنى شوي ثم تستخدم البكاء عشان نلبي طلباتها لاء
من اول مره تطلب بنكد ،، والله تعبتني وتعبت لي نفسيتي والحين مع الحمل مو فايقة لها
مع انه عمرها خمس سنوات ماهي صغيره
ايش الحل بالله معاها
حتى عند الناس تحرجني اذ رحنا لاحد كذا اسلوبها وخوافه ماتدافع عن نفسها اذ احد قال لها كلمه جات تبكي ،، لاتحسبون اني قاسيه واضرب لا والله الضرب مو بقاموسي الحمدلله
بس صراحه لما تطلع اخلاقي اهاوشها وبصوت عالي كمان ادري هذا الشي غلط بس هي اللي جبرتني اسوي كذا
اذ نامت اقول حرام لازم اهتم فيها بس من اول دقيقه تقوم فيها تبدا النكد ماتعطيني فرصه اغير رايي تجاهها
بجد مابي علاقتي فيها تتدهور هذي بنتي واول فرحتي ماني حابه اعقدها بس والله هي عقدتني


اخوها عمره ثلاث سنين علاقتي فيه تختلف كثير عنها
صحيح انه شقي وحركي وعنيد درجه اولى
بس والله ارحم منها عندي وعلاقتي فيه احسن منها لانه مو نكدي زيها
هي هاديه بس نكديه

اعطوني حل بالله تعبت بجد 😭😭

مرحبا بنااات

مبروك عالتجمع الجديد وجعله الله تجمع خير وسعادة عالجميع


البنات اللي ردو بخصوص مكوى السراميك مشكوراااات حبيباتي:)

مبروووك التجمع الجديد الله يجعله تجنع خير وبركه وعقبال التباشير


ميس مي الله يعينك ويرزقك برها ماعندي علم بس حبيت اساعدك اقري عليها ونشقيها مره يتوسع صدرها شوي بس قبل بسالك بنت معها ربو لاسمح الله او حساسيه؟ لانه هو الي يضيق خلق الطفل ويخليه دايم يبكي
وان شاءالله البنات يفيدونك

الف مبروك التجمع الجديد عقبال التباشير يارب